Македонија

Иванов, Прванов и Топи со пораки до младите лидери во Охрид

Живееме во свет во којшто сосема поинаку функционираат и политиката, и економијата, и безбедноста и комуникациите. Во тој свет потребни се лидери кои ќе знаат да носат одлуки. Ние тројцата, кога бевме во академската заедница, знаевме да имаме свои ставови на основа на наши индивидуални истражувања, анализи и она што го имаме како капитал стекнато во академската заедница и можевме да донесуваме ставови и мислења и во согласност со времето да ги менуваме. Но кога сте лидер и кога сте политичар, од одлуките што ги носите ќе зависи колку ќе Ве почитуваат.


Тоа пред учесниците на Конференцијата за млади лидери посветена на предизивиците и можностите за балканското лидерство денеска го истакна претседателот Ѓорѓе Иванов, кој е и иницијатор на дводневниот собир во Охрид, на кој, меѓу другите, учествуваат уште и поранешните претседатели на Бугарија и на Албанија Георги Прванов и Бамир Топи.

Иванов во оваа прилика укажа на предизвиците што стојат исправени пред новото, младото лидерство на иднината.

- Радува свеста дека се повеќе луѓе се приклонуваат на школите на мислења кои даваат на се планетарно значење, дека се што се случува, се случува и на други простори и на други места и луѓето се обединуваат тоа да го менуваат, да влијаат да не се случуваат процеси со тешки последици, што би ги трпеле сите ние. Тоа, пред се, се однесува на климатските промени, и на економијата, и на политиката, и на безбедноста, на секоја сфера од човековиот живот, рече Иванов.

Македонскиот претседател им порача на учесниците на конференцијата, на младите лидери да бидат креативни, да создаваат иновативни идеи, да не подлегнуваат на доминантни школи што од нив ќе создаде само потрошувачи, потрошувачи на идеи, добра и на туѓи мисли, туку да го користат слободното време за надоградба на својата личност.

Поранешниот претседател на Бугарија Георги Прванов во обраќањето пред учесниците на конференцијата со оценка дека вистинскиот лидер треба да биде визионер, да носи храбри решенија, да биде оној што ќе води, независно што понекогаш ќе мора да носи и непопуларни одлуки. - Историјата да се остави на историчарите, да не се дозволи иднината да се води гледајќи во минатото, истакна тој.

Прванов посочи дека во Бугарија денес, а верува дека е слично и во останатите држави на Балканот, постои дефицит на идеи, недостиг на визија, идеи што ќе нудат решенија за подолг временски период, а не само за периодот додека се има власта во свои раце. Тој уште ја нагласи потребата Бугарија, Македонија и Албанија да градат и споделуваат иста визија, иста цел, притоа особено да бидеме настојчиви и јасно определени во нашите настапи кога станува збор за реализацијата на проектот Коридор 8, и тоа во поширока смисла, од економско, енергетско, се до културно поврзување на луѓето, особено на младите умови од сите држави во регионот.

-Мора да постои доверба меѓу претседателите, премиерите, меѓу лидерите на сите нивоа...Потребна е комуникација меѓу научната сфера, универзитетските центри, но пред се комуникација на младите луѓе. Во таква клима, на постечка комуникација на младите умови, многу полесно ќе им биде идните претседатели и лидери на држави да креираат една посветла иднина за сите луѓе во регионот, истакна Прванов.

Неговиот албански колега, поранешниот албански претседател Бамир Топи од своја страна укажа на потребата преку ваквите собири не само да се пренесат личните искуства од минатото на некогашните лидери, туку преку акумулација на знаењата, наученото и искуствата, како лични така и на другите, да се создадат нови вредности што ќе значат исчекор во креирањето на иднината.

За него секое ново лидерство што се темели врз гола демагогија е изгубена идеја, политиката креирана од такви идеи останува пуста.

Независно постоењето предрасуди од минатото, Топи иднината на Балканот ја гледа во осознавањето, во препознавањето и проектирањето иста цел - целосното интегрирање на регионот во европските институции и асоцијации.

- Она што ние мора да го направиме е да создадеме политика на соработка, на интензивна комуникација, градејќи мостови што ќе поврзуваат заеднички да настапуваме во борбата за подобра иднина. Секој од нас лично да го даде максимумот за остварување на идејата за уредување односи на добрососедство, од што ќе произлезат придобивки во многу поширока смисла, истакна Топи.

Негова оценка е дека новото лидерство треба да акумулира искуства, постојано да препознава позитивни идеи и преку новите технолошки можности, преку рационална комуникација да гради принципи.

- Уверен сум доколку учите од другите, проектирате нови визии, уверен сум дека Балканот наместо гледајќи назад во своите трауми, ќе создаде просперитет за сите општества и подобра иднина за луѓето од регионот, истакна Топи.

