Градоначалникот Чадиев даде отчет за сработеното во 2013 година

Градоначалникот на Општина Велес Славчо Чадиев даде отчет за сработеното во 2013 година.
Чадиев потенцираше дека е задоволен од темпото на реализација на предвидените активности и оти се обидува сето она што им го ветил на граѓаните во предизборниот период да го сработи за време на неговиот мандат.

Тој информира дека локалната власт со поддршка од централната власт има реализирано над 120 проекти. Како позначајни реализирани проекти, посочи, се: отворањето на производствениот погон на германската компанија „Маркарт“, формирањето на индустриските зона во „Караслари“ и „Речани 2“, реконструкцијата на училишните згради на гимназијата и ООУ „Кирил и Меториј“, новиот објект на Технолошко-техничкиот факултет, реконструкцијата на повеќе топловодни системи во неколку училишта, изградбата на пешачкиот мост над битолската пруга, асфалтирањето, бетонирањето, поплочувањето на поголем број на улици и патишта во градот и во руралните места. Ги спомена и поставувањето урбана опрема, соработката со невладините организации, бројните гостувања на видни личности во Велес, како и посетите на градоначалникот надвор од општината.

Според него, неизбежен дел се и реализираните културни манифестации со кои велешани се гордеат години наназад.

Чадиев потенцира дека овој начин на работа ќе го задржи во иднина и на крајот од неговата втора година како градоначалник пред велешани во март ќе го презентира вториот отчет со реализираното.

- Проектите кои досега се реализирани се ветени пред велешани и најголем дел се проекти кои се веќе изгласани во програмите за работа, за мене има доста проекти кои се значајни, но сепак акцентот го ставам за донесениот план за Топилницата и она што успеавме да го постигнеме во индустриската зона Караслари, потенцираше Чадиев. /Извор: МИА/

Министерот Никола Димитров се сретна со Генералниот секретар на ОН, Антонио Гутереш

Министерот за надворешни работи, Никола Димитров, денес во Њујорк, оствари средба со Генералниот секретар на ООН, Антонио Гутереш.

Според соопштението на МНР ,на средбата се разговарало за последните случувања од разговорите за надминување на разликата околу името што се одвиваат под покровителство на ООН.

МИнистетот Димитров изјави : „Со визија и лидерство на двете страни имаме историска шанса да затвориме еден повеќедецениски, историски спор”.

Димитров, во седиштето на ООН во Њујорк имаше средба и со Розмари А. Дикарло, Потсекретар за политички прашања во ОН, на која беше реафирмирана посветеноста на Република Македонија кон европските и евро-атлантските интеграции.  

„Созревањето на Република Македонија и решителноста за градење европска демократија е вистинска шанса за демократски пробив во Европа.”, рече Димитров по средбата. 

Загинати и повредени во силна експлозија во склад за пиротехника (ВИДЕО)

Најмалку едно лице загина и уште 27 се повредени во силна експлозија во склад за пиротехника во Шпанија.

Експлозијата настанала во илегален склад за пиротехника на северзапад на земјата , во близина на градот Туи. Полицијата соопштува дека експлозијата била толку силна што се искршиле прозорците на сите објекти во радиус од три километри.

На терен се бројни спасувачки служби , кои бараат преживеани во урнатините. Градобначалникјот на Туи , Васкез Падин изјави дека складот се наоѓал во куќа , која е целосно разорена.

Судот му забрани на Трамп да блокира на Твитер

Американскиот претседател Доналд Трамп веќе нема да смее да ги блокира корисниците на Твитер.

Федералниот судија во Њујорк , Наоми Рејс Бучвалд донесе одлука Американскиот претседател Доналд Трамп да не смее веќе да ги блокира корисниците на социјалната мрежа Твитер.

Според одлуката на судијката со таквиот потег Трамп го загрозува нивното право на слобода на говор , пропишано во Првиот амандман од Уставот на САД. Одлуката е донесена како резултат на тужбата , која во јули минатата година против Трамп ја поднесе Институтот на Универзитетот Колумбија , кој се занимава со проучување на примената на Првиот амандман на Уставот на САД .

На Институтот во тужбата му се приклулија и неколку корисници на Твитер , кои биле блокирани од претседателот Трамп по коментарите што ги објавиле на неговите објави.

притисни ентер