Македонија ќе добие лабораторија за јонизирачко зрачење

На Факултетот за електротехника и информациски технологии - Скопје (ФЕИТ) наскоро ќе биде отворена лабораторија во која ќе се детектира храната која веќе била третирана со јонизирачко значење.
Мобилниот дел од лабораторијата веќе е набавен, а наскоро се очекува да пристигне и останатата опрема.

- Засега лабораторијата ќе се користи само за контрола што во Македонија како продукт влегува третирано со јонизирачко зрачење и каде се користи, односно дали од тие производи понатаму се прават нови производи во земјава, а во крајната фаза се размислува за воведување уред кој би ја зрачел храната и би го подобрувал нејзиниот квалитет, изјави проф. д-р Христина Спасевска, координаторот на проектот на паузата на Националната работилница чија цел е да се видат можностите за имплементација на технологии за јонизирачко зрачење за подобрување на квалитетот на материјалите и на храната во Македонија.

Планирано е лабораторијата да биде сертифицирана и акредитирана според стандардите во Република Македонија.

- Станува збор за комплексен проект во кој покрај ФЕИТ се вклучени и Биотехничкиот факултет од Битола, Дирекцијата за радијациона сигурност, Агенцијата за храна и ветеринарство и Државниот инспекторат за земјоделство, рече Спасевска.

Таа посочи дека јонизирачкото зрачење е технологија која е добро позната во светот и се користи четириесетина години  за подобрување на својствата на полимерите и на другите материјали.

- Последните 20 години јонизирачкото зрачење се користи и за стерилизација на опаковките кои се користат за пакување на производите, но и за подобрување на квалитетот на храната. Производите третирани со јонизирачко зрачење траат подолго, но европската легислатива не е целосно ускладена кога станува збор за користење на таква храна. Засега единствен производ третиран со јонизирачко значење кој може да биде користен во Европа се зачините и чаевите, прецизира Спасевска.

Ваквата технологија, посочи, не е задолжителна, но голем број на земји од Азија и Јужна Америка ја користат за да го подобрат квалитетот на нивните производи.

Ив Хенон, експертот на Меѓународната агенција за атомска енергија рече дека јонизирачкото значење има широка употреба ширум светот, но се уште не и во Македонија.

- Токму затоа сум тука кај вас за да помогнам да се зголеми интересот кај индустријата и истражувачките организации за оваа корисна технологија. Таа има многу примени, почнувајќи од подобрувањето на пластиката, па до заштита на храната за да се направи побезбедна, рече Хенон.

Тој посочи дека на работилницата ќе се расправа за разните можности што ги нуди јонизирачкото зрачење и за начинот на кој тоа може да се примени во блиска иднина во Македонија.

На работилницата се пристуни претставници од повеќе македонски компании, факултети и државни институции./МИА

Истрага и притвор за лице осомничено за убиство на жена во Шуто Оризари

Во текот на вчерашниот ден, по вербална расправија и физичка пресметка на двајца братучеди во населбата Шуто Оризари, осомничениот со нож влегол во куќата на оштетните, со цел да го лиши од живот својот братучед.

Скопје, 15 јуни 2019 (МИА) –   Надлежен јавен обвинител од Основното јавно обвинителство Скопје донесе наредба за спроведување истражна постапка против едно лице заради постоење на основано сомневање дека сторил едно кривично дело убиство од член 123 став 1 и едно кривично дело убиство во обид, предвидено и казниво по член 123 став 1 во врска со член 19 од Кривичниот законик.

Удирајќи го со нож во пределот на градите и абдоменот му нанел две убодни рани. Со намера да ги раздвои, меѓу двајцата братучеди застанала сопругата на оштетениот при што осомничениот замавнал со ножот и и задал удар во пределот на срцето од кој удар кај оштетената настапила смрт.

-Имајќи ги предвид видот и тежината на кривичните дела што се ставаат на товар на осомничениот, како и тешките последици од настанот во кој без никаква вина во својот дом, мајка на малолетни деца го изгуби својот живот, надлежниот јавен обвинител до судијата на претходна постапка достави предлог за определување мерка притвор за осомничениот, се наведува во соопштението на обвинителството. /МИА

Турската амбасадорка најави дека Ердоган ќе присуствува на свеченоста по повод реконструкцијата на Алипашината џамија во Охрид

Турската амбасадорка Тулин Еркал Кара денеска ја посети Алипашината џамија во Охрид, притоа најавувајќи дека претседателот на Турција Реџеп Таип Ердоган ќе допатува на свеченоста по повод промовирањето на реконструираниот објект.

Таа уште истакна дека се работи на усогласување на терминот со македонските власти за присуство на свеченото отворање на обновената џамија.

Алипашината џамија беше реконструирана и реновирана согласно одлука на Управата за заштита на културно-историското наследство, со финансиска поддршка на Република Турција.

– На претседателот Ердоган му беше сон реставрирањето на објектот. Република Туриција и Република Северна Македонија се братски држави. Турција преку агенцијата Тика и вакавското здружение има реновирано повеќе обејкти во Северна Македонија. Нашето пријателство е засекогаш и долгорочно, рече меѓу другото амбасадорот Кара.

Таа уште нагласи оти не гледа ништо спорно во реконтрукцијата, односно оти било испочитувано се што било договорено помеѓу двете држави во врска со реконструкцијата на верскиот објект. /МИА

Бирлајн: Очекувам мошне скоро Австрија да ја поздравува Северна Македонија како членка на ЕУ

Очекување дека многу скоро Австрија ќе ја поздравува Северна Македонија како членка на Европската унија изрази денеска австриската канцеларка Бригите Бирлајн на средбата со премиерот Зоран Заев во австриската област Вахау.

Бирлајн, како што соопшти владината прес-служба, го поздравила последниот позитивен извештај на Европската комисија за земјава и повторила дека нејзината земја и натаму ќе остане верен пријател и поддржувач на Северна Македонија.

Австриската канцеларка на премиерот Заев му честиташе за сите досегашни политички чекори кои ги презел и кои, како што рече, придонеле да нема никакви пречки за отпочнување преговорите со Унијата.

Заев и Бирлајн, како што соопшти владината прес-служба на денешната средба се согласиле дека Австрија е и еден од најголемите инвеститори во Северна Македонија, што претставува показател и за цврсто воспоставените економски односи меѓу двете земји.

Првата средба со новата канцеларка на Австрија Заев ја искористи да ја покани Бирлајн да ја посети Северна Македонија. /МИА

притисни ентер