Дводневниот собир во Охрид продолжува и утре, со обраќања на еминентни професори, амбасадори, бизнисмени пред младите лидери, а предвидена е и дебата на тема - Придонесот на Алумни аосцијацијата на млади лидери во креирањето лидерство на следната децинија.



Свет

Аеродромот во данскиот град Билунд евакуиран по дојава за поставена бомба

Аеродромот во данскиот град Билунд денеска е евакуиран по дојава за поставена бомба и еден маж е уапсен, соопшти данската полиција.

Летовите на аеродромот се прекинати. На веб-страницата на аеродромот се наведени неколку откажани летови кои требаше да се реализираат попладнево - до Амстердам, Франкфурт и Барселона.

Полицијата се обидува да утврди дали има поврзаност меѓу дојавата за поставена бомба и експлозијата на банкомат во Билунд изутрината.

Аеродромот Билунд е вториот по големина аеродром во Данска. Се наоѓа во близина на седиштето на компанијата „Лего“ и паркот „Леголенд“. /МИА

Шоу биз

Отворено 60-тото издание на Венециското биенале

На официјална церемонија во Венеција денеска беше отворено 60-тото издание на Венециското биенале, кое ќе трае до 24 ноември. Темата на годинашното биенале е „Странци насекаде“.

На свеченоста традиционално беа доделени и наградите „Златен лав“. За најдобар национален павилјон статуетката и е доделена на Австралија. Наградата за најдобро претставување на меѓународната изложба ја доби Матаахо колектив од Нов Зеланд. „Сребрен лав“ за перспективен млад уметник учесник на биеналето и припадна на Карима Ашаду од Велика Британија.

Награди „Златен лав“ за севкупен придонес им беа доделени на уметниците Ана Марија Мајолино и Нил Јалтeр. Тие се „жени пионери во уметноста, кои се исто така мигранти и на многу начини го отелотворуваат духот на мотото Странци насекаде“, велат организаторите. Ана Марија Маиолино е родена во Италија во 1942 година, но се населила во Сао Паоло, Бразил. Нил Јалтер е Турчинка, родена во египетската престолнина Каиро во 1938 година, а денес живее и работи во Париз.

На Биеналето во Венеција годинава учествуваат 88 земји. Во фокусот на годинашното издание се темите за миграцијата, егзилот и „странското потекло“. Централната тема е „Странци насекаде“.

Во Венеција вчера беше отворен и македонскиот павилјон, во кој е поставен повеќеслојниот и трансмедијален проект на Славица Јанешлиева „INTER SPEM ET METUM“ („Помеѓу надеж и страв“) и Националната галерија на Северна Македонија како официјален претставник на земјава на светската културна манифестација Венециско биенале 2024.

Проектот е изложен во зградата на Скуола деи Ланери (Scuola dei Laneri). Павилјонот е отворен за пошироката публика секој ден, освен понеделник, од 11 до 19 часот.

- Повторно нашето културно богатство е стационирано на светската културна манифестација Венециско биенале. Делото на Славица Јанашлиева во контекст на годинашната тема „Странци насекаде“, со наслов „Помеѓу надеж и страв“ / „Inter Spem et Metum“ се занимава со аспектот на странецот, на „другиот“, виден низ многу слоевити нивоа на антиципација на контекстот, изјави комесарот на проектот Дита Старова Ќерими.

Проектот го курираше Ана Франговска, кустос советник во Националната галерија, а е поддржан од Министерство за културa.

Според Старова Ќерими, делото веќе го привлече вниманието на домашните и меѓународните медиуми како Art News, E-flux, It's Liquid, Art Review, а најавени се и интервјуа со авторката со новинари на странски и локални медиуми. Ваквиот интерес, како што наведува, дополнително потврдува дека нашата земја има уметници за кои вреди да се бориме, да бидат поддржани.

Кураторката Франговска, вели дека трансмедијалниот и транснаративен проект „INTER SPEM ET METUM“ на Славица Јанешлиева претставува визуелно исчистена и концептуално предвидена просторна инсталација, која на прилично чувствителен и имагинативен начин нè фрла во цивилизацискиот отпад.

Венециското биенале на уметноста ќе се одржува од 20 април до 24 ноември 2024 година. /МИА

Македонија

Со полициски хеликоптер пренесен македонски државјанин од Унгарија до Скопје

Како што соопшти МВР, тој е пренесен на скопскиот клинички центар „Мајка Тереза“.

Денеска по добиено барање од ЦУК, со полициски хеликоптер Бел-412 од Одделот за воздухопловни единици, од Сегедин, Унгарија до Скопје е пренесен македонски државјанин кој доживеал мозочен удар на 18 април за време на службен пат во Унгарија.

Како што соопшти МВР, тој е пренесен на скопскиот клинички центар „Мајка Тереза“.

Oва е втор пат да се извршува ваков вид воздухопловен транспорт од Сегедин до Скопје со хеликоптер на Министерството за внатрешни работи, откако и на 11 април беше успешно реализирана ваква акција.

притисни ентер