Хрватска ќе плаќа на луѓето на чии покриви има гнездо на бели штркови

Хрватска од државна каса ќе плаќа по 700 куни, околу 93 евра, на домовите на чии покриви направиле гнездо бели штркови, објави весникот „Јутарњи лист“.
Станува збор за четиригодишен проект на Министерството за животната средина за заштита на белите штркови, за што се обезбедени 350.000 куни. Тоа значи дека ќе има пари за околу 500 гнезда.

Парите ќе се исплаќаат на сопственици на имоти, каде имаат гнезда штрковите, за да не ги уништуваат и да се грижат за нив.

Официјално потпишување на проектот, кој ќе се финансира од фондот за заштита на животната средина и од локалните власти, е планирано за септември. Засега согласност за учество во проектот дале 11 од вкупно 20 области во земјата.

Во Хрватска има околу 1.300 гнезда на бели штркови, но нивниот број постојано се намалува поради урбанизацијата и загадувањето на животната средина./МИА



Американски воен авион прелетува над Русија

Американското Министерство за одбрана најави дека денеска и утре ќе изврши набљудувачки лет над Русија.

На тој начин , се наведува во соопштението од Пентагон , ќе се процента руските воени активности, а летот е во согласност со Договорот ,,Отворено небо”.

Договорот бил потпишан 1992 во Хелсинки , а стапи на сила во 2002 , со што им се овозможува на 34 земји потписнички да ги надлетуваат  туѓите територии со цел взаемно надгледување на воените активности.

,,Ова е прв пат во согласност со Договорот САД да врши надлетување над Русија од ноември 2017. “ изјави портпаролот на Пентагон , Џејми Дејвис.

Летот , за кој Русија била информирана на 12 февруари ќе трае два дена , денеска и утре , а авионот ќе ја напушти руската територија во сабота наутро.

Политички хаос во Венецуела – Мадуро ја затвори границата со Бразил , Гваидо тргна кон Колумбија

Единаесет дипломати од Венецуела преминаа на опозициската страна и останаа во САД и покрај повикот на претседателот Мадуро да се вратат во Венецуела.

Претставникот на опозициските дипломати Густаво Маркано денеска во Вашингтон изјави дека сметките на амбасадата и на конзултот на Венецуела во САД се замрзнати , така што од денеска нема дипломатски претставништва на Венецуела во САД.

,,Опозицијата работи заобновување на конзуларната служба . Од 56 вработени ,11 останаа во САД .” изјави Маркано. Оние кои останаа во САД ќе бидат вработени во конзулат под раководство на самопрогласениот претседател Хуан Гваидо.

Во меѓувреме , Николас Мадуро ја затвори границата со Бразил и се закани дека ќе биде затворена и границата со Колумбија , каде тргна опозицискиот лидер Хуан Гваидо , за да ја донесе американската хуманитарна помош.

Хуан Гваидо , кој е признаен од 50 тина лидери на држави за привремен претседател на Венецуела , отпатува на 900 километри оддсалечената граница со Колумбија , заедно со неколку автобуси со свои приврзаници. Целта е да ја подиогнат американската хуманитарна помош , што со недели е заглавена на границата , додека во земјата владее недостиг на основни животни продукти и лекови.

Ваквиот потег на Гваидо , Мадуро го нарече политичка претстава и повтори дека амаериканскиот претседател Доналд Трамп подготвува воена интервенција со која сака да го тргне од функцијата.

Нинџа: Прифаќам одговорност, ако утврдите дека ја имам

Александар Василевски-Нинџа во завршните зборови на судењето за настаните во Собранието на 27 април 2017 неколку часа во Кривичниот суд го анализираше обвинението против него и телефонските повици од тој ден. 

,,Стојам исправен пред вас и прифаќам одговорност ако утврдите дека ја имам. Овде сум за да се утврди вистината. Бегав поради здравјето на мојата ќерка, која ја чекав повеќе од девет години. Потоа сам се пријавив во полиција, рече Василевски во завршниот збор пред Судот.

Тој зборуваше за тоа како поранешниот началаник во УБК Горан Грујевски, неговиот заменик Никола Бошковски, и тогашниот директор Владимир Атанасовски со свои оперативци, во и надвор од Собранието на 27 април ги собирале и уништувале доказите.

Претходно обвинетиот Никола Митрески-Кољо во завршните зборови на судењето за настаните во Собранието на 27 април 2017 година, рече дека жали за случувањата и им се извини на сите присутни пратеници, граѓани и новинари од 27 април.

– Јавноста да знае дека ние бевме изманипулирани од идејата за така наречената "Тиранска платформа" предводена од организаторите политичари, истакна Кољо.

За влезот во Собранието, Кољо рече дека стои зад секоја негова грешка и призна дека тој ја скршил стаклената врата, а не обвинетиот Леви.

Во Судот денеска завршен збор дадоа обвинетиот Влатко Трајковски и Вилијам Михајловски.

Судскиот процес започна во август минатата година и го води Добрила Кацарска, а застапник на обвинението е Вилма Русковска. Процесот започна против 33 обвинети, но согласно Законот за амнестија помилувани беа вкупно 15 лица.

На обвинителна клупа останаа Митко Чавков, Душко Лазаров, Горан Ѓошевски-Леви, Митко Пешов, Оливер Поповски, Мунир Пепиќ, Абдуљфета Алими, Оливер Радулов, Игор Дурловски, Јане Ченто, Игор Југ, Александар Василевски-Нинџа, Никола Митревски-Кољо, Младен Додевски, Горанче Ангеловски, Влатко Трајковски и Вилијам Михајловски, кои се товарат дека сториле кривично дело терористичко загрозување на уставниот поредок.

По завршните зборови на обвинетите за настаните од „27 април", за утре е закажано ново рочиште на кое за збор се пријавени бранителите на обвинетите./МИА

притисни ентер