„Мистер Бриколаж“ донираше производи за погодените подрачја

Францускиот ланец на хипермаркети во Македонија „Мистер Бриколаж“, следејќи ја својата практика на опшетствено одговорна компанија, а сочуствувајќи со настраданите од катастрофата што зафати делови од Скопје и Македонија во изминативе денови го даде својот придонес во расчистувањето на погодените реони.
- Изгубените човечки животи не можеме да ги надополниме, но можеме да им помогнеме на оние што сега се справуваат со оваа непогода и заедно да ги вратиме работите во нормала што поскоро. Нашата компанија за таа цел донираше производи што во моментов се посочени од одговрните лица како најпотребни и испрати екипа од наши вработени во погодените подрачја. На тој начин сакаме да го дадеме својот придонес за санирање на состојбата – нѐ информираа од менаџментот на „Мистер Бриколаж“ Македонија.

„Мистер Бриколаж“ во изминативе денови од својата палета производи донираше 500 парчиња лопати, 500 пара чизми, 500 пара заштитни ракавици и 500 парчиња заштитни маски додека вработените организирано собираат храна, производи за лична хигиена, облека и лекови за семејствата што се погодени од силното невреме. Екипа на вработени во компанијата во следните денови секојдневно ќе му помага на населението до моментот кога ќе се нормализира животот во погодените подрачја.

ВМРО-ДПМНЕ: Мицкоски ниту знаел, ниту учествувал во некаков план за бегство на Груевски

ВМРО-ДПМНЕ најостро ги демантира лагите и манипулациите искажани од устата на портпаролот на единствениот политичар три пати аболициран за тежок криминал, Зоран Заев, реагираат од ВМРО- ДПМНЕ. 

Претседателот на ВМРО-ДПМНЕ, Христијан Мицкоски ниту знаел, ниту учествувал во некаков план со кој што му е овозможено на Никола Груевски да избега од Македонија.

Аболицираниот Зоран Заев и министерот за прогон и терор Оливер Спасовски завчера точно знаеја дека Никола Груевски не е во штабот на ВМРО-ДПМНЕ. Знаеја, но одлучија политички да ја злоупотребат полицијата и институциите, да запираат легитимираат и претресуваат членови и активисти на партијата со намера да ги заплашат.

СДСМ и аболицираниот Зоран Заев и Оливер Спасовски го допреа дното.

Двајцата мора да си поднесат неотповикливи оставки заради нефункционирањето на институциите и разорувањето на Македонија.

ВМРО-ДПМНЕ не се согласува со заминувањето на Никола Груевски, тоа не е опција дури и кога сите знаат дека се работи за политички прогон. Така се загрозуваат и другите лица кои исто така се цел на тој прогон. И тоа се покажа, притворањето на дел од овие лица е дефокусирање од неспособноста на Заев и министерот за прогон и терор, Спасовски. Нивното притворање е политичка казна, а не правна санкција кон луѓе кои редовно и ревносно ги исполнуваа обврските кон судот.

Ишкањето на мувата од капите на Заев и Спасовски не и помага на Македонија и на правниот систем. Двајцата како лидери на криминалниот картел на власт мора да си заминат што поскоро, се наведува во реакцијата од ВМРО - ДПМНЕ. 

30-дневен притвор за Јанакиевски и Божиновски- Јанкуловска не очекува притвор, ги почитува мерките за претпазливост

Бегството на екс премиерот Груевски експресно ја активира мерката притвор за дел од обвинетите во случаите на СЈО.Поранешниот министер Јанакиевски и екс генералниот секретар на Владата Кирил Божиновски од утринава се во 30-дневен притвор.

Груевски е во бегство а Специјалното обвинителство се сомнева дека на ист начин за бегство се спремале и екс министерот за транспорт и врски Миле Јанакиески и поранешниот секретар во владата на ВМРДО ДПМНЕ Кирил Божиновски поради што судот им определи притвор од триесет дена. Обвинителката Лиле Стефанова не сакаше јавно да ги сподели информациите со кои располагаат но рече дека ќе бараат притвор и за другите обвинети за кои ќе има сомнеж за бегство.

Барањето за притвор за Јанакиески и Божиновски СЈО го поднело рано утринава а судот го одобрил.

По ценење на фактите и доказите во предлогот судот донесе решенија со кои го прифати предлогот и на двете лица им определи мерка притвор во траење од 30 дена заради постоење на опасност од бегство .

Обвинета во овој случај е и екс министерката за внатрешни Гордана Јанкулоска која како што рече не очекува притвор бидејќи ги почитувала определените мерки од судот.

Екс министерот Јанакиески синоќа за дел од медиумите го осуди бегството на Груевски и рече дека не планира да бега.  Со Божиновски утринава се спроведени во истражниот затвор во Шуто Оризари а денеска не беа спроведени во судот бдејќи решението за притвор судијата Осман Шабани го добил утринава. Нивната одбрана тврди дека сознанијата за подготовка за бегство доаѓаат преку УБК и сметаат дека се работи за политичка одмазда.

На следното рочиште за десетина дена Кривичниот суд ќе треба да одлучи и дали на екс премиерот Никола Груевски ќе му се суди во отсуство за Титаник или постапката ќе се одвои. Слачјот Титаник е најголемиот слуачј на СЈО во кој има над 20 обвинети за изборни нерегуларности.  Освен во него Груевски е обвинет во уште 3 случаи -  ТНТ, Траекторија и Насилство во Центар.

Унгарските власти потврдија дека го разгледуваат барањето за азил на Груевски

Унгарските власти го разгледуваат барањето за азил, поднесено од поранешниот премиер Никола Груевски, информираат од прес-службата на кабинетот на премиерот Виктор Орбан.

Со оглед на тоа дека десетина години беше премиер, поради безбедносни причини унгарските власти дозволија Никола Груевски барањето за азил да го достави и биде сослушан во седиштето на Канцеларијата за имиграција и азил во Будимпешта. Канцеларијата ќе спроведе постапка за проценка на барањето за азил во согласно унгарското и меѓународното право, се вели во соопштението.

Од кабинетот на Орбан наведуваат дека Македоија е стратешки партнер и важен сојузник на Унгарија.  Добрата соработка меѓу двете држави е клучна за развојот на балканскиот регион и за безбедноста на Европа.

– Македонската влада е партнер на Унгарија и не сакаме на никој можен начин да се мешаме во внатрешните работи на суверените држави и постапката за проценка на барањето на поранешниот премиер на Македонија за азил го сметаме чисто за правно прашање, се вели во соопштението.

Согласно унгарските закони, властите на Унгарија не смее да објават дополнителни информации и детали поврзани со постапката за азил, до нејзино целосно спроведување.

Поранешниот премиер и екс-лидер на ВМРО-ДПМНЕ во вторникот на својот фејсбук-профил објави дека се наоѓа во Будимпешта, каде побарал политички азил поради безбедносни причини.

Груевски е осуден на две години затвор за случајот „Тенк" на Специјалното јавно обвинителство. /МИА

притисни ентер