Девет кралици закитени со охридски бисер од Македонија

Со охридски бисери ќе се возобнуваат античките накити.
Михајло Филев, младиот но врвен производител на оригинален охридски бисер веќе го направи првиот ѓердан со  кој се китела  Самоиловата керќа -  принцезата Косара. Бисерниот ѓердан е идентичен на  пронајдените артефакти, исткаен  од филигран и бисер.

Изработен е  и скапоцениот  накит  на Олимпија, мајката на Александар III македонски и на  македонската кралица Клеопатра.
                                                                            
-  Мој предизвик е сега сите тие да ги репарирам возобновам во наш стил нормално со исти материјали од тоа време како среброто и ред други проптратни елементи во накитот. Да добиеме уште една понуда каде што и светот и сите ќе бидат восхитени од нешто што било заборавено во минатото а сега ќе биде претставено на анјвсоко ниво, вели Михајло Филев производител на охридски бисер.

Ќе се возобноват и накитите кои семејството Филеви изминатиов век ги подарувало на кралиците и принцезите  ширум светот. На овие фотографии се  српската, бугарската, данската, шведската и холандската кралица на која лично Тито и поклонил охридски бисери. И секако накитот на принцезата Јелисавета Караѓорѓевиќ.

-  Ќе се направи една селекција еден посебен избор и така ќе бидат изложени да бидат достапни сите граѓани и туристи да можат да ги видат сите тие дела. Како што се огрлици, наруквици обетки од сите тие еминентни личности. Или проектот ќе го крстиме “девет кралици закитени со охридски бисер од Македонија“,додава Филев.

Репликите на накитот на античките владетелки и познатите кралици и принцези  ќе ја збогатат културната понуда во земјава. Љубителите на убавото ќе може да се китат со накитот   на  Клеопатра или можеби со ѓерданот на бугарската кралица Јоана Савојска. 

Африм Гаши ќе формира нова партија

Членството на крилото „БЕСА“ предводено од Африм Гаши побарало да се прекине судскиот процес за името на партијата.

Поради тоа Гаши и неговите поддржувачи се откажуваат од спорот и ќе формираат нова партија.

Новата партија треба да биде регистрирана наскоро, и ќе го носи името „Алтернатива“. Со тоа „БЕСА“ останува на Билал Касами.

Оваа одлука беше донесена на вчерашната средба на централното собрание предводено од Гаши.

По локалните избори во партијата „БЕСА“ настана внатрепартиски раскол, поради незадоволството од постигнатите резултати.

Силјановска: Ќе се залагам за намалување на претседателските ингеренции

Викендов е избран првиот учесник во шестата по ред претседателска трка.

Тоа е универзитетската професорка Гордана Силјановска Давкова која со 408 гласови од делегатите  на саботната конвенција беше избрана за кандидат за претседател од ВМРО ДПМНЕ, оставајќи го далеку зад себе Владимир Ѓорчев кој освои само 80 гласа.

Силјановска порача дека ќе бара широка општествена поддршка вклучително и од СДСМ бидејќи е надпартиски кандидат.

Меѓу другото рече дека ќе се залага за намалување на претседателските ингеренции.

Дескоска :Министерство за правда се уште е без одговор за екстрадицијата на Грујевски и Бошковски

Министерството за правда на Грција се уште е без одговор на барањата за екстрадиција на Горан Грујевски и Никола Бошковски.

Министерството за правда на Грција се уште е без одговор на барањата за екстрадиција на Горан Грујевски и Никола Бошковски, што се клуч во судскиот процес, вели за порталот Етнос.гр, министерката за правда, рената Дескоска од Солун, по учеството на првиот „Thessaloniki Regional Forum“.

-Неколку пати, официјално го испративме нашето барање до министерството за правда на Грција, но не добивме никаков одговор од грчкиот министер. Последен пат кога испративме документ беше минатиот ноември, а се очекува одново да го поставиме прашањето до грчките власти. Двајцата се клуч за судскиот процес на Груевски, вели Дескоска за грчкиот медиум

Во мај минатата година, врховниот суд на Грција, повикувајќи се на амнестијата од претседателот Иванов, го одби барањето на македонските власти за екстрадиција на Горан Грујевски и Никола Бошковски.

притисни ентер