Влез во Македонија само за мигрантите со документ за земјата каде патуваат

Македонија од утрово повторно ги отвори вратите за бегалците од Сирија,Авганистан и Ирак.
Кај каменот 59 по кратката забрана за влез на овие лица покрај протокот за бегалците сообраќаат и возовите.

Во моментов од ЦУК информираа дека на прифатниот и транзитен центар кај Гевгелија има околу 300 лица кои чекаат транспорт кон Табановце.

Македонија ќе ги прифаќа бегалците кои од грчките власти ќе имаат издадено документ во кој јасно е наведена земјата од ЕУ во која тие заминуваат.

Оваа одлука ја почитуваат сите земји од балканската рута.
Српските медиуми денеска се огласија со изјавата на Српскиот министер Александар Вулин соошти дека мигрантите „нема да можат да го продолжат своето патување доколку не искажат намера да бараат азил во конкретна земја од ЕУ.
Оваа одлука доаѓа по сигнализацијата на некои европски земји со кои јасно наведуваат дека ќе го ограничат бројот на бегалците а истовремено да ги редуцира а ќе започне да ги враќа оние кои немаат наведено конкретно земја во која бараат азил.

Строгите контроли за сите бегалци кои ќе патуваат кон север ќе продолжат и во иднина.

Европски високи претставници и понатаму стојат на ставот дека на Македонија и е потребна помош од ЕУ која посериозно да го сврти вниманието за справување со бегалската криза.

Ѓукановиќ ја положи претседателската заклетва

Во црногорската престолнина Цетиње со положување на заклетвата  избраниот претседател Мило Ѓукановиќ  официјално ја презема должноста.

Ѓукановиќ претседателската заклетва ја даде пред пратениците од Собранието на Црна Гора.

-Се колнам  во својата чест дека должноста претседател  на Црна Гора ќе ја извршувам совесно и одговорно за доброто на сите граѓани, рече  Ѓукановиќ во заклетвата.

Покрај пратениците , на свечената седница присуствуваа и поранешните претседатели на Црна Гора, премиери и претседатели на парламентот, како и највисоките државни функционери и челници на државните институции.  

Абас повторно примен во болница

Претседателот на Палестина 83- годишниот Махмуд Абас е примен во болница, според анонимен официјален претставник, Абас имал температура.

Палестинскиот претседател Махмуд Абас денеска повторно е примен во болница. Ова е третпат во една недела да биде хоспитализиран.

Абас во вторникот имал операција на увото и по неколку часа бил пуштен дома. Вчера повторно беше на кратко во болница.

Резултатите од анализите, како што јави палестинската новинска агенција, пренесувајќи ја изјавата на директорот на болницата, се добри.

Абас има проблеми со срцето, а пред десет години му е дијагностициран рак на простата. Инаку, тој е страстен пушач.

Дамаск ослободен, екстремистите евакуирани

Група екстремисти од Исламската држава се евакуирани од последната енклава под контрола на бунтовниците во близина на Дамаск, со што оваа територија е вратена под контрола на државата.

Сириската Опсерваторија за човекови права со седиште во Лондон, соопшти дека автобусите влегле во енклавата по полноќ за да ги превезат борците на ИД и нивните семејства.

Според Ројтерс, автобусите се упатиле во правец на провинцијата Бадија во Сирија, подрачје со мал број на жители , кое се наоѓа источно од престолнината Дамаск.

притисни ентер