Пуштен во употреба патот М6 до езерото Мантово

Претседателот на Владата на Република Македонија Никола Груевски, директорот на Јавното претпријатие за државни патишта Љупчо Георгиевски и градоначалникот на општина Штип Илчо Захариев денеска го пуштија во употреба новиот пат од клучката кај Неготино од 20-от километар до езерото Мантово.

Изградбата на овој пат, како што истакна Груевски, години наназад е главно барање на Штип и Конче, со цел овие две општини да се поврзат.
- Издвоивме околу 23,6 милиони денари и патот во должина од околу 4,5 километри денес е асфалтиран и функционален. Првпат во својата историја лакавичкиот регион има асфалтиран и нормален пат, како што личи и каков што заслужуваат граѓаните. Позитивните ефекти од патот луѓето веќе ги осетија. Комуникацијата е многу подобра, безбедноста во сообраќајот е многу поголема, можноста за оштетување на возилата е сведена на минимум. Жителите на општина Конче кои патуваат кон Штип и Скопје преку овој пат скратуваат околу 25 километри, нагласи Груевски.

Новиот пат, според него, значи нови можности за развој и заживување на селата, развој на земјоделството и сточарството, враќање на младите и подобрување на условите за живот во руралните делови.

Тој истакна дека до крајот на 2013 година Владата и ЈП за државни патишта ќе изградат 134 километри регионални и магистрални патишта, а нивната вредност е околу 1.085 милијарда денари.

Директорот на ЈП за Државни патишта Георгиевски информира дека вредноста на изградените локални патишта во земјава е 13,5 милиони евра.
- Со владините активности за помагање на сите општини за изградба на локалната патна мрежа, од 2009 до крајот на оваа 2013 година ќе бидат изградени 590 километри локални патишта во вредност од околу 45,5 милиони евра. Ваквата поддршка продолжува и во 2014 и 2015 година кога ќе бидат изградени уште 100 локални патишта со должина од околу 200 километри и инвестиција од 20 милиони евра, нагласи Георгиевски.
Со цел да се подобри состојбата на локалните патишта на општина Штип и беа распределени 1.364 милион евра од заемот кој Владата го зема од Светска банка и Европската банка за обнова и развој.

- Од овие средства досега се завршени локалниот пат за село Шашаварлија со должина од 5,65 километри, локален пат М6 -Мантово со должина од 4,5 километри, локален пат Штип – село Љуботен со крак 1 и 2 со должина од 1,83 километри, рече Георгиевски.

До крајот на 2013 и почетокот на 2014 година, очекува да се заврши локалниот пат за штипското село Сарчиево со должина од 1,7 километри, а преостанатите неискористени средства кои изнесуваат 200 илјади евра ќе бидат наменети за локалниот пат до селото Пухче во должина од 4,5 километри. Градбата би се реализирала во втората половина на 2014 година.

- ЈП за државни патишта веќе има порачано проект за нов магистрален пат од Штип до Радовиш со должина од 30 километри и широчина од 11,5 метри. За овој проект се обезбедени 116 милиони денари буџетски средства. Крајниот рок за завршување на проектот е август 2014 година, по што би се отпочнале активности за изградба. Веќе е отпочнато со реализација на осветлување на клучката Штип каде што ќе се постават 130 канделабри, а рокот на завршување е крајот на јануари 2014 година, истакна Георгиевски, нагласувајќи дека во почетокот на идната година ќе се отпочне со градба на автопатот Скопје – Миладиновци – Свети Николе – Штип во должина од 47 километри.

Градоначалникот на Штип Илчо Захариев рече дека со пуштањето на локалниот пат М6 – Мантово почнува заживувањето на овој регион, а на граѓаните им се овозможува комуникација и пристап до најблиското езеро.

Захариев вели дека во Лакавичкиот регион ќе следат низа инвестиции со цел повторно да заживее, но и оние што се иселиле од селата повторно да се вратат во нив и да почнат со обработка на земјиштето. 

Е-Tinex – новата интернет продавница на Тинекс

Ланецот на супермаркети Тинекс од 17ти декември ја отвори својата прва електронска продавница E-Tinex.

Електронската продавница E-Tinex претставува најсовремена онлајн продавница за малопродажба во Македонија, со широка понуда на производи достапни за купување од дома или било која друга локација.

