Беспилотните летала од Вашингтон пристигнаа во Македонија

Беспилотните летала долетаа од зад Атлантикот, но Македонија во спротивен правец кон Вашингтон се уште не го испратила военото аташе да го пополни значајното дипломатско место кое е празно. Празни позиции на воено аташе има и во Лондон и во Париз, а се уште не е потврдена ниту номинацијата за нов претставник на АРМ во седиштето на НАТО во Брисел. АРМ денеска доби уште една донација од Америка.
Може да летаат до 5 илјади метри, најдобро снимаат од 150 метри, бесшумни се и тешки помалку од 2 килограми- ова се параметрите на новите беспилотни летала кои Првата моторизирана бригада на АРМ ги доби во рамките на новата американска воена донација. Со нив ќе се снимаат непријателски позиции од воздух за полесно планирање на акции како и за полесно вклопување во комуникациските системи со системите на сојузниците на АРМ. И додека беспилотните авиончиња го прелетаа Атлантикот, се уште во спротивен правец не полетал офицерот кој треба да го завземе испразнетото место на военото аташе во амбасадата во Вашингтон. Празни се речиси сите позиции воен аташе кои АРМ ги има во неколку престолнини, нема аташе ниту во Лондон ниту во Париз, а воениот претставник на АРМ во НАТО по истечениот мандат чека да се врати во Скопје, но неговата замена уште не го добила потребниот параф. Министерот Џафери вели дека предлозите ги пратил пред неколку месеци во кабинетот на Претседателот и чека одговор оттаму.

Америка е еден од најголемите донатори на воена опрема за АРМ, досега донирале над 100 милиони долари, а оваа година 6 милиони долари меѓу кои и спомнатиот комплет на беспилотни летала кој вреди околу 1 милион од американската валута. Според министерот и амбасадорот на САД донациите го покажуваат сојузништвото на двете држави.

Опремата ќе се користи за комуникациско поврзување на АРМ со сојузничките армии за извршување на заеднички мисии. Покрај тоа АРМ доби и автоматско оружје, тоа пак му беше најинтересно на министерот кој не пропушти шанса да фати американски автомат в рака.

Исчезната 56-годишна жена од Кривопаланечко

Исчезната е 56-годишна жена, жител на селото Мождивњак, Кривопаланечко. 

Случајот го пријавила во полиција  нејзината снаа во текот на вчерашниот ден, информираат од Секторот за внатрешни работи Куманово.

– Во Полициската станица денеска во 20:20 часот од општа надлежност, Крива Паланка, 52-годишната Л.М. од сели Мождивњак, Кривопаланечко, пријавила дека од семејната куќа се оддалечила нејзината золва Г.С., на возраст од 56 години, информира Живкица Чавдаревиќ, портпарол на СВР Куманово.

Според досегашните сознанија на полицијата, лицето и претходно се оддалечувало и се враќало во домот. 

Се преземаат мерки за пронаоѓање на лицето.

СДСМ: Стравот од дебакл во втор круг кај ВМРО-ДПМНЕ е голем колку и нивните лаги

Стравот на ВМРО-ДПМНЕ од дебакл во вториот круг е голем колку и нивните лаги, реагираат од СДСМ на прес конференцијата на Наум Стоилковски од ВМРО-ДПМНЕ.

ВМРО-ДПМНЕ, партијата симбол за криминали, одговорна за најголемиот скандал за прислушување на граѓаните и упад во приватноста лажно обвинува.

СДСМ јавно ги демантираше лагите дека постои апликација која собира податоци, лични информации, видеа, фотографии или активност на интернет од граѓаните и ги повика сите институции да го потврдат тоа.Дирекција за заштита на лични податоци веќе направи инспекциски надзор и очекуваме за тоа да ја информира јавноста.

Предупредивме дека ВМРО-ДПМНЕ, Мицкоски и тимот на Сиљановска треба да знаат дека лажното пријавување е кривично дело.

Бидејќи лагите на ВМРО-ДПМНЕ продолжуваат, СДСМ најавува соодветни пријави пред надлежните правосудни органи.

Вистината е најсилен демант на лажните вести на ВМРО-ДПМНЕ.

Најмалку 23 лица загинаа во страшните поплави во ЈАР (ВИДЕО)

Најмалку 23 лица загинаа во големите поплави и свлечиштата во Јужноафриканската Република.

Силните дождови предизвикаа поплави и свлечишта во градот Дурбан и околината , на источниот брег на ЈАР.

,, Минатата ноќ се влоши метеоролошката сотојба во неколку покраини , каде се смета дека загинале најмалку 23 лица. “, изјави министерот на покраината КваЗулу- Натал, каде Дурбан е главен град.

Најмалку 32 лица се хоспитализирани , а не е познат бројот на исчезнатите. Во најпогодените делови се испратени војници на помош на спасувачките служби.

притисни ентер