Со изложба од светски ранг за прв пат соработка на битолскиот Музеј со Венециското биенале

Со изложба од светски ранг, која е дел од Венециското биенале, а која денеска е отворена во Заводот - Музеј - Битола за прв пат се воспоставува соработка на битолскиот музеј со престижното Венециско биенале преку уметничката академија во Винченца.
 Во рамките на изложбата насловена „Огледало“ претставени се дела на 40 најзначајните италијански уметници од оваа област, меѓу кои и Тони Пекараро кој е еден од светски најпознатите автори во светот на графиката. Покрај италијанските учестуваат  и 30 автори од Македонија кои творат низ цел свет, а манифестацијата ја следи и соодветна промоција во Италија.

,,Со ова за прв пат остваривме соработка со Уметничката академија од Винченца и оваа програма влезе во Венециското биенале, што исто така е за прв пат. Со тоа оваа изложба добива еден светски ранг“ -вели Зоран Алтипармаковски, директор на Завод, Музеј Битола.

,,Ова е една ретка антологиска состојба на графичкото творештво на ниво на Италија и Македонија. Ова е една од најзначајните графички соработки на балканско ниво и е вовед во една многу поширока соработка во иднина. За неколку месеци треба да подготвиме една сериозна изложба во Фиренца во која ќе бидат опфатени автори од Балканот и пошироко, а потоа ќе работиме на Трибуна графика од Романија“-вели Владо Ѓорески, уметнички раководител на графичкото триенале во Битола.

Изложбата ќе биде отворена 10 дена во битолскиот музеј, по што ќе биде поставена уште една седмица во културниот центар Магаза. По ова, од Битола ќе отпатува во Италија каде ќе биде поставена во Винченца, центарот на графиката, во Венеција и во Тревизо.

 

Коѕијас: Без ратификација нема договор за името

Скопје мора јасно да разбере дека решение за името нема да има без ратификација на Договорот од Преспа , изјави денеска грчкиот шеф на дипломатијата , Никос Коѕијас.

Коѕијас ја даде изјавата за министерскиот состанок во Луксембург , говорејќи за билатералниот договор кој ќе мора да добие зелено светло и од макеоднскиот и од грчкиот парламент, пренесува агенцијата АНА –МПА.

На состанокот во ЛУксембург , министрите за надворешни работи на Европската Унија разговараа за резултатите од референдумот во Македонија на која иако излезноста беше мала , имаше голема поддршка за Договорот од Преспа.

Заложничката драма во Келн била терористички напад

Германската полиција не ја исклучува можност заложничката драма на главната железничка станица во Келн да била терористички напад.

Во драмата на главната железничка станица во Келн се повредени четири лица . Киднаперот бил застрелан од полицијата , која успеала да ја спаси жената што била држана како заложник. Тој користел плин за кампување и запаллив материјал со што ја држел жената во аптека во станицата. Обвинителството покрена истрага за обид за убиство и нанесени повреди , објави полицијата во Келн.  

Инцидентот се случил попладнево кога напаѓачот запалил Молотов коктел во продавница за брза храна при што повредил 14 годишно девојче. Кога се активирал против пожарниот систем , напаѓачот избегал од продавницата и се скрил во аптеката до неа, каде земал заложничка.

По два часа, во кои се воделе преговори со напаѓачот,  полициски специјалци успеале да влезат во аптеката. Напаѓачот е тешко повреден од полицијата , додека жената има лесни повреди.

,, Откако влегол во аптеката , сведоци јавиле дека напаѓачот рекол дека припаѓа на терористичката група ИД “ , изјави портпаролот на полицијата. На самото место полицајците нашле документи на 55 годишен Сириец , а сопственикот на документите имал дозвола за престој во Германија до 2021.

Истражителите изјавија дека документите најверојатно му припаѓаат на напаѓачот, но велат дека конечно не го утврдиле неговиот идентитет.

За време на заложничката криза , железничката станица беше затворена , а возовите преупатувани на други станици. Беше затворен и просторот околу познатата катедрала во Келн.

Низ  главната железничка станица во Келн дневно минуваат околу 1 300 возови и околу 280 000 патници.

Новинарот на Вашингтон Пост сепак бил убиен во конзулатот во Истанбул (ВИДЕО)

Саудиска Арабија подготвува два извештаи , кои треба вечерва да ги прати во САД во врска со убиството на новинарот на Вашингтон Пост .

Новинарот Џамал Кашоги бил жртва на ,,неспретно испитување” , се наведува во извештајот , објавуваат турските медиуми повикувајќи се на дипломатски извори. Претходно вечерва во конзулатот на Саудиска Арабија влезе тим од турски истражители , кои се сомневаа дека Кашоги е убиен во конзулатот.

Овие наводи беа отфрлени од страна на Саудиска Арабија , која по цели две недели дозволи истрага за исчезнувањето на новинарот.

53 – годишниот новинар на 2 октомври влегол во конзулатот за да извади документи за венчавка си турска државјанка и од тогаш му се губи трагата. Кашоги беше познат како остар критичар на Саудиска Арабија и на членовите на кралското семејство.

Турските власти денеска објавија дека имаат аудио снимка на која се слуша дека Кашиги е убиен , а снимките ги предадоа во Саудиска Арабија и во САД.

Претседателот на Турција , Реџеп Таип Ердоган минатата недела рече дека лично ќе се заложи во истрагата за исчезнатиот новинар на Вашингтон Пост.

притисни ентер