Заем за реконструкција на над 112 километри магистрални и регионални патишта

Собранието, во рамки на 11.седница денеска го донесе Законот за гаранција на Република Македонија на обврските по Договорот за заем за финансирање на Проектот за рехабилитација на магистралните и регионалните патишта, кој ќе се склучи меѓу Меѓународната банка за обнова и развој - Светска банка и Јавното претпријатие за државни патишта.

Заменик министерот за финансии Ардијан Џеладини истакна дека Предлог-законот е во насока на создавање на квалитетна инфраструктура за подобрување на економските перспективи на земјата и подобрување на квалитетот на животот на граѓаните.

Владата во соработка со ЈП „Државни патишта“ за рехабилитација на магистралните и регионалните патишта обезбеди заем од Светската банка во износ од 52 милиони евра преку чија реализација ќе се подобри поврзаноста на избрани магистрални и регионални патишта со коридорите 8 и 10 и подобрување на безбедноста на патиштата ширум државата.

Џеладини информираше дека првиот дел од проектот е наменет за градежни работи и притоа ќе се реконструираат 112 километри магистрални и регионални делници кои ги предложи јавното претпријатие за државни патишта.

Во првата година ќе се рехабилитираат три патишта и тоа Битола-Макази, Ресен-Буково и Бошков Мост - Дебар. Од втората до петата година од проектот ќе се реконструираат патишта во договор со Светската банка по предлог на ЈП „Државни патишта“. Вториот дел се однесува на институционално управување и зајакнување на проектот. Заемот е со рок на исплата од 23 години со грејс период од шест години.

Пратеничката Лилјана Кузмановска истакна дека ова е исклучително поволен заем кој е во износ од 52 милиони евра и е со ниска каматна стапка и рок на отплата од 23 години со шест години грејс период.

- Многу е важно што ќе бидат реконструирани над 112 километри магистрални и регионални патишта и во исто време да се изврши поправка на свлечишта на земјиштата во одредени делови на државата како и зајакнување на капацитетот на јавното претпријатие за државни патишта, изјави Кузмановска. Како пратеник од Битола изрази задоволство што во правата година од реализација на овој проект ќе се работи на патниот правец Битола - Макази и Битола - Охрид.

- Тоа беше зацртано во нашата изборна програма и во програмата на Владата. Тоа ние како пратеници и Влада го реализираме она што беше потреба и барање и наше ветување во време на изборите, рече пратеничката.

Реџаил Исмаили од ДУИ истакна дека неговата пратеничка група ќе го поддржи законот посочувајќи на неговата важност за граѓаните. Посочи на патот Бошков Мост - Дебар, што е од особено значење за граѓаните од тој дел на земјата.

Собранието ги донесе измените и дополнувањата на Законот за рибарство и аквакултура и на Законот за внатрешни работи со архивски броеви 07-2996/1 и 07-2997/1.

Претходно со двотретинско мнозинство беше изгласан и новиот состав на Комисијата за верификација на фактите./МИА.

Мицкоски во Кисела Вода : По победата ќе треба да ги засукаме ракавите да ја обновиме Македонија

Лидерот на ВМРО-ДПМНЕ Христијан Мицкоски е убеден дека коалицијата што тој ја предводи, со поддршка на народот убедливо ќе победи на претстојните парламентарни избори.

Сите заедно да ги засукаме ракавите и да работиме за обнова на Македонија каква што сме наследиле и каква сакаме да им оставиме на идните поколенија.

-Изминатиот период чекоревме полека за да не паднеме, за да не се враќаме неколку чекори наназад и да мора да почнуваме се одново. Меревме, премерувавме носевме одлуки кои можеби секогаш не беа допадливи, но, тоа беа одлуки кои нас не донесоа до крајната цел, а тоа е што побргу да ни се случат предвремени парламентарни избори, рече Мицкоски пред граѓаните во општина Кисела Вода.

Сакавме да војуваме, рече, но тоа да биде војна со извесен крај, а тоа е победа.

Кога на човек ќе му се случи нрешто лошо, рече тој, како што на Македонија и се случила оваа власт, не треба да се очајува, туку да се исправи и да продолжи да се бори во она што верува.

– Колку нашиот сон и она во што веруваме е поголемо, повелико, толку искушенијата на тој пат до таа крајна цел се потешки и толку нашата борба е поисправна. Наша цел е онаа Македонија за која сонуваме, онаа Македонија која што ја наследивме и онаа Македонија која што сакаме да им ја оставиме на нашите потомци. Нашата Македонија. Тоа е голема и велика цел. Затоа заедно да се бориме, рече Мицкоски пред граѓаните во општина Кисела Вода.

Нашата борба, додаде тој, започнува на 15 јули. Имаме многу за обновување, потенцира Мицкоски, ќе треба да ги засукаме ракавите и да ги поправаме грешките на оваа власт за да си ја обновиме Македонија од пепелта која што ќе ни ја остават.

-Треба многу грешки да поправаме за некои ќе треба веднаш да делуваме брзо и одлучни, а за некои можеби ќе треба повеќе време, но важно е да ги засукаме ракавите да се обединиме како што многупати во историјата македонскиот народ се обединувал и се спротивставувал пред многу поброен и помоќен противник од ова раководство на СДСМ.

