Бадник пред Божик – празник на радоста и надежта

Бадникарските огнови згаснаа, од рано в зори коледарите ги исполнија домовите со песни за здравје и бериќет.
Бадник е, пред Божик. Празник на радоста и надежта. Нека ни е за многу години денот, предвесник на најголемиот христијански празник божик - ден кога треба да надвладее добрината, да се заборави лошото и да се отвори срцето за другите.

Бадник е ден на семејството, се празнува од памтивек за да остане за навек, се слави  дома, покрај посна трпеза во мир и хармонија во  исчекување на веста за христовото раѓање.

Коледарска песна го разбуди Бадниковото утро. Од врата на врата дечињата пееја и ги будеа домаќините да станат, да му се радуваат на христовото раѓање. Слатки, ореви, пари, се полнеа торбичките на најмалите.

Во домот на Магдалена Мафкова, бадниковата трпеза е поставена. На неа се традиционални јадења, научени од мајка и свекрва.

Нашата домаќинка вели дека за празникот прави се да биде свечено, но едноставно, целата среќа да извира од душата.

А како се чека Божиќ во Колешино, селото со најмногу вери во Македонија. Има дури пет цркви на Адвентисти, Методисти, Православни, Јеховини сведоци, Баптисти, но сите заедно го слават Божиќниот дух.
Иако само дел од жителите го празнуваат Божиќ, атмосферата ја дели целата заедница. Селскиот свештеник од православната црква сведочи за соживотот на Колешинци. Вели, сите сме сплотени, разликите не обединуваат.

Селото кое брои 1400 жители е шаренолико по верските убедувања, но затоа соживотот им е за пример. Заедно се во убавите и лошите денови. Па во духот на празниците, утре заедно ќе пијат кафе и ќе јадат баклава.

Една религија а различни толкувања, жителите на Колешино сепак сфатиле дека единството е христијанска доблест. Затоа знаат да кажат дека симболиката на најубавиот семеен христијански празник Божиќ е во моќта на добрата мисла и во семожноста на човековата верба.


Опозициската Неа Демократиа води во анкетите пред гласањето за ЕП во Грција

Според резултатите на последните анкети објавени во Грција , води конзервативната опозициска Неа Демократиа.

Според анкетата направена за потребите на телевизијата Антена, на изборите утре Неа Демократиа би добила 29,4 проценти од гласовите за Европскиот парламент , додека владејачката СИРИЗА на премиерот Алексис Ципрас би имала 22,4 проценти од гласовите. На трето место би било левичарското Движење за промени (КИНАЛ) со 6,6 проценти , а зад нив се Златна зора со 5,4 и Комунистите со 4,8 проценти.

Бројот на неопределени е 12,2 проценти. Слични резултати објави и агенцијата МРБ за телевизијата Стар.

Анкета : Дали би војувале за својата земја?

Многу помалку од половина од Македонците би се бореле за својата земја , покажува анкетата на Галуп спроведена во 64 земји низ целиот свет.

Глобалниот просек изнесува дека 61% би се бореле за својата земја , а 27% дека не сакаат да се борат. Очекувано , многу е поголем процентот на мажи кои се подготвени да војуваат за својата земја , но сепак не е мал ниту процентот на жените , 52%.

Највисок е процентот во земјите на Блискиот исток и Африка – дури 83% , додека најмалку за западна Европа каде просекот изнесува 25%.

Во голeмата анкета биле прашани 62 398 лица , по 1000 за секоја земја , а анкетата била спроведена од септември до декември 2014. ,,На стотина години од Првата светска војна , утврдивме дека 61% од граѓаните на светот сака да војува. “ ги коментираше резултатите Жан – Марк Лежер , претседателот на Меѓународното здружение на Галуп.

Меѓу сите испитаници најмао располежение за одбрана на земјата со војна има во Јапонија – само 11% , а на дното на табелата се и Германија , Италија и Австрија.

Најподготвени за борба се Мароканците и жителите на островот Фиџи со 94%. Меѓу европските земји отскокнува процентот на Финска -74% од луѓето сакаат да војуваат а по неа Турција со 73%.

 Во регионот , Македонија е на дното со 38% подготвени да се борат за својата земја , а најголем е процентот во Косово 58% , додека во Србија изнесува 46%.

Постојат разлики и во религиите. Муслиманите се најподготвени за војна или 78% , потоа Хиндуистите со 77% , а меѓу Христијаните најборбени се православните со 53% . Од Евреите само 51% се подготвени за војна.

Повратник од Германија починал од срцев удар во казино во Кавадарци

Повратник од Германија на педесетина години, вечерва добил срцев удар во казино во Кавадарци и починал на самото место додека играл игри на среќа.

Оваа информација за МИА ја потврдија Верољуб Додевски, портпарол на СВР Велес и Драган Димитров, раководител на Брза помош Кавадарци.

Според првичните информации, човекот и претходно имал срцеви проблеми во Германија. Засега не се соопштуваат детали за случајот. 

притисни ентер