Конечно фатен мистериозниот терорист во бело

Белгиските власти уапсија новинар за кого се верува дека е единствениот преживеан напаѓач во нападите во Брисел.
Станува збор за Фејсал Шефуа, за кого се верува дека е еден од тројцата бомбаши на аеродромот, кој во последен момент се премислил и не се разнел.

Во меѓувреме, во Белгија растат и стравувањата дека терористите можеби имаат пристап во една од нуклераните централи, близу Брисел.

Белгиската полиција го склопи мозаикот. 30-годишниот новинар Фејсал Шефуа е единствениот преживеан терорист во нападите на аеродромот Завентем.

По четири дена од нападите, властите го уапсија мистериозниот маж со црна шапка и бело одело, еден од тројцата напаѓачи кои беа регистрирани на безбедносните камери на аеродромот. Властите се уште не ја потврдуваат информацијата, иако сите белгиски медиуми нашироко пишуваат за независниот новинар, познат по објавувањето видео снимки на интернет. Последен пат вниманието го привлекол пред две години, кога известувал од пред прифатен центар за нелегални мигранти, кога го осудил односот на властите дека не го почитувале рамазанскиот пост на мигрантите.
-Овде се случува кршење на човековите права. Во месецот на рамазанските пости на повеќе од 100 Муслимани им се нуди оброк пред прекинот на постот, изјавува Шефуа на снимката во 2014-та.

Тој бил идентификуван од таксистот, кој кобниот вторник ги превезувал тројцата терористи на аеродромот.

Шефуа бил апсен неколкупати за обид за врбување баратели на азил во исламистичките структури.

Обвинителство соопшти дека е уапсен уште еден осомничен со име Абубакир Хад. Во меѓувреме, Белгија ја крена на нозе информацијата дека можеби терористите имаат пристап до една од најголемите нуклеарни централи во земјата.

Веста следи откако член на обезбедувањето на нуклеарката Тианж, близу Шарлоа беше убиен пред два дена, но стравувањата пораснаа по информацијата дека неговата идентификациска картичка, со која се овозможува пристап до постројките е украдена. Обвинителството отфрли каква било можност смртта на вработениот да е поврзана со тероризам, иако признава дека нуклеарните постројки биле потенцијална мета на групата.

Белгиските власти денеска соопштија дека бриселскиот аеродром Завентем, кој беше мета на нападите ќе остане затворен најмалку до вторник.

Мирен протест пред Собранието

Мирно и без инциденти мина вечерашниот протест пред Собранието на Република Македонија.

Околу стотина граѓани се собраа прад законодавниот дом за да го искажат незавоволството поради постигнатиот Договор со Грција.. Тие пееја патриотски песни, извикуваа слогани за Македонија и бараа оставка од Владата..

Претседателот Иванов им го додели признанието „Инженерски прстен 2018“ на најдобрите студенти од техничките факултети

Претседателот на Република Македонија, Ѓорге Иванов, на свеченост одржана во Вилата Билјана во Охрид, го додели признанието „Инженерски прстен 2018" на најуспешните дипломирани студенти од техничките факултети.

По повод 15 годишниот јубилеј, Инженерска институција на Македонија и Комората на овластени архитекти и овластени инженери, на претседателот Иванов, му додели признание за континуирана поддршка на манифестацијата „Инженерски прстен", како значаен сегмент во промовирање на инженерството и инженерските струки во Република Македонија.

Во своето обраќање пред присутните македонскиот претседател истакна дека овие млади научници и инженери се идните градители на напредокот и на благосостојбата на Република Македонија.

- Мора да направиме се, младите научници и инженери да ги заземат своите места во образованието, институциите, компаниите. Тие се столбот на развојот на секое стопанството, бидејќи економскиот раст на државите се темели токму на развојот на високите технологии. И многу повеќе од тоа, бидејќи инженерите од техничките факултети се тие што ја имаат моќта да го менуваат светот и реалноста, рече претседателот Иванов.

Тој нагласи дека му претставува чест што како Претседател на Република Македонија, на јубилејната десетта генерација и оддава признание доделувајќи ги овие инженерски прстени.

- Инженерскиот прстен не е само признаниe, туку е и обврска за вас да му останете верни на вашиот професионален повик. Тоа е повик да нудите решенија, да проектирате, да градите и создавате, да бидете креативни и иновативни, рече претседателот Иванов, охрабрувајќи ги младите да продолжат да ги усовршуваат своите вештини и да ги надградуваат своите знаења.

