Нападнат полицаец во струшко

Полициски службеник во Граничната полиција е повреден вчера околу 17 часот при вршење на службената должност во близина на струшкото селото Шум, информира СВР Охрид.

Граничната полициска патрола поставена кај струшкото село Вишни, при контрола констатирала дека во трактор во кој имало две лица од Велешта и едно лице албански државјанин, нелегално се превезуваат шест метри кубни огревно буково дрво односно транспортот се вршел без соодветна доку- ментација. Патролата констатирала дека немало прописно поставен жиг на огревното дрво и оти тракторот сообраќал без регистарски таблици.

- Поради тоа, патролниот тим на граничната полиција со еден полициски службеник во тракторската кабина и полициско возило како придружба го упатил тракторот кон полициската станица во селото Франгово каде требало да се преземат понатамошни мерки. Во близина на селото Заграчани, тракторот бил блокиран од патничко моторно возило марка „Волксфаген-голф“ без регистарски таблици од кое излегле две лица од селото Велешта. Тие упатиле вербални напади и закани кон полицискиот службеник по што едниот од нив го истуркал возачот на тракторот и со возење се упатил кон селото Шум. Во тоа бил спречен од полицискиот службеник кој го запрел тракторот, појасни портапролот на СВР Охрид Стефан Димоски.

Тој додаде оти на местото на инцидентот пристигнале повеќе други лица кои веднаш физички го нападнале полицискиот службеник додека дел од нив го спречиле вториот полициски службеник да преземе службени мерки за одвраќање на нападот. Групата го одзела тракторот и побегнале кон селото Шум.

Според информациите од СВР Охрид, полицискиот тим на граничната полиција приведе едно лице жител на селото Велешта, а во тек се мерки за пронаоѓање на неколку други лица, од кои едно е албански државјанин. Кај нападнатиот припадник на граничната полиција се констатирани лесни повреди на главата, вратот и левото рамо. /MИА

Во Виетнам обвинети седум лица за „камионот на смртта“

Во Виетнам се обвинети 7 лица во врска со смртта на 39 виетнамски мигранти чии тела беа пронајдени во камион во близина на Лондон во октомври.

Официјалната Виетнамска новинска агенција соопшти дека осомничените се обвинети за организирање и посредување во илегална емиграција.

Истрагата покажала дека обвинетите помогнале во тоа 67 луѓе легално да патуваат во европските земји заради работа.

Виетнамската полиција исто така ја повика владата да побара помош од Интерпол во издавање на меѓународна потерница за апсење на еден од осомничените кој живее во Кина, јавува новинската агенција.

Телата на 39 луѓе пронајдени се на 23 октомври минатата година во англискиот град Грејис, источно од Лондон.

Полицијата соопшти дека жртвите биле од Виетнам, на старост помеѓу 15 и 44 години.

Се верува дека жртвите, 31 маж и 8 жени, им платиле на криумчарите за илегално префрлање во Англија.

Полицијата соопшти дека мигрантите умреле од комбинација на недостаток на кислород и прегревање во затворен простор.

Неколку луѓе се обвинети и во Велика Британија за убиство или помагање во илегална имиграција.

„Камионот на смртта“, во кој се пронајдени 39 мртви на југот на Англија, предизвика огромно внимание во светската јавност во октомври минатата година.

Индонезиски студенти настрадаа во поплава на островот Јава

Најмалку шест мртви и шест исчезнат, тоа е билансот од ненадејното надоаѓање на вода од реката Семпор во провинцијата Јагјакарта, на индонезискиот остров Јава.

Ова го соопштија надлежните служби за борба против последици од елементарни непогоди во Индонезија.

Група од околу 250 студенти шетала на брегот на реката кога ги однела надојдената вода, пренесе „Ројтерс“.

„Оваа група студенти била во извидничка вежба по брегот на реката Симпор, немало никакви врнежи, но кога се приближиле до речното корито се појавил огромен бран на плима“, рекол претставникот од службата за борба против последиците од елементарни непогоди Агуса Вибовоа, пренесе „Ројтерс“.

Во извештајот на „АП“, меѓутоа се наведува дека билансон од несреќата на Јава е дури 10 загинати и повеќе повредени студенти.

Властите соопштија дека се спроведува заедничка спасувачка акција од страна на полицијата, службата за спасување и војската.

ВМРО-ДПМНЕ: Обвинителството се уште ги штити Зоран и Вице Заеви

ВМРО-ДПМНЕ објави факти на денот.

Факти на денот:

  1. Обвинителството и Судот молчат, не го повикуваат Зоран и Вице Заев на распит.
  2. Зоран Заев и Вице Заев молчат за што разговарале со Јанева и Милески.
  3. Безбедноста и животите на полицајците под ризик, Славјанка Петровска директно брифира по медиуми за акција на МВР.
  4. СДСМ и Заев го раскрчмуваат водниот фонд на државата, продажбата на Тиквешко езеро ќе донесе милиони за луѓе блиски на Заев.
  5. Шекеринска платила 150% повисока сума за механизација и проневериле над 250.000 евра.
  6. Македонија на 3-то место во светот по стапката на невработеност на млади од 15 до 24 години, според „ Економист“.

Центар за комуникации на ВМРО-ДПМНЕ

притисни ентер