Македонија

Во Брисел презентиран 16.МАП: Македонија со извонредни реформи во одбраната, Грција е пречка за НАТО

Република Македонија има извонредни реформи во одбраната и е апсолутно подготвена да стане членка на Северно-атлантската алијанса, но Грција е пречка за истото.

Вака гласи заклучокот на денешното отворање на рекордниот 16-ти циклус на Акцискиот план за членство (МАП) на Македонија во НАТО, што тројца државни секретари од нашата земја им го претставија на заменик-шефовите на Постојаните мисии на земјите-сојузници на Алијансата во седиштето на НАТО во Брисел.

Како што јавува дописникот на МИА од Брисел, државните секретари Сашо Стефаноски во Министерството за одбрана, Елена Кузмановска во Министерството за надворешни работи и Беким Алими во Секретаријатот за спроведување на Рамковниот договор, ја презентираа годишната национална програма за 2015 година на Република Македонија за пристапување во НАТО. Притоа, според Кузмановска, биле поздравени досегашните македонски учества во мисиите на НАТО, како и учествата во следните мисии.

- Ги презентиравме реформските процеси во Република Македонија што се предвидени во Националната програма за следниот период за што добивме силно охрабрување од страна на сите претставници во спроведувањето на реформите, посочи Кузмановска.

Таа истакна дека во заклучоците од денешниот состанок, секаде е констатирано дека единствена пречка што останува за членство на Република Македонија во НАТО, останува само решавањето на спорот со името.

- Притоа, добивме искрени желби и надежи од претставниците на сите земји дека оваа пречка во блиска иднина ќе биде отстранета, вели Кузмановска.

Според секретарот на македонското МО Стефаноски, пак, нашата делагација потврдила дека членството во НАТО останува највисок стратешки приоритет за Владата на Република Македонија и оти земјата се гледа во иднина како дел од Северно-атлантското семејство.

- Денеска го отворивме 16-тиот циклус од Акцискиот план за членство во Алијансата, што е своевиден рекорд оти од страна на присутните на денешниот состанок беа потврдени реформските процеси што Република Македонија ги прави во одбраната и беше признато се што е направено како подобрување на состојбите и кревање на капацитетите на Армија, со цел да биде компатибилна со НАТО-армиите, потенцира Сашо Стефаноски.

Според државниот секретар во МО, било потенцирано и дека Република Македонија со највисок степен на НАТО има сертифицирано две армиски единици што се апсолутно компатибилни со единиците на Алијансата и дека, за жал, единствена пречка за членство на Република Македонија во НАТО е нерешениот наметнат спор за името од страна на Република Грција.

- Од наша страна беше потенцирано дека НАТО има незавршена работа во регионот, бидејќи само со членството на Република Македонија во НАТО, Алијансата би го стабилизирал регионот и срцето на Балканот, конечно би станало стабилно подрачје и би извезувало мир и стабилност и во другите региони, додава Стефаноски.

Македонската делегација, на претставниците на земјите-сојузници на НАТО, исто така, денеска им потенцирале дека стратешка определба на Република Македонија е учество во мировните на Алијансата и уште еднаш е потврдено дека нашата држава ќе биде дел од мисијата за стабилизација на Авганистан, која започнува од 2015 година, а е наречена „Одлучна поддршка”, каде Македонија ќе учествува со свои војници.

Беким Алими, државен секретар во Секретаријатот за спроведување на Рамковниот договор, додава дека сите земји-членки на НАТО ја охрабриле нашата земја да продолжи со имплементација на Рамковниот договор и изразиле надеж дека за кус период, дали во 2015 година или наскоро, земјата ќе стане членка на НАТО, со обврска да продолжи со имплементација на Договорот од Охрид.

Свет

Воз во пламен помиона низ мало гратче во Канада, пожарникарите едвај го изгаснаа (ВИДЕО)

Запален товарен воз во ноќта меѓу неделата и понеделникот поминал низ центарот на канадскиот град Лондон!