Според македонскиот претседател, најуспешни држави се оние кои продуцираат вакви високовалитетни кадри и затоа треба да продолжиме да инвестираме во образованието, но и да работиме на подготвеноста на институциите и бизнис секторот да ги препознаат и прифатат младите теленти и да им овозможат натамошен напредок и развој, во Република Македонија.

Проф. д-р Христина Спасевска, претседател на Асоцијацијата на здруженија на инженери – Инженерска институција на Македонија, зборувајќи за значењето и за историјата на манифестацијата, рече дека покровителството од страна на претседателот на државата уште од самиот почеток, го потврдува значењето на оваа иницијатива.

-Сѐ започна пред 15 години, кога група универзитетски професори и професионалци, ентузијасти и членови на Инженерската институција на Македонија си поставија за цел промовирање на инжерските дисциплини кај младите, истакнување на најдобрите и укажување дека само со квалитетни инженери, може да се следат трендовите во науката и новите технологии, што единствено ќе овозможи развој на сопствената земја, рече г-а Спасевска.

Претседателот на Комората на овластени архитекти и овластени инженери, проф. д-р Миле Димитровски, изјави дека добитниците на инжинерскиот прстен доаѓаат од првите пет најдобро рангирани универзитети и од факултети со високи оценки за акредидатцијата и дека истите се пример дека треба да се вложува во себе за што е важно и знаењето и оценките и навременото завршување на започнатото.

Во име на наградените дипломци благодарност упати Александар Ѓерасимовски, потенцирајќи дека Инженерскиот прстен е најпрестижната награда за еден млад и квалитетен инженер, кој е движечката сила во технолошкиот развој во нашето општество.

- Привилегија за нас е членството во Клубот на носители на инженерскиот прстен кој ги обединува добитниците на ова престижно признание и ни овозможува остварување контакти со најдобрите од секоја сфера на инженерството, рече Ѓерасимовски.

Тој додаде дека масивниот развој во сите сфери од техниката бара квалитетен кадар и упати апел до соодветните институции во државата, да создадат услови младите луѓе да останат и да го дадат својот придонес во развојот на нашата татковина.

Традиционалната манифестација „Инженерски прстен" која е во организација на Инженерската институција на Македонија и Комората на овластени архитекти и овластени инженери, а под покровителство на претседателот на Република Македонија, претставува поттик за изучување на инженерството и придонес за формирање на квалитетен инженерски подмладок, компатибилен со развиените земји.

Во изминативе петнаесет години ова признание го добиле најдобрите 150 дипломирани студенти кои што ги негуваат инжeнерските дисциплини.

Ферид Мухиќ во „Само вистина“

Мухиќ: Договорот со Грција без преседан е најбесмисленииот и најпарадоксалниот договор, камен од камен не остана од нас

Гостин во ,,Само вистина“ вечерва беше независниот пратеник Ферид Мухиќ, дел од парламентарното мнозинство, кој потврди дека на денот на гласањето за Договорот не бил ниту во Скопје а камо ли во парламентот и воопшто не гласал, независно што некои електронски медиуми јавија дека гласал ,, За,,.

Мухиќ смета дека договорот е најирационалниот и најбесмислениот договор и договор кој можеби ќе беше подобро да претпоставува да им дадевме територија или пари на Грција или да го сменевме само името на државата и по цена да немало Македонија во него, но никако ваков договор со кој, според него, се брише историјата на еден народ , се бришат сите етникуми во Македонија не само Македонците туку и Албанци, Турци, Власи, Турци, Роми  итн и дека целта била менување на границите и јасно разграничување на Муслиманите и Христијаните.. Сепак Мухиќ смета дека премиерот Заев бил храбар што конечно ги дотуркал работите до овде и штом прифатил ваков договор, бил приморан на тоа , смета независниот пратеник Мухиќ. Мухиќ смета дека за промена на име не треба ни граѓаните да излегуваат на референдум, бидејќи ниту тие можат да менуваат нешто што да менуваат не можат да арчат нешто што не го спечалиле. Со овој договор се порекнува Македонскиот национален идентитет, смета Мухиќ.

Повеќе погледајте во видеото во вечерашната „Само Вистина“.

притисни ентер