Лавров: САД сакаат да ги раскинат економските врски меѓу ЕУ и Русија

Со воведувањето на новите санкции кон Москва, САД сакаат да ги раскинат економските врски што постојат меѓу ЕУ и Русија, изјави денеска рускиот министер за надворешни работи Сергеј Лавров.
- Америка сака да ја искористи сегашната ситуација со цел Европа економски да ја издвои од Русија и да си обезбеди поповолни услови во пресрет на преговорите за создавање на трансатлантското трговско-инвестициско партнерство, рече Лавров во изјава за руската телевизија „ТВ Центар“.

Според Лавров, со воведувањето на новите економски санкции од страна ЕУ кон Русија, САД се обидуваат да ги натераат Европејците наместо руски природен гас да користат американски гас од шкрилци, чија цена, како што рече, не може да биде конкурентна со цената на рускиот енергенс.

- Несомнено зад сето ова стојат економски интереси, но огромна, па дури и клуча улога имаат геополитичките сметки, потенцира Лавров.

Шефот на руската дипломатија ги обвини европските лидери дека ја жртвуваат економијата во интерес на политиката.

- Во Европа се родени мислителите кои велеа дека економијата ја определува политиката, но сега во ЕУ се случува спротивното - економијата станува жртва на политиката. Тоа меѓутоа не може да трае долго, нагласи Лавров, додавајќи дека Русија е заинтересирана за стратешко партнерство со ЕУ./МИА



Црногорците вложуваат 700 милиони евра во обновливи извори на енергија

Електростопанството на Црна Гора планира до 2020 да вложи 700 милиони евра во изградба на постројки за обновливи извори на енергија со вкупен капацитет од 500 мегавати.

„Фотоволтаичната централа Бриска Гора, ветерната фарма Гвозд и хидроцентралата Комарница ќе имаат вкупен капацитет од околу 500 мегавати“, рече директорот за развој и инженеринг Иван Мрваљевиќ.

Минатиот месец, акционерите на ЕПЦГ одобрија инвестиција од 58 милиони евра за изградба на ветерна фарма од 50 мегавати Гвозд, во соработка со австриската компанија Ивица Холдинг.

Во декември 2018 година, беше потпишан договор за изградба на фотоволтаичната  централа Бриска Гора вредна 178 милиони евра од околу 200 мегавати со  конзорциумот на  финскиот Фортум.

Пукотници во Амстердам во пресметка на црногорското подземје (ВИДЕО)

Еден Црногорец е убиен , а уште еден е повреден во престрелката во пицерија во центарот на Амстердам.

Во пукањето попладнево во пицерија во Амстердам, едно лице загина, а едно е повредено. Според српските медиуми, повреден е Јован Ѓуровиќ, брат на Лука Ѓуровиќ, еден од некогашните водачи на најсилниот црногорски клан кој загина во сообраќајна несреќа во 2013 година.

Во пресметка во Амстердам беше убиен Горан Савиќ, пријател на Ѓуровиќ, кој кога ги видел вооружените напаѓачи, скокнал пред Ѓуровиќ и со телото го заштитил од рафалот куршуми.

Савиќ е сопственик на пицеријата каде се случило пукањето.

„Тој скокна пред него како човечки штит“, рече еден очевидец.

Иако службите за итни случаи се обиделе да го реанимираат Савиќ, тој починал на местото на настанот. Ѓуровиќ се здобил со сериозни повреди и бил пренесен во болница.

Напаѓачите по пукањето избегале во сив Фолксваген со белгиски  регистарски таблички. Холандските медиуми објавија дека возилото подоцна било пресретнато од полициски службеници и по драматична акција среде улица,  уапсиле еден осомничен.

Ранетиот Ѓуровиќ е брат на Лука Ѓуровиќ кој би бил водач на најсилниот криминален клан во Бар. Тесно соработувал со Лука Бојовиќ , кој беше познат како прв човек на Земунскиот клан во Црна Гора.

По неуспехот на Нетанјаху, Бени Ганц ќе ја составува израелската влада

Поранешниот генерал Бени Ганц доби мандат за состав на новата влада на Израел , од што вчера се откажа досегашниот премиер Бенјамин Нетанјаху.

По нерешени изборни резултати во април и во септември, ова е првпат од 2008 година на некој друг освен на 70-годишниот Нетанјаху да му се даде задача да се обиде да состави влада.

Лидерот на партијата „Сино-бело" , Ганц сега има 28 дена да ја заврши задачата што му е доверена од претседателот Реувен Ривлин.

Отпрвин, Ривлин му го довери мандатот на Нетанјаху, лидерот на централно-десничарската партија Ликуд, кој беше премиер на Израел уште од 2009 година. Но, Нетанјаху го врати мандатот во понеделникот затоа што не успеа да собере мнозинство и рече дека сторил се за да го вклучи Бени Ганц и да формира влада за национално единство за да се избегнат трети избори годинава.  

Нетанјаху се соочува со бројни обвиненија за корупција, поради што 60-годишниот Ганц рече дека нема да учествува во владата, чиј премиер е обвинет за корупција.

Иако бил началник на Генералштабот на израелската армија од 2011 до 2015 година, Ганц , нема лесно да обезбеди мнозинство и доколку тој не успее да го стори тоа, најверојатни се нови парламентарни избори, трети годинава.

Ганц има поддршка од 54 пратеници, седум помалку од парламентарното мнозинство.

Ликуд освои 32 места на изборите во септември, од вкупно 120, а партијата на Ганц 33.

притисни ентер