По прифатените предлози, УГД со поддршка на реформите во високото образование

На предлог на Универзитетот „Гоце Делчев“ во Штип, Владата и МОН прифатија студентите да полагаат една половина од предметите во третата студиска година, независно дали го положиле или не првиот дел од државниот испит на крајот од втората студиска година.
- Ова е во релација со нашите одлуки и заклучоци на Наставно-научниот совет на факултетите, на Ректорската управа и на Сенатот - да не се прекинува наставниот процес со државниот испит. Државата од своја страна, ако така оцени, има право да организира проверка на стекнатото знаење на универзитетите преку државни испити или други форми на проверка на знаењето, смета ректорот на Штипскиот универзитет Саша Митрев.

Во врска со предлогот кој се однесува на зголемувањето на бројот на објавени публикации од професорите во реномирани научни списанија, односно списанија кои се опфатени со научната база Web of Science и нивното вреднување при изборот на професорите во наставно-научни звања, за УГД-Штип е темелна определба уште од неговото основање.

Според Митрев, овој став за УГД е во целост прифатлив и е многу прецизно уреден во постоечките правилници на Штипскиот универзитет за избор во наставно-научно звање.

- Врз основа на ова, УГД нема никакви пречки да ги поддржи измените во Законот за високо образование, смета Митрев, кој во обраќањето до деканите и до другите членови на академската заедница посочува дека имаат право на сопствен личен став и мислење и немаат никакви задршки или институционални пречки од ректорот, Ректорската управа или Сенатот. /МИА

Заврши денешниот протест ,,1од 5 милиона “ во Белград (ВИДЕО)

Вечерва заврши протестот ,,1од 5 милиона “ со повик за голем митинг во Белград и во Крушевац следната сабота.

За 8. јуни е закажан голем протест во Белград , како и на други места во Србија. Протестот почна во центарот на Белград, на Терезије нешто по 18 часот со интонирање на српската химна.

На 25. собирање во центарот на Белград говореа актерот Бранислав Лечиќ, професорот на Факултетот за политички науки , Чедомир Чупиќ и стоматологот Арис Мовсесијан.

Потоа почна маршот по рутата од Терезије , преку зградата на РТС до зградата на Претседателството на Србија. На чело на колоната имаше транспарент ,,Стоп на крвавите кошули” , но претставниците на опозицијата не беа во првите редови.

Опозициската Неа Демократиа води во анкетите пред гласањето за ЕП во Грција

Според резултатите на последните анкети објавени во Грција , води конзервативната опозициска Неа Демократиа.

Според анкетата направена за потребите на телевизијата Антена, на изборите утре Неа Демократиа би добила 29,4 проценти од гласовите за Европскиот парламент , додека владејачката СИРИЗА на премиерот Алексис Ципрас би имала 22,4 проценти од гласовите. На трето место би било левичарското Движење за промени (КИНАЛ) со 6,6 проценти , а зад нив се Златна зора со 5,4 и Комунистите со 4,8 проценти.

Бројот на неопределени е 12,2 проценти. Слични резултати објави и агенцијата МРБ за телевизијата Стар.

Анкета : Дали би војувале за својата земја?

Многу помалку од половина од Македонците би се бореле за својата земја , покажува анкетата на Галуп спроведена во 64 земји низ целиот свет.

Глобалниот просек изнесува дека 61% би се бореле за својата земја , а 27% дека не сакаат да се борат. Очекувано , многу е поголем процентот на мажи кои се подготвени да војуваат за својата земја , но сепак не е мал ниту процентот на жените , 52%.

Највисок е процентот во земјите на Блискиот исток и Африка – дури 83% , додека најмалку за западна Европа каде просекот изнесува 25%.

Во голeмата анкета биле прашани 62 398 лица , по 1000 за секоја земја , а анкетата била спроведена од септември до декември 2014. ,,На стотина години од Првата светска војна , утврдивме дека 61% од граѓаните на светот сака да војува. “ ги коментираше резултатите Жан – Марк Лежер , претседателот на Меѓународното здружение на Галуп.

Меѓу сите испитаници најмао располежение за одбрана на земјата со војна има во Јапонија – само 11% , а на дното на табелата се и Германија , Италија и Австрија.

Најподготвени за борба се Мароканците и жителите на островот Фиџи со 94%. Меѓу европските земји отскокнува процентот на Финска -74% од луѓето сакаат да војуваат а по неа Турција со 73%.

 Во регионот , Македонија е на дното со 38% подготвени да се борат за својата земја , а најголем е процентот во Косово 58% , додека во Србија изнесува 46%.

Постојат разлики и во религиите. Муслиманите се најподготвени за војна или 78% , потоа Хиндуистите со 77% , а меѓу Христијаните најборбени се православните со 53% . Од Евреите само 51% се подготвени за војна.

притисни ентер