Работилница за јонизирачко третирање на храната

Факултетот за електротехника и информациски технологии (ФЕИТ) денеска организира работилница на тема „Технологии за третирање на храната со јонизирачко зрачење“.


Работилницата се одржува во рамки на проектот МАК5007 - „Проценка и можности за имплементација на технологии за третирање на храната со јонизирачко зрачење во Република Македонија”, финансиран од Меѓународната агенција за атомска енергија (МААЕ) од Виена, Австрија.

Предавање на тема „Технологии за зрачење, нивна комерцијална примена и третирање на храната со јонизирачко зрачење“ ќе одржи Ивес Хенон, експерт кој преку 20 години работи во МААЕ.

Област му е стерилизација на медицински материјали. На јонизирачко зрачење е ангажиран од 1980 година, во Лабораторијата за третирање храна  при Француската комисија за атомска енергија, додека од 1987 работи за повеќе индустриски гиганти на изградба и раководење големи повеќенаменски постројки за јонизирачкото зрачење и медицинска стерилизација во Европа и Азија. Од 2006 Хенон како консултант е вклучен и во повеќе проекти од оваа област. 

Една недела жалост поради смртта на Анан

Претседателот на Гана, Нана Акуфо Адо од понеделник прогласи еднонеделна жалост по смртта на поранешниот Генерален секретар на Обединетите нации , Кофи Анан.

,, Тој во исклулителна мерка со својата положба , слава и однос во светот, придонесе за угледот на нашата земја.” , с енаведува во соопштението од претседателскиот кабинет. Знамињата ќе бидат на половина копје во целата држава.

Анан беше на чело на  Обединетите нации од 1997 до 2006 година , а за хуманитарната работа , заедно со ОН е добитник на Нобеловата награда во 2001.

Лидерите од целиот свет до семејството на Анан и до Обединетите нации упатија пораки со сочуство . 

Повредени полицајци во насилниот неонацистички марш во Берлин

Околу 500 неонацисти маршираа денеска по улиците на Берлин , на годишнината од смртта на нацистот Рудолф Хес.

Најмалку еден полицаец е повреден кога околу 500 активисти со извиците ,,Надвор нацисти !” се судрија со ист толкав број неонацисти , кои ја одбележуваа годишнината на нацистичкиот офицер и помошник на Хитлер.

Радикалните десничари , облечени во црвено и бело , носеа нацистички знамиња со кукаст крст.

Тие носеа трснспаренти со напис,, Не жалам за ништо”. Активистите ги гаѓале со шишиња и камења неонацистите , по што настанал хаос и морале да реагираат над 2400 полицајци.

Средба Меркел – Путин : Енергетиката е клучна за соработката на двете земји

Русија му дава големо значење на взаемно корисната соработка со Германија во областа на енергетиката , изјави претседателот Владимир Путин пред средбата со германската канцеларка Ангела Меркел.

Рускиот претседател Владимир Путин ја даде изјавата во замокот Мезенберг ,  резиденцијална палата на германската Влада , каде ќе се сретне со канцеларката Ангела Меркел.

Двајцата лидери разговараат во опуштена атмосфера на 70 километри од Берлин за тешки прашања. Русија е подготвена да соработува за решавање на проблемот со Украина рече Путин пред почетокот на средбата на која ќе се разговара и за состојбата во Сирија , како и за енергетиката и санкциите на земјите од ЕУ кон Русија.

притисни ентер