Решена мистеријата за Џек Мевосек?

По 125 години, мистеријата за Џек Мевосек конечно е решена, тврди пензионираниот детектив Тревор Мериот, кој смета дека германскиот морнар Карл Фајгенбаум стоел зад убиствата што му се припишуваат на Мевосекот.

Мистеријата за човекот кој го тероризирал Лондон кон крајот на 19-от век беше тема на бројни книги, филмови и повремено, на обновените истраги за нерешените случаи. За вмешаност во ужасните злосторство биле осомничени Винсент ван Гог, Луис Керол, па дури и еден роднина на кралицата Викторија.

Но, по 11 години истражување, пензионираниот детектив Тревор Мериот од Бедфоршир во Англија, тврди дека го пронашол злосторникот кој стои зад повеќето, па можеби и зад сите убиства кои му се припишувани на озлогласениот „Џек“.

Мериот верува дека виновник за убиствата е германскиот морнар Карл Фигенбаум.

Мериот за британскиот сајт „Икспрес“ изјавил дека до овој заклучок дошол низ анализа на документите и високо технолошките форензички експерименти. Тој исто така тврди дека Холивуд и бројните митови „искривиле“ бројни факти за случајот низ текот на годините.

Она што е вистина е дека петте жени: Мери Ен Николс, Ени Чепман, Елизабет Страјд, Кетрин Едоуз и Мери Џејн Кели, се избодени во Лондон помеѓу 31 август и 9 ноември 1888 година. Според најголемиот дел од исказите, жртвите биле проститутки и дека ги убил ист човек.

Истрагата која ја спровел Мериот со цел да ја дознае вистината, воопшто не била лесна. Тој пред суд дури ја извел и „Скотланд Јард“ во 2011 година, за да ја натера агенцијата да му ги предаде илјадниците документи кои се однесувале на случајот.

Тој од тој момент полека почнувал да доаѓа до Фајгенбаум, морнарот чии што бродови често биле закотвени во близина на местото во кое нерешените убиства се случувале.

Најважниот податок е фактот што адвокатот на Фајгенбаум, Вилијам Лотон, еднаш на репортерите им изјавил оти верува дека неговиот клиент ги признал злосторствата, тврдејќи дека болеста го натерала да ги убие тие жени. Тој навистина во еден момент е осуден и погубен поради неповрзано убиство во Њујорк 1894 година.

Меѓутоа, критичарите истакнуваат дека теоријата на Мериот не е баш најцврста и нагласуваат дека тој го дели проблемот со другите истражувачи за Џек Мевосек – недостаток на конкретни докази.

Костадиновска-Стојчевска во Пустец: Преку соработка во културата ја зајакнуваме врската

Преку соработка во културата ја зајакнуваме врската со нашинците во Преспа.

Министерката за култура Бисера Костадиновска-Стојчевска заедно со директорката на Заводот и музеј – Битола, Мери Стојанова, го посети Музејот посветен на ликот и делото на албанскиот писател со македонско потекло, Стерјо Спасе, во селото Глобочани, каде што оствари средба со градоначалникот на Општина Пустец, Пали Колефски.

Како што соопшти Министерството за култура, посетата е по повод продолжувањето на прекуграничната соработка со Албанија во рамките на програмата ИПА со проектот „Смарт4Ју2“, чија цел е да ги афирмира културните вредности што ги поседува регионот и да ги развие туристичките потенцијали на општините Битола, Пустец и Корча.

-Преку соработка во културата, ја зајакнуваме врската со нашинците во Преспа. Успешната реализација на заедничките проекти носи придобивки за граѓаните од двете страни на границата. Културата и културното наследство даваат идентитетско значење на луѓето од овој регион, а од економски аспект, претставуваат значаен туристички потенцијал, рече на средбата министерката за култура Костадиновска-Стојчевска.

На средбата со градоначалникот на Општина Пустец, Колефски, се наведува во соопштението, беше потврдена заемната заложба за зачувување на нашето културно наследство бидејќи, како што кажа Костадиновска-Стојчевска, тоа значи зачувување и на нашиот културен и национален идентитет.

