Друштвото на писателите учествува во проектот „Млади поети“

Друштвото на писателите на Македонија учествува во проектот „Млади поети“ на Агенцијата за млади и спорт на Република Македонија.
Жири комисијата на ДПМ во состав: Вера Чејковска, Кочо Топузоски и Миле Јовановски – Поречанец, ќе додели три најгради за најуспешните песни од 86 пристигнати предлози на конкурсот под наслов „Млади поети“ што го распиша Агенцијата за млади и спорт.

Покрај плакета, соопшти Друштвото на писателите, младите поети ќе добијат и паричен износ, за првата награда – 15.000 денари, за втората 10.000 денари, а за третата 5.000 денари.

Агенцијата за млади и спорт објави конкурс за млади поети на возраст од 15 до 29 години во рамки на програмските определби за промовирање на творештвото на новите генерации во областа на пишаниот збор. Наградените песни и поширок избор од најуспешните стихови пристигнати на конкурсот ќе бидат објавени во заедничка збирка.

Промоцијата на книгата ќе се одржи во Домот на македонските писатели, во соработка меѓу Агенцијата за млади и спорт и ДПМ. 

Ѓукановиќ ја положи претседателската заклетва

Во црногорската престолнина Цетиње со положување на заклетвата  избраниот претседател Мило Ѓукановиќ  официјално ја презема должноста.

Ѓукановиќ претседателската заклетва ја даде пред пратениците од Собранието на Црна Гора.

-Се колнам  во својата чест дека должноста претседател  на Црна Гора ќе ја извршувам совесно и одговорно за доброто на сите граѓани, рече  Ѓукановиќ во заклетвата.

Покрај пратениците , на свечената седница присуствуваа и поранешните претседатели на Црна Гора, премиери и претседатели на парламентот, како и највисоките државни функционери и челници на државните институции.  

Абас повторно примен во болница

Претседателот на Палестина 83- годишниот Махмуд Абас е примен во болница, според анонимен официјален претставник, Абас имал температура.

Палестинскиот претседател Махмуд Абас денеска повторно е примен во болница. Ова е третпат во една недела да биде хоспитализиран.

Абас во вторникот имал операција на увото и по неколку часа бил пуштен дома. Вчера повторно беше на кратко во болница.

Резултатите од анализите, како што јави палестинската новинска агенција, пренесувајќи ја изјавата на директорот на болницата, се добри.

Абас има проблеми со срцето, а пред десет години му е дијагностициран рак на простата. Инаку, тој е страстен пушач.

Дамаск ослободен, екстремистите евакуирани

Група екстремисти од Исламската држава се евакуирани од последната енклава под контрола на бунтовниците во близина на Дамаск, со што оваа територија е вратена под контрола на државата.

Сириската Опсерваторија за човекови права со седиште во Лондон, соопшти дека автобусите влегле во енклавата по полноќ за да ги превезат борците на ИД и нивните семејства.

Според Ројтерс, автобусите се упатиле во правец на провинцијата Бадија во Сирија, подрачје со мал број на жители , кое се наоѓа источно од престолнината Дамаск.

притисни ентер