Универзитетот Шефилд - најпосакуваното место за студирање!

Универзитетот Шефилд е прогласен за најдобро место за студирање според истражувањата на Times Higher Education, покажува анкетата спроведена за оценување на искуствата на студентите. Со примена на иновативни методи во предавањата и имплементација на теоријата во пракса, Универзитетот им овозможува на студентите практични знаења кои ќе ги подготват за успешно кариерно искачување и развивање на исклучителни академски, како и индивидуални вредности. Дипломираните студенти уживаат можности за вработување во сите земји низ Европа и целиот свет!
Прогласен за „Универзитет на годината 2011-2012" од Times Higher Education, Универзитетот Шефилд припаѓа на 1% од „Најдобрите универзитети во светот“. Како дел од својот професорски кадар има 5 добитници на Нобелова награда во различни полиња. Универзитетот Шефилд има 6 академски факултети; пет факултети се наоѓаат во Велика Британија, а СИТИ Колеџот е 6-тиот, Меѓународен факултет кој се наоѓа во Солун.

На СИТИ Колеџот се развиени четири академски одели: Бизнис, администрација и економија, Психологија, Компјутерски науки и Студии по Англиски јазик, преку кои се нудат повеќе од 25 различни програми за додипломски и постдипломски студии, постдипломски студии на извршно ниво (Executive MBA) и докторски студии.

„Академското истражување претставува основа на образовната филозофија и практика на СИТИ Колеџ. Меѓународниот факултет поттикнува и промовира врвни интердисциплинарни истражувања и иновации во соработка со индустријата, обезбедувајќи поддршка на секој од академските оддели. Со цел што поголема промоција на истражувањето и искористување на придобивките од истото, во склоп на СИТИ Колеџот основан е и Центарот за истражување на Југоисточна Европа (SEERC). Истражувачкиот центар врши значајни истражувања во повеќе од четири дисциплини во регионот на Југоисточна Европа (Бизнис, администрација и економија, Психологија, Компјутерски науки и Политички науки), кои директно ги подржуваат и развиваат програмите на Универзитетот. Центарот за истражување исто така спроведува и докторски студии од Универзитетот Шефилд, при што кандидатите имаат можност директно да бидат вклучени во значајни проекти финансирани од Европската Унија, што претставува дополнителен мотив за нив“, изјави д-р Никос Захарис, директор на Центарот за истражување на Југоисточна Европа. 

Во Република Македонија има повеќе од 850 дипломци од овој Универзитет, кои што можат да посведочат за врвниот квалитет и престижот што го нуди оваа високообразовна институција. Под академска надлежност на Универзитетот Шефилд и Меѓународниот факултет, СИТИ Колеџ, е Академијата за Менаџери во Скопје, која постои веќе 2 години и нуди доедукација на постдипломско ниво преку студиски програми од Универзитетот Шефилд. 

Гостивар и околината пет часа ќе бидат без вода за пиење

Корисниците приклучени на градскиот водовод во Гостивар денеска ќе имаат прекин во снабдувањето со вода за пиење.

Од ЈП „Комуналец" информираа дека прекинот е предвиден во перидот од 7:00 до 12:00 часот и при тоа нема да се испорачува вода до градот и околните населби кои се снабдуваат од градската водоводната мрежа.

Петчасовниот прекин е предвиден поради изведување приклучок на нова водоводна линија со пречник Ф-500 во близина на поранешната фабрика „Силика". 

Почнува издавањето на новите таблички со ознаката „NMK“

Од понеделник се очекува да започне издавањето на новите регистарски таблички за возилата со ознаката „NMK“.

Замената на старите регистарски таблички со новите ќе се врши постепено при регистрација на возилата.

Обврската за замена на табличките на кои е досегашната ознака МК со новата NMK произлегува од Договорот од Преспа со кој се реши спорот за името со Грција.

Од стапувањето во сила на Преспанскиот договор, досега се даваа бесплатни налепници со ознаката NMK на граничните премини при влез или излез на возилата од Република Северна Македонија. 

Истрага и притвор за лице осомничено за убиство на жена во Шуто Оризари

Во текот на вчерашниот ден, по вербална расправија и физичка пресметка на двајца братучеди во населбата Шуто Оризари, осомничениот со нож влегол во куќата на оштетните, со цел да го лиши од живот својот братучед.

Скопје, 15 јуни 2019 (МИА) –   Надлежен јавен обвинител од Основното јавно обвинителство Скопје донесе наредба за спроведување истражна постапка против едно лице заради постоење на основано сомневање дека сторил едно кривично дело убиство од член 123 став 1 и едно кривично дело убиство во обид, предвидено и казниво по член 123 став 1 во врска со член 19 од Кривичниот законик.

Удирајќи го со нож во пределот на градите и абдоменот му нанел две убодни рани. Со намера да ги раздвои, меѓу двајцата братучеди застанала сопругата на оштетениот при што осомничениот замавнал со ножот и и задал удар во пределот на срцето од кој удар кај оштетената настапила смрт.

-Имајќи ги предвид видот и тежината на кривичните дела што се ставаат на товар на осомничениот, како и тешките последици од настанот во кој без никаква вина во својот дом, мајка на малолетни деца го изгуби својот живот, надлежниот јавен обвинител до судијата на претходна постапка достави предлог за определување мерка притвор за осомничениот, се наведува во соопштението на обвинителството. /МИА

притисни ентер