Врачување на државната награда „11 Октомври”

Во Собранието на Република Македонија денеска ќе биде врачена државната награда „11 Октомври“ за животно дело за 2013 година, за остварувања во областа на науката и образованието, културата и уметноста, новинарството и публицистиката.

Државната награда „11 Октомври“ за животно дело во областа на науката и образованието ќе му биде врачена на проф. д-р Срѓан Керим, економист и дипломат, а за животно дело во областа на културата и уметноста ќе му биде доделена на проф. м-р Решат Амети, ликовен уметник.

Драгослав Аргировски, новинар и публицист, ќе ја добие највисоката награда за животно дело во областа на новинарството и публицистиката. /МИА/

„Само Вистина“ вечерва со Радмила Шекеринска

Во вечерашната „Само Вистина“ ќе гостува Радмила Шекеринска.

Почитувани гледачи, црвени, жолти, зелени и сини, се „ситни“ и последната седмица од предизборието, влегува ли кампањата во политичка „хистерија“ или во „пајтонизам“?

Колкава е „длабочината“ а колкава „ширината“ на македонските политичари и која е „црвената“ линија за да се седне на Илинденска, вечерва во Само Вистина ќе гостува Радмила Шекеринска од СДСМ носител на листа во петтата изборна единица.

Обновата започна пред три години кога падна "режимот" или ќе започне со „федерализација“ на државата?

Летечки циркуз или „мнозинско“ малцинство, на СДСМ или на ВМРО-ДПМНЕ, кому ДУИ му „продава“ перфидна политика?

Дебата за промена на знаме, химна и грб, 91-ва или 2001-ва кога Македонија стана независна држава?

Шекеринска ја потсети опозицијата да не заборави дека Македонија годинава ги отвара првите поглавја од преговорите со ЕУ, но има ли одговор кога ќе бидат затворени?

Парите железни врати отвораат и затвораат, уште колку корона-удари може да издржи нашата економија?

Враќање во „национализам“ или во „романтизам“, или но кој има „храброст“ да ја зборува вистината пред граѓаните, вечерва во Само Вистина со Радмила Шекеринска, каде ако не, на Канал 5 Телевизија.

Богојески: Нема разлика помеѓу Заев и Мицкоски

Нема разлика помеѓу Заев и Мицкоски,освен што Мицкоски е најдобриот лидер на опозиција, но само за Заев, а не и за Македонија.

Изминативе 30 години се изнаслушавме безброј лажни ветувања од левичарите и десничарите, а ветувањата се потполно исти. Лидерите на двата политички блока СДСМ и ДПМНЕ упорно ја залажуваат јавноста дека Заев ќе донесе правда и ќе го врател Груевски, додека пак Мицкоски ќе го реши Заев. Слушнавме ветувања за правда, за подобар живот, за повисоки плати, за подобра социо-економска положба, за казнивост на политичарите, политичка одговорност, но не добивме ништо.

“Можам само да констатирам дека нема разлика помеѓу господин Заев и господин Мицкоски, со една забелешка дека Мицкоски е најдобриот лидер на опозиција, но само за Заев, а не и за Македонија!

Сите ние сакаме промена на власта во Македонија, но тоа нема да се случи ако гласате за Мицкоски и нема да биде симната елитата која 30 година го прави истиот со нашата држава.

Тие лица околу Мицкоски не се борат за доброто на граѓаните и државата, туку само за лична слобода, лични интереси и кариери! Изминативе години со случувањата во државата многу пати се уверивме во тоа. Неказнивоста на политичките бандити е симбол на соработката помеѓу овие двајца лицемерни лидери на СДСМ1 и СДСМ2. Тоа што криминалците политичари не одговараат пред законот најмногу им одговара на нив двајца, и со тоа се продолжува со злоупотреба на јавните политички функции за семејно богатење.

Дополнително од овде сакам да упатам прашање до господинот Димитров, да каже на македонската јавност каде се гаранциите од Преспа за европската интеграција на Македонија?

Македонскиот народ сака да знае и што направи госпоѓа Силјановска – Давкова во последниве 30 години како министерка и универзитетски професор за правото и правдата во земјава? Дали со личен пример покажа дека министрите треба само да се богатат и тоа ли се тие право и правда за кои се залага Обновата?

Дали е свесна госпоѓа Давкова во чии раце е денес и за кого работи во палатата и што и е задачата? Дали да се врати бандитизмот во земјава е нејзината визија за право и правда?”, потенцираше Богојески.

“Наместо лаги и лични интереси, сите ние од Македонски концепт се залагаме за казнивост на политичарите, политичка одговорност, кривично дело- лажно политичко ветување и финансиска лустрација на политичарите, функционерите и сите што се на јавни функции почнувајќи од мене. Со вакви закони ќе дојдеме до вистински граѓански парламент кој што ќе работи во функција на граѓаните и само за интересите на граѓаните. Само гласот за број 10 е глас за победа на граѓаните врз политичарите”, заклучи Богојески.

Филипче: Болниците имаат доволен капацитет, продолжуваме со пристапот на дијагностицирање и асимптоматски ностители

 Во болниците има доволен капацитет за сместување ковид пациенти, а празна е и модуларната болница, вели министерот за здравство Венко Филипче.

– Има сосем доволно. Повторно има под 100 пациенти вкупно во болницата 8 Септември, денеска втор ден по ред. На Клиниката за инфективни болести се уште има слободни места, целосно е празна и модуларната болница и во сите други инфективни одделенја има доволен број на слободни места. Нешто помалку има во Охрид и во Битола, но се менаџира тоа со секојдневната комуникација и сосем добро и во другите градови, изјави Филипче одговарајќи на новинарско прашање по денесшната средба со претставници на Здружението „Борка – За секој нов ден".

Запрашан дали е остварливо и во наредниот месец да биде „крената рампата на ЕУ" за македонските граѓани, со оглед на условот под 20 дијагностицирани дневно на 100.000 жители 14 дена по ред, Филипче рече дека важно е да се има увид во вистинската епидемиолошка слика за земјата и ќе се продолжи со актуелниот пристап на дијагностицирање со кој се откриваат и асимптоматски ностители на коронавирусот.

– Јас мислам дека не може само да се гледа апсолутната бројка на дијагностицирани пацинети заради тоа што е многу битно како се стигнува до таа бројка на дијагностицирани пациенти односно дали се прави широко тестирање или се прави индикација дури и за контактите на заболените кои епидемиолозите одредуват дека се со висок ризик. Кога тие не би ги тестирале нема да откриеме толкав број на асимптоматски носители, апсолутната бројка ќе падне, можеби ќе се дозволи влез во некои други земји, но нема да имаме увид во вистинската епидемиолошката слика во нашата земја. Ќе дозволиме да се случи пропуст, да шетаат луѓе коишто се асиптоматски носители на вирусот и ќе го шират вирусот и заразата. Затоа остануваме на овој принцип. Бројката како бројка ништо не значи, мора да се знае колкав процент од новодијагностицираните треба да бидат или се во болница, колку се со лесна клиничка слика и колку се асиптоматски. Во таа смисла ќе продолжиме со истиот пристап, истакна Филипче.

притисни ентер