Охрид полн со странски и домашни туристи за 1 мај

Огромен број странски и домашни туристи Првомајските празници ќе ги минат во Охрид.
 Овој продолжен викенд охридските хотели се резервирани со гости од  Србија, Бугарија, Грција, Албанија, Косово, Црна Гора, но  и многу туристи од земјава. Силните  промоции и субвенциите на авио-превозниците и туроператорите придонесоа да расте бројот на туристи, кои  организирано  доаѓаат од  Романија, Полска, Данска,Холандија, Шведска, Турција и Кина.

Охрид  цел месец април заедно со Албанија и Грција  е дел од “Балканските тури” за туристи од подалечните земји.

-За среќа се продолжува туристичката сезона која почнува многу порано. Ако некогаш беше репер  месец мај сега е месец април. Ако крајот на сезоната беше септември сега е октомври. Слободно можеме да кажеме дека имаме зголемување на туристичката сезона, вели Тоше Чочороски хотелиер.
Туристите  за Први Мај  резервираат три ноќевања со појадок  или три полупансиони.

-Цените на аранжманите се приближно исти како и минатите години можеби има благо намалување  на цените да кажеме, но мислам дека тоа не е клучно за изборот. Сепак се работи за Охрид, вели Јаким Маленко туристички работник.

Покрај хотелските капацитети, кои се речиси целосно резервирани   за Првомајските празници голем број туристи  ќе има и  во приватното сместување.


Пенс: Судбината на Либија е суровата реалност која го чека Пјонгјанг

Американскиот потпретседател Мајк Пенс ја предупреди Северна Кореја дека би можела да ја искуси судбината на Либија, доколку не биде постигнат договор за севернокорејската нуклеарна програма.

„Овие денови имаше многу разговори за кризата во Либија. Во тој контекст, како што и американскиот претседател Доналд Трамп јасно изјави, Северна Кореја би можела да заврши исто како Либија, доколку Ким Јонг Ун не се согласи на договор“ – изјави Пенс во интервју за „Фокс њуз“.

На прашањето дали е тоа закана кон севернокорејскиот режим, Пенс изјавил дека тоа е и “многу повеќе од суровата реалност која го очекува Пјонгјанг“.

Советникот за национална безбедност во Белата куќа, Џон Болтон минатата недела изјави дека Вашингтон не сака да го повтори сценариото од Либија, кога поранешниот американски претседател Џорџ Буш потпиша договор за нуклеарната програма на Либија во 2003 година, а подоцна со интервенција беше срушен режимот на Муамер Гадафи.

Актуелниот претседател на САД, Трамп изјави дека не сака либискиот модел да го примени во Северна Кореја, но дека за тоа би можело да се расправа доколку не биде постигнат договор.

Властите на Северна Кореја негодувале после изјавите на Болтон и Трамп, а последните изјави на Пенс би можеле додатно да предизвикаат реакции од Пјонгјанг.

Трамп би требало на 12 јуни да се состане со севернокорејскиот лидер Ким Јонг Ун во Сенегал.

Се продлабочуваат недоразбирањата меѓу Техеран и Вашингтон

Иранскиот претседател Хасан Рохани  потврди дека Техеран не прифаќа соединетите американски држави да носат одлуки за него.

Неговата реакција следи  откако американскиот државен секретар Мајк Помпео постави услови до Иран и објави построги санкции врз таа земја. „светот денес не прифаќа сад да решаваат за него.

Земјите имаат своја независност“, рече Рохани, прашувајќи: „кои сте вие да решавате за Иран и за светот?“.

Помпео претходно информира  дека Вашингтон ќе воведе најстроги санкции во историјата и оти тие ќе стануваат се потешки се додека иранскиот режим не го „смени курсот“. Пред две недели американскиот претседател Доналд Трамп изјави дека Вашингтон се повлекува од нуклеарната спогодба со Иран.

Во Марсеј вооружена група пукала на минувачи

Неколку маскирани напаѓачи  синоќа започнале да пукаат  со „калашников“ во Марсеј, на југот од Франција. Засега со сигурност се знае дека  едно лице е повредено.

Напаѓачите отвориле оган од три возила врз група млади луѓе што се наоѓале во близина на култниот центар „Лабусеран“, јавија локалните медиуми.

Дошло и до размена на оган со припадниците на полицијата, која го блокирала тој дел од градот.

Нема информации за уапсени, а на местото на пукањето се наоѓаат пожарникари и екипи на брзата помош.

Се верува дека нападот не бил од терористички карактер.

притисни ентер