- Kолефски ги најави новите планови и активности во Глобочани, а беа разменети идеи за нови проекти за унапредување на соработката преку културната размена и промоција на туристичкиот потенцијал на овој регион, со цел подобрување на економскиот развој и животниот стандард на граѓаните што живеат во Преспа. Од страна на министерката Бисера Костадиновска-Стојчевска беше посочено дека Министерството за култура, преку традиционалната поддршка на манифестацијата „Македонско културно лето во Пустец и во Корча“, останува партнер во заедничките заложби за негување на македонската култура, идентитет и традиција во овој прекуграничен регион, соопшти Министерството за култура.

Директорката на Заводот и музеј од Битола, Мери Стојанова, информираше дека продолжуваат активностите што се планирани за наредниот период, за искористување на ЕУ-можностите за развој на културата и заштитата на културното наследство, и укажа на нови можности за соработка со општините Пустец и Корча.

-Проектот „SMART4YOU2“, кој е поддржан од Програмата за прекугранична соработка на Европската Унија, има буџет во вкупен износ од милион и двесте илјади евра европски неповратни средства за развивање на културните и туристичките потенцијали на прекуграничниот регион, се наведува во соопштението.

Во рамките на еднодневната посета, министерката за култура Костадиновска-Стојчевска ќе оствари средба со префектот на округот Корча, Нерти Јоли.

Тухел: Пласманот на табелата не е важен во дербито со Борусија

Тренерот на Баерн Минхен, Томас Тухел не смета дека дербито против Борусија Дортмунд ќе биде помалку интересно поради пласманот на двата тима во Бундеслигата.

Обично тоа е директен судир во борбата за титулата, но реалноста сега е поинаква. Шампионите заостануваат 10 бода зад лидерот Баер Леверкузен, а тимот од Вестфален е четврти.

- Пласманот е таков каков што е. Но, ние имаме шанса да го освоиме „Der Klassiker“. Станува збор за емотивен натпревар кој е историски за Бундеслигата и спротиставува два големи ривали. Значи нема разлика од претходните сезони, истакна Тухел.

На дуелот на „Алијанц Арена“ домаќините ќе бидат без капитенот Мануел Нојер, кој се уште чувствува болки од повреда. Александер Павловиќ, Рафаел Гереиро и Саша Бои исто така се аут од истата причина. Сепак, Хари Кејн се враќа и ќе игра откако пред неколку дена ги пропушти пријателските дуели во Англија поради повреда.

- Во лицето на Дортмунд очекувам противник кој ќе сака да не победи. Борусија е силна во нападот, а генерално играчите претпочитаат да ја контролираат топката. Ќе биде отворен натпревар. Инаку, нашето расположение е одлично, бидејќи во последно време сме убедливи и во нападот, мирен е Тухел.

Тој одби да ги коментира информациите дека Чаби Алонсо одлучил да остане во Баер Леверкузен и следната сезона. Шпанецот беше меѓу имињата кои се поврзуваа за наследник на Тухел во Минхен.

-Не сум сигурен дека сум вистинската личност за прашањето. Ова е одлука на Чаби, прашајте го него, изјави тој.

Еден од главните шефови на Камора се согласил да соработува со властите по четврт век во затвор

По повеќе од 25 години затвор и одбивање да зборува, еден од главните шефови на италијанската комора, Франческо Скијавоне, одлучи да соработува со обвинителството, објавија италијанските медиуми, пренесе Бета.

Истражните органи се надеваат дека ќе добијат повеќе информации за Камора и нејзината можна поврзаност со италијанската политичка сцена.

Седумдесетгодишниот Скијавоне бил еден од основачите и „кум“ на кланот Камора „Касалези“ во провинцијата Касерта во близина на Неапол.

Пред неколку недели, како што јави ДПА, тој воспоставил контакт со антимафијашките служби.

Двајца од неговите синови соработуваат со властите од 2018 и 2021 година, а уште двајца се во затвор.

Камора е една од најозлогласените мафијашки организации во светот, а нејзиното родно место се јужните италијански провинции Казерта и Неапол.

притисни ентер