Можностите на Саемот во Франкфурт пред членките на Стопанската комора

Промоција на можностите што ги нуди Саемот во Франкфурт и зголемување на соработката со македонските компании е целта на презентацијата на условите за настап на македонски компании на саемските манифестации на Франкфуртскиот саем што денеска беше организирана во Стопанската комора на Македонија.
Франкфуртскиот саем не е комерцијален и строго е наменет за деловни активности во насока на зголемување на бизнис активностите на компаниите од областа на текстилната индустрија, стоки за широка потрошувачка, автомобилска индустрија, техника, забава,...

- Тука сме за да им го претставиме на македонските компании сето она што им го нуди Франкфуртскиот саем и можностите кои ги имаат за да го промовираат својот бизнис, како и да им дадеме комплетна поддршка и информации за да го искористат настапот на саемот на најдобар начин, пред се за развивање на нивниот бизнис. Македонските компании можат да одат на нашите саеми како посетители или како излагачи да ги претстават своите производи, да најдат застапници, да добијат свежи идеи, да согледаат што работи конкуренцијата, да ги видат моменталните трендови во светот,.., рече Марко Кољашиќ од компанијата Зодекс, застапникот на Франкфуртскиот саем за Македонија.

Тој посочи дека кај македонските компании постои интерес да се претстават на Франкфуртскиот саем, а веќе со години и има компании кои изложувале на саемот.

- Има и такви кај кои постои интерес и се пријавуваат за саемот, но ние сметаме дека има многу поголем потенцијал. Повеќе македонски фирми треба да се присутни во Франкфурт, бидејќи тоа е местото каде можат да го развијат и унапредат својот бизнис, потенцира Кољашиќ.

Потсети дека условите за излагање на Франкфуртскиот саем се исти за сите учесници и оти цените за изложување и посета се јавно достапни на веб-страницата на саемот и зависат од манифестацијата на кој сакаат да се претстават или да ја посетат.

Според Комората, условите што ги нуди Франкфуртскиот саем се одлична можност за македонските компании да го зголемат извозот и да остварат нови деловни соработки со кои ќе се пробијат на нови пазари.

Франкфуртскиот саем има традиција поголема од 800 години и организира саемски манифестации под својот бренд ширум светот. Со свои саемски организации покрај во Германија е присутен и во Истанбул, Дубаи, САД,... Македонија во трговската размена со Германија бележи значаен суфицит, а воедно Германија е и наш најголем трговски партнер. 

Протести во Берлин: „Без ислам во Германија“, „Меркел мора да си оди“ (фото)

Неколку илјади приврзаници на германската партија Алтернатива за Германија (AfD) прошетаа низ центарот на Берлин протестирајќи против канцеларката Ангела Меркел.

Демонстрантите носеа германски знамиња, транспаренти со натписот „Без ислам во Германија“ и извикуваа „Меркел мора да си оди“, пренесува „АП“.
 

Foto: Tanjug/AP/Markus Screiber

На улиците има околу 2000 полицајци, кои се распоредени за да спречат можни инциденти, бидејќи во Берлин се организираат и контрамитинзи.

Во групите кои планираат контрамитинзи се наоѓаат и уметници и здружението на музички клубови во Берлин кои се надеваат дека ќе го “одвеат“ собирот на AfD со гласните звуци на техно музиката.

Foto: Tanjug/Markus Screiber



 

Агенцијата пренела дека на денешниот собир на AfD се очекува присуство на околу 10.000 луѓе на кои ќе им се обратат лидерите на партијата.

Алтернатива за Германија стана најголемата опозициска партија во таа земја откако минатата година на парламентарните избори освои 12.6 отсто од гласовите, под влијание на се поголемото расположение на граѓаните против мигрантите и против естаблишментот, наведува „АП“.

Димитров попладнево ќе се сретне со Могерини

Министерот за надворешни работи Никола Димитров, доцна попладнево во Брисел ќе оствари билатерална средба со високата претставничка за надворешни работи на ЕУ, Федерика Могерини.

Министерот за надворешни работи Никола Димитров, доцна попладнево во Брисел ќе оствари билатерална средба со високата претставничка за надворешни работи на ЕУ, Федерика Могерини, дознава МИА од извори во ЕУ. Засега не се открива точното време на средбата, ниту содржината на разговорите.

Утре наутро, Могерини најверојатно треба да ги брифира министрите на ЕУ за текот на преговорите за спорот со името, велат извори во ЕУ за МИА.

Министрите за надворешни работи на Грција и Македонија од Њујорк допатуваа во Брисел, но не се откриваат детали за нивна можна средба.

Димитров пред утрешниот Совет на министрите за надворешни работи на ЕУ ќе учествува на неформален појадок организиран од сегашното бугарско претседателство и идното, австриско. Како што информираат од Советот, тоа ќе биде прилика за министрите да го испрашуваат шефот на македонската дипломатија за текот на преговорите за името. /МИА

„Британската влада тајно планира да остане во ЕУ“

Британските евроскептици стравуваат дека владата во Лондон планира тајно да остане во Европската унија, пишува „Телеграф“.

Таа загриженост се појавила откако е објавено дека се издвоени стотина илјади фунти за изборите во Европскиот парламент 2019 година.

Според наводите на британскиот весник, станува збор за 829.000 фунти издвоени за “активности во врска со изборите за ЕП 2019“.

Изборната комисија објаснува дека тие средства се издвоени како “мерка за претпазливост за да може да ја исполни својата функција во случај тие избори да бидат одржани во земјата, што е малку веројатно“.

Весникот напомнува дека изборите за ЕП треба да бидат одржани меѓу 23 и 26 јуни идната година, а Британија треба да ја напушти ЕУ скоро два месеци претходно – на 29 март.

притисни ентер