Пред присутните се обрати и професорката Гордана Силјановска Давкова,носител на ИЕ 1, која е убедена дека граѓаните ќе ја дадат поддршката за ВМРО ДПМНЕ и коалицијата на овие избори.

Рече дека претходните нпретседателски избори биле само вовед и отвориле порта за она што ќе се случува на претстојните парламентарни избори, а тоа е, потенцира таа, голема победа на коалицијата предводена од ВМРО-ДПМНЕ

-Ќе се согласите дека не само во Македонија, туку и ширум светот сите кои се Македонци од Македонија сега се обединија околу најважните нчетири букви за македонската историја ВМРО и тоа тоа го знаат. Го разбудија вмровскиот код во секој човек ширум светот и сега она што е следно е вториот дел од името на оваа партија – партија за демократско национално единство. Никогаш, рече таа не било попотребно поважно национално единство од денес, истакна таа./МИА

Силјановска - Давкова: Нема самопочит, без почит кон предците, кон историјата, нема дрво без корен

Од говорницата на митингот во Општина Центар професорката Гордана Силјановска - Давкова носител на ИЕ 1, вечерва најпрвин им се заблагодари за присуството на многубројните центарци, го честиташе македонскиот празник "Денот на борецот".

Потоа таа упати искрени честитки до Соединетите Американски Држави за "Денот на независноста".

-Ние народот сме собрани овде. Ние народот имаме право на самоопределување. Никој тоа право не може да ни го одземе. Името е дел од правото на самоопределување. Не е точно дека ние не сакаме да го вратиме. Повторувам. Не само што ги знаеме сите начини, туку ги знаеме и сите постапки. Има место за љубов само кон една татковина. Јас му верувам на оној горд Ирец, Бернард Шо кога вели дека се можете да смените, само татковината не можете. И вели дека битката секогаш е битка за Ирска, за Македонија или за Финска. Пазете во 1876-тата година. Тоа нему му е јасно, а ним не им е јасно. Дури и човекот број еден на СДСМ, Киро Глигоров рече Македонија е се што имаме, рече Силјановска-Давкова.

Таа посочи дека ако е денеска "Денот на борецот", а нејзиниот татко бил борец на 17 годишна возраст, се разбира дека постои некој завет кој го дале тие борци.

-А тоа е дека она што сме го наследиле не е лично, а не е ни колективно, туку му припаѓа на народот ќе го чуваме и ќе го предадеме на поколенијата по нас. Она ВМРО се буди токму тогаш кога е загрозена Македонија. Не само тука на оваа територија, туку и во Австралија, Канада и Америка. Нема самопочит, без почит кон предците, кон историјата, нема дрво без корен. Ама за жал тие сакаа македонизмот да го импутираат. Да го пресечат коренот на ова дрво. Ние бараме во модерна Европа она што важи за сите народи, а нема народ без малцинства во соседството, да важи и за нас. Ние бараме да се почитува Конвенцијата за заштита на правата на малцинствата и да се почитува Конвенцијата за регионални малцински јазици, рече Силјановска-Давкова од говорницата.

На крајот таа порача дека она што ВМРО-ДПМНЕ ќе го спроведува после 15-ти јули ќе биде "ПРАВИ ЛУЃЕ НА ПРАВО МЕСТО". Така најмладите нема да си заминат. На Македонија и треба даскал. Учител. А учителот е пред вас, господинот Мицкоски, заврши Силјановска-Давкова.

Центар за комуникации на ВМРО-ДПМНЕ

Шекеринска од Дебар: Минималната плата ќе биде 20.000 денари

Вечерва на граѓанската трибина која се одржа во Дебар, заменик претседателката на СДСМ - Радмила Шекеринска се осврна и на планот на коалицијата „Можеме" за потребите на граѓаните, се наведува во партиското соопштение.

,,Нашиот план е минималната плата да продолжи да расте, од 14,500 на крајот од мандатот да успееме да стане 20.000 денари и ако некој праша можно ли е јас ќе кажам да, бидејќи покажавме на дело.

Не мора да ни ги слушате зборовите можете да ги погледнете бројките. Ако за 2,5 години ја покачивме минималната плата за 5,500 денари тоа можеме да го повториме сега за 4 години.

Просечната плата до крајот на мандатот сакаме да порасне на 34,000 денари и некој ќе каже, прво ВМРО ДПМНЕ нема шанси многу е, тоа го кажуваат два пати во Собранието кога баравме да поддржат раст на платите.

ВМРО ДПМНЕ, не гласаа „За" и денеска се шетаат по кампањи, истите луѓе велат сега ќе ви ветиме повисоки плати и пензии.

Пред година дена не можеа дури ни како опозиција сега ќе го направеле.

Ние тоа ќе го направиме, не на зборови туку со дела.

Во следните години ќе обезбедиме 600 милиони евра за нашите компании, 300 од домашни буџети, 300 од европски пари за да им помогнеме да исплаќаат повисоки плати.


притисни ентер