„Еден Бисер“ - прв препознатлив коктел на градот Охрид (фото)

Охрид доби сопствен препознатлив коктел. Угостителските менија од утре ќе бидат побогати со новиот коктел микс од повеќе вкусни пијалоци - наречен еден „Еден Бисер“.
Уникатно е тоа што пијалакот ќе се меша со лажиче накитено со охридски оригинален бисер, кое гостите ќе го добиваат како подарок.

Коктелот ќе се нуди во сите угостителски објекти членки на туристичкиот кластер ќе го подготвуваат професионални  бармени со стандардна цена од 240 денари.

-За таа цена го добиваат и бисерот исто така и сертификат кој покажува дека се работи за оригинален охридски бисер. Секогаш кога во своите домови ќе ги видат ќе се сеќаваат на преубавиот Охрид и автентичниот коктел кој сме го создале за нив, Ерхан Сулејманоски угостител.

Коктелот ќе биде нов симбол на градот Охрид кој ќе ја спои  угостителската и културната вредност на бисерот.

-Бев инспириран со посебни чувства  да изработам една посебна мешалка за тој коктел која е составена од еден бисер за да биде збогатена автентичноста на тој коктел.Лажицата е  изработена е од  брохром односно  росврајт кој е безбеден во исхраната и се користи во садовите во домаќинство. Превениравме од сите страни вели Михајло Филев.

Коктелот Еден бисер ќе ги плени воздишките на туристите  внесувајќи свежина и романтика но и незаборавни спомени од синиот Охрид. Тој е производ на туристичкиот кластер со подршка од Министерството за економија.



Паника во авион, во рачен багаж патник носел 20 змии

Анонимен патник предизвика паника во авион кој летал на линија од Германија до Русија. Во неговиот рачен багаж се откриени 20 змии.

Патникот при на екипажот на авионот му изјавил дека змиите ги купил на пазар во Германија.

-Змиите биле спакувани во канистри во неговата торба: Немаше документи за змиите. Од која врста се змиите ќе одредат стручњаци, но неофицијално станува збор за не отровни змии, е наведено во соопштението од прес центарот на интернационалниот аеродром Шереметјево.

Змиите сега се во карантин во Москва, поради тоа што на патникот немал соодветни документи за истите, вклучувајќи и одобрение од ветеринар за пренесување на змиите од Диселдорф во Русија.

Според извештајот, германските аеродромски власти  во Диселдорф истакнале дека немале никаков инцидент при безбедносната проверка и воедно истакнуваат дека внесувањето на змии во авион не е нелегално, но дека е потребно соодветно одобрение за тоа.

Ексклузивно интервју на Мицкоски за Канал 5

Претседателот на ВМРО-ДПМНЕ, Христијан Мицкоски  во ексклузивно интервју за Канал 5 вели  дека нема раскол во најголемата опозициска партија.

Мицкоски говори и за актуелните прашања во однос на референдумот и договорот со Грција.

Со лидерот на најголемата опозициска партија разговараше Мирјана Трпческа. 

Сите душегрижници кои мислат дека во ВМРО-ДПМНЕ  има раскол или недоразбирања од голем размер, се лажат.ВМРО-ДПМНЕ е единствено, вели Мицкоски.

Во видеото погледнете го целото интервју.

Порошенко ја тужи ББЦ за клевета поради напис за средба со Трамп

Украинскиот претседател Петро Порошенко ја тужи британската телевизиска мрежа ББЦ за клевета поради написот во кој се тврди дека Киев платил за средба со американскиот претседател Доналд Трамп.

Во написот објавен во мај, ББЦ наведува дека поранешниот адвокат на Трамп – Мајкл Коен добил меѓу 400.000 и 600.000 од украинскиот претседател за да ја организира првата средба меѓу Порошенко и Трамп во Белата куќа во јуни 2017 година.

Според тој напис, кој се повикува на неименувани украински извори, цел на состанокот било зголемување на влијанието на Киев во Вашингтон, на тој начин што состанокот не би изгледал како куса средба, туку како „вистински разговор“.

Порошенко во тужбата наведува дека текстот е исклучително штетен, не само за неговата функција претседател на држава, туку и за неговата репутација како политичар и претприемач.

Тој бара од британската телевизија да ги демантира тврдењата и да исплати отштета за клевета.

притисни ентер