Хан: Очекувам утре да се реши се од договорот во Пржино

Очекувам дека останатите елементи од политичкиот договор ќе бидат решени пред или за време на мојата посета, овозможувајќи и им на изборните власти да организираат веродостојни избори според договорената временска рамка, порачува Хан.
Европската комисија денеска лиферуваше соопштение во кое и официјално ја потврдува утрешната посета на Република Македонија од страна на еврокомесарот за преговори за проширување Јоханес Хан, јави дописникот на МИА од Брисел.

Во соопштението, неформалната Влада на Европската унија посочува дека Хан во текот на утрешниот ден ќе има средби со претставниците на четирите најголеми политички партии кои се потпишаа на политичкиот договор постигнат минатиот јуни и јули.

- Комесарот Хан ќе ја повтори нивната одговорност за спроведување на нивниот договор, вклучувајќи ја и потребата да се обезбедат услови за веродостојни избори, во согласност со роковите што тие ги усогласија, се вели во соопштението на Еврокомисијата.

ЕК посочува дека „комесарот Хан, исто така, ќе потсети на важноста на спроведувањето на итните реформски приоритети што Комисијата ги издаде за Македонија”, на што македонските политички лидери, според Брисел, исто така се обврзаа.

Во однос на неговата посета, Јоханес Хан испрати и изјава во кој порачува:

- Утрешниот 15-ти јануари е клучниот рок на политичкиот договор чија имплементација е важна за Владата и за граѓаните на земјата. Очекувам дека останатите елементи од политичкиот договор ќе бидат решени пред или за време на мојата посета, овозможувајќи и им на изборните власти да организираат веродостојни избори според договорената временска рамка, порачува Хан.

Освен со лидерите на ВМРО-ДПМНЕ, СДСМ, ДУИ и ДПА, еврокомесарот Хан не се очекува да има други средби во рамки на неговата утрешна посета на Република Македонија. 

Излезноста во повеќето земји на ЕУ сепак е поголема од пред пет години

Според податоците што на социјалните мрежи ги објави организацијата  Europe Elects во поголемиот борј европски држави излезноста е поголема отколку на изборите во 2014.

За 14 држави за кои се објавени податоците, само три држави има помала излезнот отколку пред пет години , како што е Италија со незначително помал број , како и во Португалија и Бугарија.

Во Шпанија , пак до 12 часот излезноста е за 10,15 проценти поголема отколку пред пет години. Зголемена е излезноста во Унгарија (9,01%) , Романија (7,22%) и во ПОлска каде до 12 часот гласале 7,08% повеќе отколку во 2014.

Расте излезноста во Данска , Франција , Естонија и во Хрватска.

СДСМ: Мицкоски да одговори кога ќе понесе одговорност за поразот на изборите и за неуспехот да ја спречи интеграцијата на државата

Нашата земја влегува во НАТО и чекори кон ЕУ, на огромна жал и неуспех на антизападниот Христијан Мицкоски ,се наведува во реакцијата на СДСМ на прес конференцијата на Наум Стоилковски од ВМРО-ДПМНЕ.

Наместо да станува промотор на мерките на СДСМ, Мицкоски треба да излезе пред јавноста и да одговори на следните прашања:

Кога ќе понесе одговорност за личниот неуспех и за неуспехот на неговата агенда поддржана од Будимпешта, да го спречи зачленувањето на земјата во НАТО?

Кога ќе понесе одговорност за тоа што Никола Груевски се уште му е ментор и водич во политиката?

Кога ќе понесе одговорност за тоа што неговите пратеници обвинети за криминал се уште не поднеле оставки?

Конечно, кога ќе понесе одговорност за поразот за претседателските избори и на локалните избори во Охрид и Ново Село?

Огромна е разликата помеѓу одговорното работење на СДСМ и одлуката да се влезе во промени за подобрување на служењето на граѓаните и безидејноста и неодговорноста на Мицкоски и ВМРО-ДПМНЕ кои се уште се длабоко загазени во нивното криминално и режимско однесување. Затоа ВМРО-ДПМНЕ и Мицкоски ги загубија и претседателските и локалните избори и затоа не успеаја да го спречат напредокот и реформите што носат добро за сите граѓани.

Канал 5 во Софија: Бугарија гласа за 17 пратеници во Европскиот Парламент

Канал 5 одблизу го следи гласањето во најблиската европска метропола, Софија.

Таму е Александар Видиновски  со информациите за одзивот, дали Бугарите се заинтересирани за изборите.

притисни ентер