Јахтинг проституцијата тешко се спречува бидејќи најчесто е на доброволна основа?

Случајот со Мадам Милева која подведувала девојки на богати бизнисмени на црногорското приморје го отвори прашањето - може ли да се застане на патот ан јахтинг проституцијата.

Блиц пишува дека за разлика од минатите времиња кога на девојки од Молдавија и Украина им биле одземани пасошите за да се принудат да прават се што ќе им каже макрото, денеска јахтинг проституцијата многу често е на доброволна основа. Во таков случај не може да се покрене обвинение за трговија со луѓе, ниту се добива сведочење дека се одвивала проституција.

- За ралика од минатите години кога макроата во проституција воведуваа сиромашни девојки кои во Црна Гора доаѓаа од Украина и Молдавија, па им беа одземани пасошите и беа принудувани да прават се што ќе им се каже, денеска обични девојки - танчерки, па и студентки, го продаваат своето тело за сто до двесте евра. Некои од нив не земаат пари в рака, туку сексуалните услуги ги менуваат за шопинг или седење во скапи локали во кои клиентите цела ноќ им плаќаат пијачки . девојките од Србија се регрутираат за проституција преку модни агенции или избори за мис, првиот тест е јахтинг проституцијата во Црна Гора а потоа одат да го продолжат „бизнисот“ по арапскиот свет - вели за Блиц анонимен извор.

Мадам Милева, според полицијата, посредувала во договорот на состаноците на 5 девојки, земала половина од заработката, а нејзиниот соработник ги развозувал девојките каде треба по црногорското приморје.

Ланецот на проституцијата тешко се одмотува, бидејќи „жртвите“ во него влегуваат доброволно, и кога треба да се откријат макроата и подведувачите нема кој да сведочи и да каже кој се и како е вмешан во тој ланец - пишува Блиц.

Пошумување на Глишички рид во Кавадарци

Пошумување на Глишички рид се реализираше денеска во близина на Кавадарци, акцијата беше во организација на кавадаречката локална  самоуправа, во соработка со еколошкото друштво ,,Еко - живот" и ученици од трите средни училишта во градот. 

Доне Илов, раководител на сектор за животна средина при Општината, рече дека шеста година по ред, се посадуваат садници на ерозивни подрачја.

- Пролетва ќе бидат продадени околу 2.5 илјади садници. Овојпат посадуваме багрем, додаде тој.

Претседателот на ,,Еко - живот", Роберто Паризов апелираше и други субјекти во општината, да се вклучат во вакви и слични еколошки акции.

Кавадаречкиот градоначалник Митко Јанчев рече дека последниве години во Општина Кавадарци се реконструираше целата постоечка јавна зелена површина, но се подигнаа и нови, на повеќе локации, со вкупна површина од над 130.000 метри квадратни.

- По цели 60 години со целосен автоматски систем за наводнување и нови содржини, реконструиран е Градскиот парк Љупчо Шкартов. Кавадарчани добија и нов парк, Киро Крстев, изграден според сите светски стандарди и богат со урбана опрема и зеленило. Во паркот на револуцијата пак, никна нов Дендро парк, богат со разновидни видови на растенија.

Исто така и локалитетот 12 Ваташки младинци е целосно хортикултурно уреден, појасни тој.

Шеста година по ред, додаде, секоја пролет и есен се пошумуваат и околните ерозивни подрачја што го напаѓаат градот.

- Три години се пошумуваше на Журов дол во село Ваташа, во изминатите три години таму се посадија 40.000 садници од чемпрес и багрем. Изминатите две и оваа веќе трета година, се пошумува на локалитетот Глишички рид, каде беа посадени досега 15.000 садници. Во ова пролетно пошумување, ќе се посадат уште 2.500 садници на багрем, а на есен се планира помасовно садење од 5.000 садници, информираше Јанчев.

Уапсени петмина новинари од независни медиуми во Русија

Петмина новинари кои работат за независни медиуми се уапсени синоќа и денеска во Русија, јави невладината организација ОВД-Инфо, специјализирана за следење на репресијата во таа земја.

Околу полноќ полицијата ги приведе Екатерина Аникијевиќ од медиумот СОТА Вижн и Константин Жаров од РусЊуз, соопшти таа организација.

Жаров бил тепан од полицијата и му се заканувале со сексуално насилство, пренесе организацијата.

„Ме шутираа, ми ја ставаа ногата на глава, ми ги вртеа прстите, ме исмејуваа кога се обидов да станам“, рекол Жаров. Како што пренесува неговиот медиум Русњуз, тој кажал дека има повреда на главата, гребаници, изместени прсти и исчашувања.

Тој рече дека насилството било предизвикано поради снимањето во станот на другата новинарка Антонина Фаворскаја од СОТА Вижн, која синоќа била приведена веднаш по ослободувањето по 10 дена притвор поради непочитување на полицијата.

Синоќа е претресен станот на таа новинарка, како и нејзините родители, изјави нејзиниот адвокат Миахил Бирјуков.

Уште две новинарки, Александра Астахова и Анастасија Мусатова, кои дојдоа да ја земат својата колешка на излегување од затвор, исто така се приведени и однесени на распит, јави СОТА Вижн.

Вратен и третиот мандат за формирање влада, следат нови избори во Бугарија

Мандатот што и беше врачен на ИТН беше последна шанса за формирање на редовна влада во рамките на Народното собрание, јавува Бугарското радио.

Претставниците на партијата „Има таков народ“ (ИТН) денеска на бугарскиот претседател Румен Радев му го вратија третиот и последен мандат за состав на влада, што тој им го врачи, со што се отвора патот за закажување на вонредни парламентарни избори.

Мандатот што и беше врачен на ИТН беше последна шанса за формирање на редовна влада во рамките на Народното собрание, јавува Бугарското радио.

Претседателот Радев сега мора да одреди датум за предвремени парламентарни избори, откако три мандати за формирање влада му беа вратени.

притисни ентер