Преку грантови за самовработување годинава ќе се отворат околу 1.000 работни места

Стартува првата мерка од Оперативниот план за вработување.
До крајот на јануари, сите невработени лица кои имаат идеја за бизнис,  може да аплицираат за грант за самовработување.

За реализација на оваа мерка годинава се предвидени 207 милиони денари, со кои треба да се отворат 920 мали бизниси и да се остварат околу 1.000 нови вработувања.

Грантот опфаќа обука за претприемништво,  набавка на опрема и репроматеријали и советодавна поддршка за правање на одржлив бизнис план.
„Годинава има одредено зголемување на висината на грантот и тој може да се движи од 201 до 349 во зависност од тоа колку е бизнисот одржлив и иновативен, дали има план за развој на сопствената компанија. Може да се финансира и дополнително вработување со грант од 92 илјади денари. Околу 30 проценти од грантовите се планирани за бизнис идеи на млади лица до 29 години, односно околу 300 мали компании да основаат овие лица. Тоа значи дека 64 милиони денари се наменети за поддршка на младите невработени лица кои имаат бизнис идеја и сакаат да ја реализираат“ изјави  Диме  Спасов,  заменик министер за труд и социјална политика.

Мерката за самовработување е една од најуспешните, а годинава за прв пат ќе се финансираат и стари занаети.

„Ќе се финансираат и  20 бизниси во делот на стари занаети, односно тие што се во изумирање, а ќе треба да ја поминат и обуката“ изјави  Влатко Поповски директор на Агенцијата за вработување на Република Македонија.

Сите заинтересирани барањата можат да ги поднесат до сите центри за вработување во Република Македонија. 

За годинава се предвидени  27 мерки  од Оперативниот план за вработувања со   Буџет  од 11, 5 милиони евра,  кои ќе имаат за цел намалување на невработеноста во земјава.  Со мерките од Македонија вработува и оние од Оперативниот план за вработување изминатава година се реализирани над 18 000 вработувања.


Без вода утре корисниците од бул.„Партизански одреди“ до ул.„Максим Горки“

Прекин во водоснабдувањето утре од 8 часот до санирање на дефектот ќе имаат корисниците од бул.„Партизански одреди“ до ул.„Максим Горки“ во Скопје, информираат од ЈП Водовод и канализација.

Прекинот во водоснабдувањето, како што се наведува, е поради промена на шибер од ф 80мм на ул.„Васил Главинов“  блок 10. /МИА

Пакистански политичар се самоубил поради своите синови

Самостојниот кандидат на изборите за парламентот на Пакистан, Мухамед Ахмед Мугал се убил откако неговите синови не се согласиле со политиката која ја застапува.

Тоа го соопшти пакистанската полиција.

Еден од полицајците изјавил дека Мугал дома наишол на отпор, бидејќи неговите синови ги подржувале кандидатите на поранешната владејачка партија, Пакистанската муслиманска лига.

По изборните закони на Пакистан, изборите на кои Мугал бил кандидат, ќе бидат одложени и предизборниот процес повторно ќе започне после регуларните избори на 25 јули.

Полицијата упадна во станот на телохранителот на францускиот претседател

Канцеларијата на обвинителството во Париз соопшти дека истражувачите влегле во станот на еден од главните телохранители на францускиот претседател Емануел Макрон.

Тие влегле во станот на телохранителот кој во мај е снимен како претепува демонстрант.

Елисејската палата го отпуштила телохранителот на Макрон, Александар Бенала пред полицијата да упадне во станот во париското предградие Иси-ле Молино.

Тој од страна на дневниот весник Монд беше идентификуван како човекот со полициски шлем кој на протестите на 1 мај тепал демонстранти. Тој и уште едно лице од утре ќе бидат под надзор на полицијата и им се заканува подигнување на обвинение.

Учеството на Бенала во претепувањето за Макрон стана најголемата политичка криза од почетокот на неговиот мандат минатата година.

Францускиот министер за внатрешни работи Жерар Коломб следната недела во парламентот ќе одговара на прашања, за да се утврди дали дошло до пропуст на владата.

притисни ентер