Во Рим отворена изложбата „Мајка Тереза – светицата од Скопје, светицата на светот“

Во чест на Мајка Тереза синоќа во црквата „Свети Станислав“ во Рим свечено беше отворена изложбата „Мајка Тереза – светицата од Скопје, светицата на светот“.

Изложбата на фотографии и текстови за животот и делото на Мајка Тереза е во организација на Спомен куќата на Мајка Тереза од Скопје и Министерството за култура на Република Македонија.

Министерката за култура Елизабета Канческа Милевска, обраќајќи се на свеченото отворање пред бројните гости, јави известувачот на МИА, истакна дека оваа изложба претставува еден мал придонес на нашата држава во одбележувањето на историскиот чин – прогласувањето на Мајка Тереза за светица.

- Денеска Мајка Тереза со својот живот и дело се впиша во вечната книга на светителите, таа стана пример за предано служење на Бога, симбол на милосрдието, на добрината и хуманоста. Денеска сите ние сме особено горди што нашата сограѓанка со својата оставнина повторно ги обедини добронамерниците од целиот свет кои, со длабока и неизмерна почит во нејзината личност и дело, препознаваат надеж и верба во иднината на човештвото, рече Канческа Милевска.

Таа додаде дека токму затоа една од заложбите на Владата на Република Македонија и Министерството за култура во изминатите години беше на достоен начин да се оддаде почит кон делото на Мајка Тереза која, како што рече, остави наследство кое имаме обврска да го опредметиме.

Во тој контекст министерката за култура потсети дека токму во чест на блажената Мајка во Скопје, нејзиниот роден град, е изграден Спомен домот на Мајка Тереза кој, рече, беше наш подарок до светот, влог на граѓаните на Република Македонија во промовирањето и афирмирањето на сите добрини што ги даруваше.

Канческа – Милевска ги информираше присутните гости дека во Македонија, во чест на канонизацијата на Мајка Тереза за светица, се реализираат низа религиозни, културни и научни настани во организација на повеќе црковни, владини и државни институции, под наслов „Денови на света Мајка Тереза“.

Сепак, истакна дека еден од централните настани во ова одбележување на канонизацијата е токму оваа изложба која овозможува на италијанската и светската јавност да им презентира значајни историски моменти од животниот пат и мисионерското дејствување на Мајка Тереза, кои, како што рече, се сведоштво за нераскинливата врска помеѓу Република Македонија и големата хуманистка.

На изложбата се претставени неколку тематски целини, паноа на кои се илустрирани впечатливи фотографии, документи и наративен текст придружен со најдлабоките размисли на Мајка Тереза, експонати кои ги претставуваат нејзиното детство и младост, семејството и блиските пријатели, нејзиното Скопје...

Во рамките на изложбата „Мајка Тереза – светицата од Скопје, светицата на светот“, беше прикажан и документарниот филм на продуцентската куќа Вардар Филм, во кој е претставена нејзината хумана мисија, како и посетата на родниот град.

На свеченото отворање на изложбата имаше голем број гости, поддржувачи на делото на Мајка Тереза, меѓу кои и претседателот Ѓорге Иванов, премиерот Емил Димитриев, градоначалникот на Скопје Коце Трајановски, митрополитот Европски господин Пимен, Алојз Гомбар, претставник од фамилијата на Мајка Тереза, како и претставници на дипломатскиот кор во Италија.

Ковачевски: Минималното зголемување на цената на струјата ќе ги осигура инвестициите

Генералниот директор на АД Електрани (ЕСМ), Васко Ковачевски, изјави денеска дека поскапувањето на струјата, кое според него е минимално, ќе овозможи државната компанија за производство на електрична енергија да се доближи до европските стандарди и да инвестира во преориентирањето кон обновливите извори на енергија.

Претседателот Пендаровски во Охрид го посети армискиот нуркачки тим

Претседателот на Македонија и Врховен командант на Вооружените сили, Стево Пендаровски, денеска го посети нуркачкиот тим од Баталјонот на специјалните сили на Армијата, што изведува обука во летни услови во Центарот за обука на вода во Охрид.

Припадниците на тимот го информираа претседателот Пендаровски за нивните тековни активности, беа прикажани нивните капацитети и способности, како и опремата што ја користат, а беа демоностирани и неколку показни вежби.

Нуркачкиот тим во месец јули престојуваше во Атина, Република Грција, каде заедно со грчката специјална единица изведуваше обука за нуркање. Со тоа, единицата започна циклус на соработка со грчката специјална единица, во рамки на заедничката соработка на двете армии на земји-членки на НАТО. Покрај со грчката армија, ваков вид на соработка се реализира со повеќе армии од земји-членки на НАТО.

Претседателот Пендаровски на припадниците на нуркачкиот тим, кои своите способности ги имаат докажано и во поддршка на цивилни институции, им посака натамошна успешна работа и изрази очекување да продолжи натамошната успешна соработка со партнерските армии од НАТО алијансата.

Делегација од Кабинетот на Претседателот оддаде почит на 10 армиски резервисти загинати кај Карпалак

Делегација од Кабинетот на Претседателот на Република Македонија  денеска положи цвеќе пред спомен-плочата кај месноста Карпалак на автопатот Тетово – Скопје и пред комплексот „Карпалак" во Прилеп.

Делегација од Кабинетот на Претседателот на Република Македонија, по повод 19-годишнината од загинувањето на 10 армиски резервисти кај месноста Карпалак, денеска положи цвеќе пред спомен-плочата кај месноста Карпалак на автопатот Тетово – Скопје и пред комплексот „Карпалак" во Прилеп.

Во понеделник, 10 август 2020 година, делегација од Кабинетот на Претседателот ќе положи цвеќе пред спомен-обележјата во општина Ѓорче Петров, пред спомен-обележјето во село Љубанци, и во касарната „Илинден" во Скопје, по повод 19-годишнината од загинувањето на осум армиски резервисти кај месноста Љуботенски бачила, скопско.

притисни ентер