Германската „Техникал Текстил “ ќе инвестира во Македонија 12 милиони евра

Германската компанија Техникал Тексил ќе инвестира во Македонија. 12 милиони евра ќе вложи во капацитет во индустриската зона во Штип.
Ќе вработат во првата фаза 500 работници. Изградбата на фабриката започнува во август, производството следната година.

-Во иднина ќе вложиме 12 милиони евра, тоа е првиот чекор, ќе вработиме 500 работници во Штип, ќе стартуваме најбрзо со зградата и производството. Произведуваме изолациони материјали за градежната, автомобилската и авионската индустрија. Не сакаме да инвестираме само во овој бизнис. Профитот ќе го реинвестираме во оваа земја во други работи, и гледам многу добра иднина, зборев со премиерот и се оди како што треба, следниот месец ќе започнеме со работа, вели сопственикот на Техникал Тексил, Џенс Вандланд.

За Македонија и бизнис поволностите се информирале од престижен економски германски весник. Поедноставените постапки, краткиот рок за градежни дозволи, ниските даноци и квалификуваната работна сила ги премислила германците, меѓу Абу Даби и земјава, да се одлучат за Македонија.
За разлика од Абу Даби сите работи одеа побрзо тука и може брзо да се реализира, ја одбравме локацијата заради најсоодветната работна сила во Штип и тој производ е напреден затоа што фиберклас со апликации во сите овие индустрии ќе значи дополнителни вработувања но и извоз, како и привлекување на нови инвеститори, вели Виктор Мизо, директор на ТИРЗ.

Планот е во првата година извозот да достигне од 25 до 30 милиони евра и таа бројка за 2-3 години двојно да се зголеми бидејќи се планираат и други капацитети.

Седуммина полицајци повредени во насилните протести пред Собранието

Седуммина полицајци се повредени и тројца цивили се приведени во насилните протести пред Собранието на Македонија, јави МИА повикувајќи се на полициски и болнички извори.  

Екипа на Итната медицинска помош интервенираше вечерва поради повредени лица во насилните протести што се одржаа пред Собранието. Возилото е се уште на местото на протестите, но засега нема информации за број на повредени граѓани.

Медицинскиот тим интервенирал по барање на полицијата.

Македонската полиција со солзавец растера насилни демонстранти пред Собранието кои протестираа незадоволни од Договорот за решавање на македонско-грчкиот спор за името и стратегиско партнерство потпишан денеска во Псарадес.

Демонстрантите фрлаа кон полицијата шок-бомби, пиротехнички средства и камења. Полицијата возврати откако дел од нив ја турнаа заштитната ограда и се обидоа да влезат во Парламентот.

Протестот беше организиран преку социјални мрежи. /МИА

Утре променливо облачно со локален пороен дожд и грмежи

Времето утре променливо облачно на повеќе места ќе дува засилен северен ветер. Попладне ќе има нестабилност со локален пороен дожд и грмежи. УВ индексот ќе изнесува 7. Минималната температура од 11 до 18 а дневната највисока температура на воздухот

Во Скопје променливо облачно со сончеви периоди и со повремено засилен северен ветер. Температурата од 16 до 31 степен.

Во вторник се очекуваат повремени врнежи од дожд кои локално ќе бидат поројни со грмежи, особено попладнето. Во среда како и во следните два дена ќе биде  сончево со мала до умерена облачност, попладне со услови за појава на краткотраен дожд. Дневните температури ќе бидат во пораст, освен во вторник кога  ќе опаднат за неколку степени. /УХМР

Протест пред Собранието против Договорот со Грција

Пред Собранието на Македонија се одржува протест против Договорот за решавање на македонско-грчкиот спор за името и стратегиско партнерство. Протестот е организиран преку социјални мрежи.

Насобраните граѓани го блокираа булеварот „11 Октомври“ пред собраниската зграда, пред која е поставен полициски кордон.

Дел од учесниците во протестите фрлаат камења и факли кон полицискиот кордон. 

Тие укажуваат дека граѓаните се тие кои одлучуваат за својата и иднинатата на државата. 

Учесниците во протестот извикуваат пароли „Македонија, не го даваме името“ и пејат патриотски песни.

Шефовите на дипломатиите на Македонија и Грција, Никола Димитров и Никос Коѕијас денеска во Псарадес ги ставија своите потписи на договорот за решавање на македонско-грчкиот спор за името и стратегиско партнерство, во присуство на премиерите Зоран Заев и Алексис Ципрас.

На церемонијата присуствуваа високи претставници на ЕУ, на ОН и бројни новинари. Двајцата премиери меѓусебно се нарекоа пријатели, оценувајќи го потпишувањето на договорот како историски ден. /МИА

притисни ентер