Почнуваат уписите за факултет-на ФЕИТ слободни 600 места

Факултетот за електротехнички и информатички технологии при УКИМ, годинава ги отвора вратите за упис на шестотини бруцоши и тоа 460 во државната квота и 140 во приватната или во квотата со кофинансирање.
Деканот, професор доктор Миле Станковски очекува годинава да примат повеќе студенти споредено со претходните години, не само поради одобрената зголемена квота и големиот број насоки кои се дизајнирани со потребите на пазарот на труд туку и поради интересот на домашните водечки и странските компании во земјава за кадар кој излегува токму од редовите на оваа високо-образовна институција.

На ФЕИТ се горди што работат според стандардот ISO 9001 и што над деведесет насто од студентите што се запишуваат кај нив се со највисоките можни деведесет бодови па очекуваат најдобрите ученици да станат најдобри студенти и во иднина најдобри инженери.

Аплицирањето за упис, информираат од ФЕИТ може да се врши и по електронски пат. Инаку за упис во академската 2015-та 2016-та година на сите пет државни универзитети има без малку 25 илјади слободни места. На УКИМ 10.669 места, на Универзитетот „Св. Климент Охридски“-Битола слободни се вкупно 3.803 места, На Државниот универзитет-Тетово за 2015/2016 слободни се 4.650 места,Универзитетот „Гоце Делчев“-Штип објави конкурс за 5.390 места.

На Универзитетот за информатички науки и технологии „Св. Апостол Павле“-Охрид има 440 места.

Сите подетални информации, идните бруцоши може да ги најдат на веб-страните на некој од посочените Универзитети. 

Во Белорусија се одржуваат парламентарни избори

Во Белорусија денес се одржуваат парламентарни избори, на кои 516 кандидати се борат за 110 места во долниот дом на парламентот.

Изборите ќе бидат набљудувани од Западот за да се види колку слобода претседателот Александар Лукашенко ќе им овозможи на опозиционите кандидати, пренесува „Ројтерс“.

Националната изборна комисија соопштила дека до сега гласале повеќе од една третина од бирачите, односно 36 проценти, а „АП“ наведува дека постои опасност од манипулација на резултатите.

Опозицијата тврди дека гласањето е преполно со злоупотреби затоа што гласачките кутии не се чуваат, а пребројувањето на гласови се врши без присуство на набљудивачи.

По парламентарните, Белорусија наредната година ја очекуваат и претседателски избори.

Снегот во Франција и понатака прави проблеми

Околу 145.000 луѓе вчера биле без струја на југоистокот од Франција поради обилните врнежи од снег, соопштија од компанијата која управува со дистрибутивната мрежа.

Со прекин на струја се соочиле областите Дром, Изере, Рон, Лоар и Ардеш, се вели во соопштението и се додава дека техничките тимови работат на санација на проблемот.

Како што се наведува, невреме во четврток вечерта ја погоди источна и централна Франција и во еден период повеќе од 330.000 домови биле без електрична енергија.

Се намалува бројот на подржувачи за независна Каталонија

Самостојност на Каталонија подржуваат 41,9 проценти од жителите на таа шпанска покраина, а се противат 48,8 проценти.

Тоа го покажува анкетата на каталонската јавна институција за истражување на јавното мислење „ЦЕО“.

Анкетата била спроведена од 16 септември до 7 октомври, пред донесувањето пресуда за каталонските сепаратисти, а испитаниците одговарале на прашањето„Сакате ли Каталонија да биде самостојна држава?“

Анкетата покажала дека опаѓа бројот на оние кои бараат отцепување од Шпанија, имајќи во предвид дека пред референдумот во 2017 година за независност биле 48,7 проценти од испитаниците.

притисни ентер