Обама во разговор со Путин – нема да го признаеме “референдумот” на Крим

По референдумот на Крим, американскиот претседател Барак Обама вчера телефонски разговараше со рускиот претседател Барак Обама, обвинувајќи го дека референдмот бил спроведен под притисок на руската армија и нема никогаш да биде признат од страна на САД или на меѓународната заедница.
- Претседателот подвлече дека руските постапки претставуваат кршење на украинскиот суверенитет и територијален интегритет, и дека, во координација со нашите европски партнери, сме подготвени да ја натераме Русија да плати дополнителна цена за своите постапки. Претседателот Обама истакна дека има јасен пат да се разреши кризат ана дипломатски начин, при што ќе се земат предвид интересите и на Русија и на украинскиот народ. Претседателот забележа дека украинската Влада продолжува а презема конкретни чекори кои ќе дозволат де-ескалирање на кризата, додека се подготвува за избори напролет и спроведува уставни реформи, и побара од Русија да го поддржи итното распоредување на меѓународни набљудувачи кои ќе помогнат да се спречат насилни дејства о било која група, пишува во соопштението на Белата куќа, во кое зборот референдум е ставен во наводници.

Досегашните телефонски разговори меѓу Обама и Путин, по почетокот на украинската криза, не придонесоа за повлекување на руските сили од Крим.

Претседателот Обама, во разговорот, ги преупредил Путин дека треба да запрат обидите на руската војска за навлегување на украинска територија и големите воени вежби блиску до границата со Украина.

Обама воедно рекол дека државниот секретар на САД Џон Кери е подготвен да работи со рускиот министер за надворешни работи Сергеј Лавров да најдат дипломатско решение на кризата./МИА


Царовска: Преку практична работа до квалитетен кадар

Министерството за труд и социјална политика денеска потпиша Меморандум за соработка со Филозофскиот факултет при Универзитетот „Св. Кирил и Метoдиј" во Скопје. 

Меморандумот со кој ќе се унапредува практичната работа на студентите го потпишаа министерката за труд и социјална политика, Мила Царовска и деканот на Филозофски факултет, Ратко Дуев.

– Практичната работа е неопходен дел од секој квалитетен образовен процес. Образовниот систем, во соработка со сите државни институции, приватниот и граѓанскиот сектор, треба целосно да ги подготви студентите за тоа што ги чека во реалноста. Ова е периодот кога треба да им помогнеме да созреат, да работат на својот личен и професионален развој. Само на овој начин можеме да очекуваме вистински квалитетен кадар, подготвен за сите предизвици надвор од академската клупа, изјави министерката за труд и социјална политика, Мила Царовска.

Двете институции ќе соработуваат во повеќе области на социјалната политика, детската и семејна заштита, работните односи, образовна вклученост, специјална едукација и родова еднаквост, како и во однос на активности против дискриминација, овозможување еднакви можности и помагање на процесот на европска интеграција. Ќе се спроведат повеќе активности, меѓу кои заеднички научни истражувања, организирање и спроведување на обуки, тркалезни маси, дебати, конференции и слично.

Во рамки на оваа соработка Министерството за труд и социјална политика ќе обезбеди практична работа на студентите од Филозофскиот факултет, стручно менторство за време на практичната работа и пристап до податоците потребни за научно-истражувачката дејност на Филозофскиот факултет при Универзитет „Св. Кирил и Метoдиј" Скопје. /МИА

Мицотакис: Ќе гласаме против Договорот од Преспа и ќе се бориме да не се ратификува

Нова демократија останува на позицијата дека нема да гласа за Договорот од Преспа и ќе се бори за да не се ратификува.

Овој став уште еднаш го повтори лидерот на најголемата грчка опозициска партија, Киријакос Мицотакис, говорејќи за време на промоцијата на новата книга на потпретседателот на Нова демократија, Костис Хаѕидакис, јави дописничката на МИА од Атина.

Мицотакис рече дека тие уште од прв момент изразиле несогласување и приговори за Договорот.

-Рековме дека не можеме, во никој случај да прифатиме договор кој на соседната земја и отстапува македонски јазик и македонска националност. Се плашам дека апсолутно беше оправдана оваа наша критика и остануваме строго посветени на оваа наша позиција. Ќе гласаме против Договорот од Преспа, кога и да дојде во грчкиот Парламент и ќе се бориме за овој договор да не се ратификува, објасни Мицотакис.

Лидерот на Нова демократија, рече дека со Договорот од Преспа, Ципрас и Каменос го дале она што ниту една друга влада на Нова демократија не го одобрила- македонски јазик и македонска националност.

-Денес само господинот Заев има секаква причина да го промовира и да слави за овој договор, бидејќи успеа и доби нешто што ниту една претходна влада не му даде. Едноставно кажано, господинот Ципрас и господинот Каменос, не сакам да го заборавиме него, рекоа „да", таму каде што Константинос Мицотакис, Костас Караманлис и Андонис Самарас рекоа „не". И рекоа „не" поради една многу добра причина. Поради многу конкретна причина. Бидејќи ги гледаа екстензиите што можеше да ги создаде во нашата земја јасното прифаќање на македонски јазик и македонска националност. Ние имаме многу јасен став. За овој став не може да се преговара и со овој став ќе дојдеме во парламентот кога ќе стигне за ратификација договорот, истакна Мицотакис за време на синоќешната презентација на книгата на неговиот потпретседател и сопартиец, Костис Хаѕидакис, пренесе МИА. /МИА

РСБСП: „НЕ" за мобилен телефон додека управувате возило

 Кога возите оставете го мобилниот телефон настрана. Без изговори и без оправдувања. Животот и здравјето, но и безбедноста – нека ви бидат секогаш на прво место, апелира Републички совет за безбедност на сообраќајот на патиштата (РСБСП).

Како причина за одвлеченото внимание на возачот, мобилниот телефон учествува со 20 до 25 отсто од сите сообраќајни незгоди. Со развојот на технологијата, во наредните години, се очекува овој проблем дополнително да се зголемува.

-И покрај црната статистика, на светско ниво, 45 проценти од возачите го користат мобилниот телефон додека возат, а според истражувањата на РСБСП, во Република Македонија, 63 отсто од возачите користеле мобилен телефон додека возат. Универзитетска студија во САД, проценува дека употребата на мобилни телефони за време на возењето, резултира со околу 2.600 смртни случаи и 330.000 сериозни повреди годишно, а пак истражувањата на СЗО покажуваат дека употребата на мобилен телефон ја зголемува опасноста од сообраќајна незгода за четири до девет пати, укажува Советот.

Воедбо додава дека пишувањето смс порака зад волан е еднакво на возење со затворени очи цели шест секунди за кои возило со брзина од 60 километри на час поминува 100 метри.

-Употребата на мобилен телефон додека се управува моторно возило е ризично, опасно, но и спротивно на Законот за безбедност на сообраќајот на патиштата. Возач кој зборува или пишува на мобилен телефон додека вози, се санкционира со 40 евра во денарска противвредност или со регистрирање 25 негативни бода во возачката книшка. Но, и покрај тоа, голем број возачи користат мобилен телефон додека управуваат возило и на тој начин го прекршуваат Законот и ја загрозуваат безбедноста во сообраќајот, информира РСБСП. 

притисни ентер