Алкалоид со раст на извозот од 11% и нови 54 вработувања во првите девет месеци

„Алкалоид АД‘‘ Скопје во периодот јануари - септември годинава оствари позитивни финансиски резултати искажани во неревидираниот единечен и неревидираниот консолидиран биланс на успех.
Во единечниот биланс на успех, остварените единечни продажби во износ од 4 милијарди и 344 милиони денари бележат зголемување за 2% во споредба со остварените во истиот период лани.

Добивката пред финансиски трошоци, даноци и амортизација изнесува 801 милиони денари што претставува зголемување од околу 10 проценти. Нето добивката изнесува 457 милиони денари што претставува зголемување од 4 проценти.

Според консолидираниот биланс на успех, остварените консолидирани продажби во износ од 5 милијарди и 550 милиони денари бележат зголемување од 8 проценти  во споредба со остварените во истиот период лани , при што е реализиран раст на консолидираните извозни продажби од 11%.

Добивката пред финансиски трошоци, даноци и амортизација изнесува 833 милиони денари што претставува зголемување од околу 10 проценти. Нето добивката изнесува 440 милиони денари што претставува зголемување од 4 проценти. Во периодот јануари - септември годинава  во ‘‘алкалоид‘‘ се реализирани 54 нови вработувања.


Деветмина повредени во пад на авион

Девет лица се повредени при пад на приватен мал авион во Хондурас.

Авионот се урнал на крајот на пистата на меѓународниот аеродром во главниот град на Хондурас , Тегусигалпа. Според противпожарната служба , во несреќата се повредени девет лица.

Авионот пристигнувал од Остин , Тексас и од непознати причини се урнал на пистата при што се прекршил на пола.

Поповски во „Само вистина“: Владата нема да дозволи никој да биде привилегиран ниту оштетен

„Само вистина“ интервју со Роберт Поповски: Живот ли е ова или „панаѓур“?!

Директорот на Канал 5 Телевизија Иван Мирчевски и министерот  без ресор задолжен за комуникации, отчетност и транспарентност, Роберт Поповски, во најновото издание на „Само Вистина“ разговараат за актуелните политички теми и за новиот закон за аудио и аудио-визуелни медиумски услуги.

Поповски: „Експерти, професионалци се вклучени во изготвување на новиот закон за аудио и аудио-визуелни медиумски услуги. Граѓаните се тие што ќе ја оценат вистинка трка на медиумскиот пазар и да проценат кој медиум колку вреди. Владата нема да дозволи никој да биде привилегиран ниту оштетен, медиумите треба да добијат услови за работа и медиумските работници да имаат повисоки плати. Новиот закон ќе ја заштити индустријата, ќе обезбеди вистинска регулација и контрола на сите чинители во медиумскиот простор.“

Солзавец и приведени на протестите во Париз (ВИДЕО)

За време на синдикалниот протест по улиците на Париз дојде до судир на демонстрантите со полицијата.

Според медиумите , со полицијата се судрила група од околу стотина млади , кои не биле дел од протестната поворка. Поединци од групата ги гаѓале полицајците со различни предмети , по што полицајците возвратиле со пендреци и солзавец. Најголем број од младите , кои ја нападнаа полицијата носеле фантомки и капи за скијање .

И репортерката на Раша Тудеј , Шарлот Дубенски пред камерите мораше поради солзавецот да си стави капки во очите за да може да гледа. За сега нема податоци за повредени , а неколкумина од демонстрантите се приведени.

Денешните протести ги организираше синдикатот на јавните работници , поради планот на Владата до 2022 да укине 120 000 работни места.  

притисни ентер