Информативни брошури за патниците при влез и излез од земјата

Информативни брошури на македонски и англиски јазик со корисни податоци за важечката царинска регулатива за патнички промет, односно за дозволените количини за внесување или изнесување на тутунски и алкохолни производи, парфеми, предмети за лична употреба, лекови, миленичиња, оружје и муниција, предмети од историска и културна вредност и слично се делат на граничните премини со цел подигање на свеста на патниците и нивно запознавање со царинските законски регулативи.
Како што информира Царинската управа на патниците им се презентираат и брошури со информации за царинска регулатива поврзана со пријавување пари, изработени на македонски, англиски, албански и турски јазик. Патниците на аеродромите во Скопје и Охрид за законската регулатива имаат можност да се  информираат преку информативно видео, кое во соработка со ТАВ е поставено на екраните на аеродромите во делот за чекирање каде патниците поминуваат пред да излезат од државата и  во делот на зоната за пристигнување на мониторите кај лентите за багаж каде патниците го чекаат својот багаж при влез во државата, како и преку информативните табли поставени на граничните премини.

Потсетуваат дека лимитот за внесување на пари изнесува 10.000 евра. Ефективни странски пари над 10.000 евра задолжително се пријавуваат на царинските органи. Што се однесува до изнесувањето на пари од Македонија, резидентите мора да го пријават секој износ над 2.000 евра и 120.000 денари по лице, при што се приложува потврда од овластена банка или менувачница. Изнесување на ефективни странски пари над 10.000 евра и 120.000 денари е забрането. Нерезидентите можат слободно да изнесат ефективни странски пари во износ до 10.000 евра и до 120.000 денари по лице. Доколку изнесуваат ефективни странски пари над 10.000 евра задолжително се приложува на увид писмената потврда во која е евидентиран износот при влез од страна на царинскиот орган.

Во соопштението посочуваат дека таканаречениот „зелен канал“, таму каде што постои, патниците можат да го користат само доколку не поседуваат стока која подлежи на плаќање увозни давачки. Во спротивно се користи „црвениот канал“, се пријавува сé што патникот носи со себе и во т.н. скратена царинска постапка се царини стока чијашто вредност не надминува 800 евра во денарска противвредност.

Во Македонија, покрај личниот багаж и лекови за лична употреба, слободно може да се внесат до 200 цигари (или 100 цигарилоси или 50 пури или 250 грама тутун за пушење) еден парфем од 50 мл или една тоалетна вода од 250 мл и литар алкохолен пијалак или 2 литри вино. Ослободувањата за преработки од тутун и алкохол и алкохолни пијалаци не важат за патници помлади од 18 години. Потребни се посебни дозволи за живи животни, суровини од животинско потекло, домашни миленичиња и за растенија. Забрана постои за оружје и муниција, недозволени супстанци, отрови и штетни материи како и за фалсификувана и пиратска стока.

Домашните патници се ослободени од увозни давачки за увоз на стока од некомерцијална природа во вредност до 350 евра. Во овие 350 евра не влегуваат алкохолни пијалаци, преработка од тутун, парфеми и тоалетна вода.

Од Царината сметаат дека преку информирање на патниците за нивните права и обврски, ефикасна организација и примена на современи царински постапки, ќе се избегнат подолги задржувања на граничните премини и ќе се обезбеди брз и безбеден проток на патници и стока. /МИА

Украина се заканува со рушење на Кримскиот мост

Пратеникот на Врховната рада на Украина, Игор Мосијчук се закани со уништување на Кримскиот мост изграден преку Керчкиот канал.

„Мостот преку Керч е непријателска инфраструктура. Зошто непријателска? Бидејќи ги поврзува окупираната територија со копнениот дел на земјата-агресор. Нормално, после ослободувањето на Крим, во текот на понатамошната деокупација, тоа е стратешки објект. Секоја нормална земја на светот која е во војна за својата територија, за своите луѓе, нормално дека се обидува да ја уништи непријателската инфраструктура – мост, железничка станица, аеродром“ – објаснил Мосијчул гостувајќи во телевизијата “112 Украина“.

Одговарајќи на прашањето дали тој лично ќе учествува во рушењето на мостот, пратеникот одговорил дека тоа секако би го направил доколку е министер за одбрана.

Претходно на сајтот на „Вашингтон егзаминер“ објавен е текст на новинарот Том Роган, во кој тој напишал дека Кримскиот мост е “невиден навреда“ за Украина како нација и предложил да се бомбардира и покрај “можните“ реципрочни мерки.

Мостот преку Керчкиот канал е најдолгиот во Русија и неговата должина изнесува 19 километри.

Патниот сообраќај преку мостот започна шест месеци пред првобитно поставениот рок.

Крим стана составен дел на Русија во 2014 година, после референдумот одржан после државниот удар во Киев.

Голем дел од жителите на полуостровот (96,77 отсто) гласаа за обединување на Русија.

Пенс: Судбината на Либија е суровата реалност која го чека Пјонгјанг

Американскиот потпретседател Мајк Пенс ја предупреди Северна Кореја дека би можела да ја искуси судбината на Либија, доколку не биде постигнат договор за севернокорејската нуклеарна програма.

„Овие денови имаше многу разговори за кризата во Либија. Во тој контекст, како што и американскиот претседател Доналд Трамп јасно изјави, Северна Кореја би можела да заврши исто како Либија, доколку Ким Јонг Ун не се согласи на договор“ – изјави Пенс во интервју за „Фокс њуз“.

На прашањето дали е тоа закана кон севернокорејскиот режим, Пенс изјавил дека тоа е и “многу повеќе од суровата реалност која го очекува Пјонгјанг“.

Советникот за национална безбедност во Белата куќа, Џон Болтон минатата недела изјави дека Вашингтон не сака да го повтори сценариото од Либија, кога поранешниот американски претседател Џорџ Буш потпиша договор за нуклеарната програма на Либија во 2003 година, а подоцна со интервенција беше срушен режимот на Муамер Гадафи.

Актуелниот претседател на САД, Трамп изјави дека не сака либискиот модел да го примени во Северна Кореја, но дека за тоа би можело да се расправа доколку не биде постигнат договор.

Властите на Северна Кореја негодувале после изјавите на Болтон и Трамп, а последните изјави на Пенс би можеле додатно да предизвикаат реакции од Пјонгјанг.

Трамп би требало на 12 јуни да се состане со севернокорејскиот лидер Ким Јонг Ун во Сенегал.

Се продлабочуваат недоразбирањата меѓу Техеран и Вашингтон

Иранскиот претседател Хасан Рохани  потврди дека Техеран не прифаќа соединетите американски држави да носат одлуки за него.

Неговата реакција следи  откако американскиот државен секретар Мајк Помпео постави услови до Иран и објави построги санкции врз таа земја. „светот денес не прифаќа сад да решаваат за него.

Земјите имаат своја независност“, рече Рохани, прашувајќи: „кои сте вие да решавате за Иран и за светот?“.

Помпео претходно информира  дека Вашингтон ќе воведе најстроги санкции во историјата и оти тие ќе стануваат се потешки се додека иранскиот режим не го „смени курсот“. Пред две недели американскиот претседател Доналд Трамп изјави дека Вашингтон се повлекува од нуклеарната спогодба со Иран.

притисни ентер