Дневник плус: Ристо Никовски и Васко Ефтов за можните исходи од политичката ситуација

Аналитичарот Никовски вели дека политичката криза ќе остави длабоки последици по Македонија. Новинарот Ефтов очекува судска и политичка разрешница и не ја отфрла можноста за преодна влада.
- Македонија 15 години минува низ сцили и харибди. Имаме доволно искуство да поминеме како победници, но штетите кои се нанесени се огромни - вели аналитичрот Ристо Никовски.

- За да го разбереме ова мора да ја видиме рамката. Ние ги вадиме нечистите алишта на улица. Кои се нашите основни приоритети? НАТО и ЕУ. Дали со ова ги поддржуваме или ги доведуваме во прашање, како и странските инвестиции - вели Никовски.

Според него најважно е која е цената на сето ова - дали е во интерес на државата или во нечиј партиски интерес.

Ефтов очекува судска и политичка разврска.

- Генерално ова мора да има судска и политичка разврска. Ќе има делење на судскиот процес на два дела. На крај веројатно ќе има одреден нов Рамковен договор каде што дел од луѓето кои ќе бидат осудени ќе треба да се пазарат да не завршат во затвор - вели Ефтов.

Според Ефтов не е сосема затворена можноста за преодна влада. Ефтов зборува и за можност за враќање на екс лидерот на СДСМ Бранко Црвенковски на политичката сцена.

Никовски пак смета дека е можна реконструкција на владата но не и преодна влада.

Со Никовски и Ефтов разговараше Лидија Богатинова.

Разговорот погледнете го во видеото. 


Базен се излеа од висококатница за време на земјотресот во Манила (видео)

Базен, лоциран на врв од висококатница се излеа за време на вчерашниот силен земјотрес што ги погоди Филипините.

Според локалните медиуми, водата паѓала од базен, кој се наоѓа на врвот на висококатница та пентхаус во предградието на Манила.

Нема повредени во инцидентот, а во моментот на потресот во базенот немало капачи.

Во вчерашниот земјотрес од 6,3 рихтерови степени загинаа 11 луѓе

Кого ќе зафати „пролетното чистење“ во власта?

Неизвесноста со која што двајцата кандидати за претседател влегуваат во вториот круг ги „стресе“ партиските изборни штабови.

Незадоволни од неделниот резултат во СДСМ се бара одговорност, на итен состанок синоќа во партиското седиште се анализираа бројките.

Претседателот на социјалдемократите и премиерот, Зоран Заев веќе најави и кадровски промени во своите редови веднаш по изборите.

Најавата за „чистка“ доби експресна поддршка од симпатизерите, па на Заев симболично му ги обезбедија неопходните средства.

Опозицијата со реакции на најавата на Заев. Кандидатката за претседател на ВМРО ДПМНЕ на Твитер напиша „народот ќе ви ја испорача метлата на 5-ти мај“.

Лидерот на опозициската партија пак на Фејсбук коментираше „ не е до чистката, туку до тој што треба да исчисти, името му е Зоран Заев.

Бројките од неделата покажуваат дека незадоволството е големо и од власта и од опозицијата, цени политичкиот аналитичар Петар Арсовски.

Според него, власта причините за изборниот резултат и неостварување на проектираниот исход треба да ги бара не во спроведување на непопуларните одлуки, туку токму во недостигот на такви мерки.

Како дел од одговорни за освоените гласови се посочуваат и локалните власти и незадоволството на граѓаните од нивната работа.

Градоначалникот на Град Скопје вели одговорност ќе се понесе по изборите, но гласачите не треба да ја казнуваат државата поради нерешените локални проблеми.

Над 320 луѓе загинаа во експлозиите во Шри Ланка како одмазда за Крајстчрч

Првичната истрага за смртоносните напади на Шри Ланка, во кои загинаа над 320 лица, покажува дека станува збор за одмазда за Крајстчрч, изјави заменикот-министер за одбрана Руван Виџевардене.

– Првичните резултати покажуваат дека она што се случи на Шри Ланка е одговор на нападите против муслиманите во Крајстчрч, изјави пред парламентот Виџевардене.

На 15 март во Крајстчрч на Нов Зеланд во напад на две џамии беа убиени 50 муслимански верници.

Во неделата, на католички Велигден, на Шри Ланка избувнаа серија експлозии.

Првите шест експлозии беа во три цркви и три хотели, седмиот во западниот дел на островот, а осмиот во станбен комплекс во Коломбо.

Според локалните медиуми нападите ги изведоа бомбаши-самоубијци.

притисни ентер