Двајца албански државјани приведени поради нелегален престој

Двајца албански државјани Х.И.(31) и Н.М.(21) биле приведени од тетовската полиција при контроли кај Музичкото училиште и плоштадот во Тетово откако било утврдено дека непријавено претстојуваат на подрачјето, информираше портпаролот на СВР Тетово Марјан Јосифовски.
Тој посочи дека двајцата се предадени за понатамошно постапување на Одсекот за прекуграничен криминал, емигранти реадмисија.

Според неговите податоци во првите шест месеци од оваа година во редовни и акциски контроли на полицијата во Полошко биле откриени 80 странски државјани, 78 од Албанија и по еден од Косово и Србија кои или непријавено претстојувале или нелегално работеле на подрачјето.

Сите тие се соочиле со соодветни законски санкции и времени забрани за влез во Македонија од една до три години.

- Станува збор за економски емигранти кои работеле на градежни или полски работи за дневници пониски од овдешните, но одредени поединци биле вклучени и во извршување на разни криминални дела претежно кражби, вели Јосифовски.

Во истиот период, додаде тој, во контролите на повеќе угостителски објекти биле откриени четириесетина странски државјанки, најмногу од Албанија и Србија, но и од Косово и Бугарија кои нелегално работеле како пеачки и келнерки. И тие се соочиле со забрана за влез во државата од една до пет години.

- И кај економски емигранти, но и кај келенерките биле откриени случаи на лица кои веќе биле депортирани од Македонија повторно нелегално да влезат и работат во државата, изјави Јосифовски./МИА

Ѓукановиќ ја положи претседателската заклетва

Во црногорската престолнина Цетиње со положување на заклетвата  избраниот претседател Мило Ѓукановиќ  официјално ја презема должноста.

Ѓукановиќ претседателската заклетва ја даде пред пратениците од Собранието на Црна Гора.

-Се колнам  во својата чест дека должноста претседател  на Црна Гора ќе ја извршувам совесно и одговорно за доброто на сите граѓани, рече  Ѓукановиќ во заклетвата.

Покрај пратениците , на свечената седница присуствуваа и поранешните претседатели на Црна Гора, премиери и претседатели на парламентот, како и највисоките државни функционери и челници на државните институции.  

Абас повторно примен во болница

Претседателот на Палестина 83- годишниот Махмуд Абас е примен во болница, според анонимен официјален претставник, Абас имал температура.

Палестинскиот претседател Махмуд Абас денеска повторно е примен во болница. Ова е третпат во една недела да биде хоспитализиран.

Абас во вторникот имал операција на увото и по неколку часа бил пуштен дома. Вчера повторно беше на кратко во болница.

Резултатите од анализите, како што јави палестинската новинска агенција, пренесувајќи ја изјавата на директорот на болницата, се добри.

Абас има проблеми со срцето, а пред десет години му е дијагностициран рак на простата. Инаку, тој е страстен пушач.

Дамаск ослободен, екстремистите евакуирани

Група екстремисти од Исламската држава се евакуирани од последната енклава под контрола на бунтовниците во близина на Дамаск, со што оваа територија е вратена под контрола на државата.

Сириската Опсерваторија за човекови права со седиште во Лондон, соопшти дека автобусите влегле во енклавата по полноќ за да ги превезат борците на ИД и нивните семејства.

Според Ројтерс, автобусите се упатиле во правец на провинцијата Бадија во Сирија, подрачје со мал број на жители , кое се наоѓа источно од престолнината Дамаск.

притисни ентер