E-Tinex продавницата располага со асортиман од 6000 производи поделени во 22 групи кои опфаќаат различни категории на производи како основни производи, овошје и зеленчук, месо и сувомеснати производи, млечни производи, готови јадења, средства за хигиена и чистење, прозиводи за домот и др.  Дополнително, електронската продавница им овозможува на членовите на Мој Тинекс програмата за лојалност да собираат и користат поени и при секое онлајн пазарење, преку поврзување на нивната поен+ картичка со корисничкиот профил.

Засега, доставата на производи ќе се врши само на територија на Скопје, но од компанијата Тинекс најавуваат дека постои можност за проширување на дистрибутивната мрежа во иднина, во зависност од побарувачката и интересот на нивните купувачи од останатите градови.

Со отворањето на електронската продавница, Тинекс ја заокружи успешната година во која оствари повеќе значајни достигнувања и проекти како отворањето на сопствен логистички центар во индустриската зона Чојлија, започнувањето на Мој Тинекс клуб програмата за лојалност и отворањето на новиот трговски центар Лиса во населба Ново Лисиче.

“Нашата компанија постои веќе 24 години и е фокусирана кон континуирано унапредување на своето работење, со цел оддржување и зајакнување на односите со своите потрошувачи. Да се задржи лидерската позиција сите овие години за нас претставува предизвик, но и мотивација, која не поттикнува постојано да превземаме нови чекори со кои ќе одговориме на потребите на пазарот и ќе го осигураме своето место на врвот. Свеста на потрошувачите за електронското пазарење во нашата земја е во подем и сметаме дека со нашата електронска продавница ќе може да допринесеме кон развој и приближување на нашиот пазар кон светските трендови во малопродажбата. Преку отворањето на наша електронска продавница направивме уште еден чекор напред кон модернизирање на купувачките навики во Македонија.“- изјави Цветанка Христовска, бренд директор на Тинекс.

Пратениците на унгарската опозиција избркани од државната телевизија

Припадниците на обезбедувањето исфрлиле двајца независни пратеници од зградата на унгарската државна телевизија откако се обиделе да прочитаат петиција.

Тие петицијата се обиделе да ја прочитаат ден откако полицијата употребила солзавец на демонстрантите во Будимпешта, пишува „РСЕ“.

Двајцата пратеници биле меѓу десетината членови на парламентот кои ноќта ја поминале во зградата на телевизијата во рамките на демонстрациите против политиката на премиерот Виктор Орбан.

Во петицијата се наведени барањата за вчерашниот протест, меѓу кои и повикот за повлекување на новиот закон за работа, независност на јавните медиуми и судови и приклучување на Унгарија на канцеларијата за обвинителство на ЕУ.

На интернет се емитирани снимките на кои припадниците на обезбедувањето ги туркаат двајцата пратеници и ги истиснуваат надвор од зградата. Останатите пратеници го продолжуваат протестот во зградата на телевизијата.

Во недела околу 10.000 демонстранти учествуваа во протестот под името „Среќен Божиќ, господине премиере“. Тоа беше четврт и досега најголем собир во последните седум дена против, како што изјавуваат демонстрантите, се поизразената авторитативна власт на Орбан.

Протестниот марш помина мирно се додека полицијата не употреби солзавец пред зграда на телевизијата.

Гутереш: Преспанскиот договор е пример за мирно решавање спорови

Договорот од Преспа меѓу Грција и Македонија е пример за мирно решавање на транснационалните спорови, истакна генералниот секретар на ОН Антонио Гутереш во обраќањето на 18. Меѓународен форум во Доха.

-Договорот меѓу Атина и Скопје е успешен пример за транснационалните напори за затворање на спорни прашања. Договорот ќе има биде од корист за целиот балкански регион, рече Гутереш.

Тој повика на засилување на напорите на меѓународната заедница за решавање и на другите отворени прашања во светот кои предизвикуваат тензии.

– Во ера на хаос и конфузија гледаме голема надеж за успешно решавање на разликите и споровите како што беа меѓу Грција и Македонија за прашањето за името. Тоа не потсетува и ни покажува дека кога работиме заедно можеме да постигнеме големи работи во корист на нашите народи, порача генералниот секретра на ОН, Антонио Гутереш.

притисни ентер