Салмонд наведе дека лондонската понуда за широки овластувања за Шкотска, кои ги одобрија трите најзначајни британски политчки партии, не содржат никаква новост и оцените дека кампањата на унионистите се распаѓа во пресрет на референдумот за независнот на Шкотска, кој е предвиден за наредна недела.

"Тоа е само едно ново ценкање, во друго пакување и со нови рокови за што веќе зборувавме во пролетта" - истакна Салмонд.

Премиерот на Шкотска, смета дека кампањата на унионистите е во паника и дека денешниот ден ја означува конечната пропаст на кампањата шкотланшаните на 18. септември да заокружат “не“, односно да се изјаснат во прилог на зачувувањето на Велика Британија.

Последиците од претстојниот референдум во Шкотска е тешко да се предвидат но она што е несомнено е дека владее чувство на нестабилност и тоа не само во Британија.

Британската фунта претходните денови значително “ослабе“, што е резултат од најновите истражувања на јавното мислење според кое граѓаните на Шкотска се наклонети кон самостојност.

Шкотска е составен дел од Обединетото Кралство уште од 1707. година а претходно долго време се наоѓаше во персонална унија со Англија.

Покрај национал-романтичните мотиви за отцепување од Британија, постојат и други. Експлатацијата на нафта во Северното море, која од Норвешка направи успешна и просперитетна земја, би можела да има слични последици и во случајот на Шкотска.

Резервите со нафта со кои располага Британија, всушност и припаѓаат на Шкотска а она за разлика од Англија (53,1 милион жители) има само 5,5 милиони.