Македонија

Трета национална симулација „Модел Eвропски парламент“

Кога зборуваме за евроинтеграциите не значи Македонија да ја однесеме во Брисел, туку да го донесеме Брисел и сите европски главни градови во Скопје и да ги спроведуваме европските придобивки и политики кај нас. Симулациите како денешнава се одлична можност Европа да ја доведеме во Македонија.

Ова го порача вицепремиерот задолжен за европски прашања Фатмир Бесими во обраќањето на симулацијата „Модел Eвропски парламент“ што ја организира Меѓународното училиште НОВА, со поддршка од Секретаријатот за европски прашања во рамки на иницијативата „Младите за Европа“.

На третата Национална сесија на „Модел Европски парламент“ во симулацијата на работата на Европскиот парламент учествуваат околу 80 ученици од 21 среднo училиштe на Република Македонија. Тие играат улога на парлементарци на држави членки на Европската унија на сесија на Европскиот парламент каде симулираат дијалог и носење резолуции.

- Младоста е најважниот ресурс за развојот, а образованието е клучно за изградбата на капацитетите на државата. Симулацијата како Европа работи во иднина ќе ви овозможи да бидете покреативни, да ги промовирате вредностите на демократијата и ги согледате различностите, рече Бесими.

Тој посочи дека нема сомнеж оти нашата иднина ќе биде европска.

Виктор Новаковски од НОВА им рече на учесниците дека веќе три дена се делегати на Европскиот парламент што, како што нагласи, е најдобар начин да научат и согледаат што се случува таму.

- Оставете мала шанса дека можеби токму оваа симулација ќе биде школата на вашиот живот. Можеби не за сите но за пет отсто од вас тоа ќе биде сигурно и ќе ви го одреди идниот пат, им парача Новаковски.

Најдобрите пет делегати од национална симулација ќе имаат можност да учествуваат во Интернационалната сесија на Модел Европски Парламент во Вилниус, Литванија од 30 ноември до 7 декември, како и да поминат еден работен ден во Секретаријатот за европски прашања со вицепремиерот Бесими.

Македонија

„Македонија одлучува“ – отворено студио на Канал 5

Во отвореното студио на Канал 5 , гости на Александар Видиновски се Драган Павловиќ Латас и Љупчо Зиков.

Павловиќ- Латас во гостувањето рече дека разликата меѓу двајцата први кандидати ќе биде меѓу 80 и 100.000 гласа, според информации што ги имал од голем аналитички центар.

Зиков рече дека големата излезност е пред сѐ поради големиот број на кандидатите, а како императивот личат на парламентарни на прашањето дали тоа значи дека има опозициско расположение.

Македонија

Џафери: Гласот на граѓаните ќе го потврди европскиот пат на државата

Претседателот на Владата, Талат Џафери, утрово во родното Форино го оствари своето гласачко право на денешните претседателски избори.

Во изјавата дадена за медиумите по гласањето, премиерот Џафери посака мирен изборен ден во кој граѓаните ќе ја искажат својата сопствена волја, а должност на државните институции е тоа да го овозможат.

Премиерот порача дека, овие избори се од голема важност бидејќи од нив зависи во кој правец ќе се движи државата.

„Во овие три децении од самостојноста на државата, основна определба е дека земјата и граѓаните претендираат членство во ЕУ и ние сме должни тоа да го обезбедиме. Секако, граѓаните преку својата волја, со гласање тоа ќе го потврдат. Имајќи ги предвид глобалните состојби, но и состојбите во регионот, сметам дека мнозинството граѓани тоа ќе го искажат и низ процесот на гласање", изјави претседателот на Владата, Џафери, соопштуваат од Владата.

Македонија

Претседателот на ДУИ Али Ахмети гласаше во Зајас

Претседателот на ДУИ, Али Ахмети денеска гласаше во селото Зајас во општина Кичево.

Тој ги охрабри граѓаните да излезат на гласање во што поголем број и да го изразат својот став заради остварување на своето демократско право.

Денес, во мојот Зајас, го искористив демократското право на глас за да оставам трагови на својот придонес во трасирање на европската иднина.

Со нашиот глас ја имаме историската шанса еднаш засекогаш да ја запечатиме нашата евро-американска ориентација, да кажеме НЕ на Русија, ДА на Европа!

Затоа, Ве повикувам сите да гласате за големата победа на нашата европска кауза!

Посакувам успешен изборен процес, во целосно демократски и европски дух!

Изјавата на претседателот на ДУИ, Ахмети:

„Пред се, се надевам дека овие избори ќе бидат по сите европски стандарди, ние како држава сме во под будно око на земјите од Европската Унија, затоа што еден од најнеопходните стандарди што мора да се исполни е организирање на изборите и под какви стандарди. Посакувам процесот да помине добро, за што сите политички партии се заангажираа за фер, и чесен процес. Посакувам сиот овој апел, практично да дојде до израз и вечерта на 24 април, да имаме фер, слободни и демократски избори, а нека победи тој што ги убедил граѓаните преку платфрома, со својата програма и остварувањата што ќе ги направи во мандатот што ќе го добие.

притисни ентер