Македонија

Бесими на средби во Брисел за претстојниот Извештај за напредок на земјата

Вицепремиерот задолжен за европски прашања Фатмир Бесими денеска престојува во работна посета на Брисел, во рамки на која се сретна со директорот на Директоратот за проширување на ЕУ, Кристијан Даниелсон и учествуваше на брифинг во врска со претстојниот Извештај за напредокот на Република Македонија.

Како што соопшти СЕП, на состаноците се разговараше за последните случувања во земјата почнувајќи од постигнувањето на политичкиот договор, спроведувањето на нацрт планот на активности за реализација на итните реформски приоритети како и впечатоците од Пристапниот дијалог на високо ниво кој се реализираше во Скопје минатата недела.

- Вицепремиерот Бесими ја истакна улогата на Европската Комисија како стратешки партнер на земјата во процесот на европската интеграција и нагласи дека сега повеќе од кога било е потребна одлука од Советот со која ќе се даде јасна ЕУ перспектива за земјата и одлука за започнување на пристапните преговори, или со поглавјата 23 и 24 во оваа фаза, стои во соопштението.

За време на разговорите Бесими, се наведува, ги потенцираше клучните постигнувања и спроведувањето на реформите од европската агенда, особено во областите на судство, борба против корупција и организиран криминал, слобода на изразување, изборна реформа, фундаментални права и меѓуетнички односи како и во делот на економските критериуми.

Во однос на актуелната состојба со мигрантите, се наведува, беше истакнато дека вклучувањето на земјите од Западен Балкан во единствениот пристап на ЕУ кон мигрантската криза е од суштинско значење, бидејќи земјите, вклучувајќи ја и Македонија, се транзитни за мигрантите и затоа е потребна и поддршката од Унијата. Во таа насока, Бесими ја поздрави посетата на Комесарот Хан на јужната граница истакнувајќи дека тоа е силен сигнал за нас, но и за ЕУ за изнаоѓање решение за овој историски предизвик за целиот систем на ЕУ, посочуваат од СЕП.

Македонија

Силјановска-Давкова:Ако бев претседателка, сега ќе протестирав со специјализантите!

Професорката Гордана Силјановска-Давкова порача од Гевгелија:Ако бев Претседателка, сега ќе протестирав и марширав со специјализантите!

Сите ние, седумтемина претседателските кандидати, напишавме убави текстови за поддршка на специјализантите. Што се случи? Нели е сега министер за здравство некој од актуелната власт? Нели има кандидати за пратеници што се лекари?

Зарем уште еднаш ќе дозволиме оние кои едвај ги чекаат надвор како непроценлив македонски подарок, лекари, млади специјализанти, да си заминат? Не!

Што ќе направев јас ако бев во моментов претседателка? Ќе протестирав и ќе марширав со нив! И тоа ќе го правам! Со сите ранливи категории, секогаш кога ќе сакам да ја разбудам свеста!

Не за да се правам важна или млада, туку за да покажам дека оние на клучните функции се таму заради заштита на јавниот интерес и јавното добро. А јавното добро мора да создава јавна вредност. Тие, специјализантите, создаваат непроценлива јавна вредност! Ги штитат нашите животи! Прават се што прават и другите лекари. Ама токму тие не уживаат здравствена и социјална заштита. Па, каква е таа социјална држава и каква е таа социјалдемократија што не води сметка за оние кои ни се најпотребни?

Оти ние веќе се откажуваме од лекарите. А јас велам, одличен би бил еден здравствен туризам. Денеска сретнав еден професор од Оксфорд, мој пријател. Ми вели дека меѓудругото, доаѓа овде исто така и заради тоа што има одлични лекари во „8-ми Септември“. Просто, не верував!

Сега замислете, ние да се откажеме од она што го вложила Македонија во овие луѓе и да им речеме: - Заминете си.

Не! Останете уште малку, ве молам! Истрпете уште малку! Бидете убедени дека ништо нема да биде како досега по старо! Се ќе биде ново! Секаде каде што сум била, сум правела промени! Ќе правам и како претседателка!, рече Силјановска- Давкова, објави нејзиниот тим.

Свет

Командант на Хесболах е убиен во израелески напад во Либан

Командантот на крајбрежниот сектор на Хезболах е убиен во израелски напад, соопштија израелските одбранбени сили.

Се вели дека еден од нивните авиони го „погодил и елиминирал“ Исмаил Јусаф Баз во областа Аин Ебел во Либан, пренесува Sky news.

Командантот служел како висок функционер на неколку позиции во военото крило на Хезболах.

Тој исто така планирал да лансира ракети и противтенковски ракети кон Израел од крајбрежната област на Либан, велат тие.

Технологија

НАСА бара поевтин начин за земање примероци од Марс: Мисијата е прескапа и неефикасна

НАСА бара поевтин, поедноставен пристап кон еден од нејзините најголеми научни приоритети - носење на Земја на скапоцени примероци од почвата собрани на Марс, соопштија претставници на американската вселенска агенција.

Официјален повик за предлози ќе биде испратен денеска до различни центри и лаборатории на НАСА, како и до компании од вселенската индустрија, со цел да се реконструира програмата во услови на ограничувања на трошењето и зголемување на трошоците, соопштија директорите на НАСА, а пренесува Ројтерс.

Претставниците на Агенцијата во конференциска врска со новинарите рекоа дека очекуваат да бидат поднесени алтернативни планови оваа есен или почетокот на зимата.

Помошникот администратор на НАСА, Ники Фокс, рече дека плановите ќе се фокусираат на „иновации и докажана технологија“, наместо на нови технолошки скокови, како дел од намалувањето на ризикот и трошоците.

Повикот за редизајн на стратегијата за носење на примероците од Марс доаѓа по независниот преглед нарачан од НАСА во септември минатата година, по што заклучиле дека мисијата од самиот почеток следела нереални буџети и очекувања.

Анализата покажала и дека организацијата на мисијата е гломазна и дека не се спроведува ефикасно.