На шокантната снимка може да се види дека најмалку пет вагони гореле и дека пожарот брзо се ширел. Шокираните жители врескале во своите автомобили додека минувал запалениот воз, но за среќа никој не бил повреден, објави Дејли Меил.

Засега не е познато што го предизвикало пожарот во возот.

На противпожарните екипи им биле потребни час и половина за да го локализираат пламенот и уште неколку часа за да се осигура дека пожарот е целосно изгаснат.

- Сѐ ќе третираме како подметнување пожар додека не се докаже спротивното, тоа беа стари железнички врски, кои не беа многу сигурни - соопштиле од противпожарната служба.

Свет

Шпанија основа фонд за 440.000 жртви на сексуално злоставување од католички свештеници

Шпанија ќе формира фонд што ќе биде финансиран претежно од Католичката црква за да им плати отштета на околу 440.000 жртви на повеќедецениската сексуална злоупотреба извршена од католички свештеници.

Шпанија ќе формира фонд што ќе биде финансиран претежно од Католичката црква за да им плати отштета на околу 440.000 жртви на повеќедецениската сексуална злоупотреба извршена од католички свештеници, блиски до нив и наставници, најави министерот за правда.

Ваква оценка даде извештајот на шпанскиот омбудсман во октомври по анкета на 8.000 луѓе.

Тогаш беше препорачано формирање на државен фонд, а Црквата беше обвинета дека не соработувала и се обидувала „да ја намали оваа појава колку што е можно повеќе“.

Министерот за правда Феликс Боланос им рече на новинарите дека Црквата, која беше исклучително влијателна во шпанското општество и политика до и по крајот на десничарската диктатура во 1970-тите, со децении не ги исполнила барањата за компензација и дека нејзините реакции на извештајот варирал во зависност од епархијата.

„Сакаме да дејствуваме за да спречиме, да го поправиме и да се обидеме да го вратиме долгот што нашето општество им го должи на жртвите“, рече Боланос.

Владиниот план, кој треба да се спроведе до 2027 година, предвидува сè уште недефинирана формула со која Црквата ќе бара „да го плати целиот надомест или нејзиниот поголем дел, како и гаранција за другите елементи од симболичната компензација“. Боланос рече дека неговото министерство ќе преговара со епископите за придонесот што црквата е подготвена да го плати во фондот и дека има впечаток дека свештенството е подготвено за соработка.

Но, во исто време, шпанската бискупска конференција објави дека не може да прифати план со кој се исклучуваат жртвите на сексуална злоупотреба во други организации бидејќи „претставува осуда на целата Црква и покрива само дел од проблемот“. Во ноември црквата за прв пат објави дека има намера да ги обештети жртвите и во случаи кои не се целосно решени бидејќи во меѓувреме починал свештеник, кој извршил злосторство.

Боланос рече дека независно експертско тело ќе ги проучува случаите во кои насилникот умрел, оние за кои истекол рокот на застареност или оние кои никогаш не стигнале до суд.

Забава

Порно ѕведата Миа Калифа лансира колекција танги со марихуана (ФОТО)

Не долго откако Миа Калифа првпат ја лансираше својата нова линија на накит и додатоци, Шејтан, таа почна да се појавува на модните недели и да прави бројни договори.

За да ја прослави 420 година, Калифа лансира специјално издание со Шејтан: тангата 420.

Тангата доаѓа во две бои, зелена и црна, а на задната страна има декорација во форма на лист марихуана. Ремените се прилагодливи и погодни за различни големини на телото.

View this post on Instagram

A post shared by Sheytan | شيطان (@sheytan.world)

„Треба да ме ангажирате како плус сајз модел за ова“, „Врискам, плачам, купувам“, „Едвај чекам“, „Сакам“, „Ми требаат“, „Ве молам донирајте за оние од нас кои не можеме да си ги дозволиме“, , „Слатко“ се дел од коментарите на објавата на брендот на Инстаграм.