Бугарско пиши-бриши за Славко Јаневски

Бугарските администратори на Википедиа избришаа дел од биографијата на поетот Славко Јаневски откако вчера Канал 5 објави дека Бугарите се единствените кои ја впишаа одлуката на лустраторите за признатиот книжевник и академик Славко Јаневски, пред промената да се внесе и на македонската страница.
Од вкупно 9 страници за Славко Јаневски на најголемата интернет енциклопедија, само бугарската ја впиша одлуката на комисијата за верификација на факти. Промената беше извршена во саботата попладне, а бугарските администратори во 6-тиот пасус на биографијата на Славко Јаневски допишале.

-Тринаесет години по неговата смрт официјално е утврдено дека Славко Јаневски бил агент на југословенските тајни служби, на кои им кажувал информации за свои колеги писатели и уметници. (цитат од википедиа на бугарски јазик.)

Откако Канал 5 вчера ја објави информацијата за која имаше и многу коментари од гледачи и читатели на сајтот www.kanal5.com.mk, администраторите на бугарската википедија претпладнево околу 11.20 часот го избришале лустрациското минато на Јаневски, кое се уште не е официјално објавено ниту пак ќе може да биде објавено затоа што академик Славко Јаневски почина пред 13 години.

Бугарската биографија за Јаневски повторно е вратена во претходна состојба. Причината засега никој не ја открива. На фотографиите на сајтот на Канал 5 ќе ги видите разликите во бугарската википедиа биографија, на едната е актуелната страница, а на другата со сина боја е обележана претходната страница.

Членот на комисијата за верификација на факти Чедо Дамјановски денеска соопшти дека академик Славко Јаневски ги озборувал колегите и ја проценувал вредноста на нивните книжевни дела, а не ги кодошел на идеолошко-политичка основа. Тоа според Дамјановски не е законска основа за лустрација, а претходно со одлука на уставниот суд беше стопирано лустрирање на починати.

По големата бура во јавноста за досието Слав-Јан, (на академик Славко Јаневски) комисијата за верификација повторно се состана вчера и ја потврди одлуката како законска, додека критичарите ги обвини дека не ги знаат фактите за причината за лустрација на Јаневски.

-Комисијата напоменува дека во својата работа и одлучување не се занимава со имињата, професијата, големината, профилот и значењето на лицата кои се опфатени со Законот. Согласно ова, комисијата не прифаќа да биде вовлечена во наметнати дебати за вреднување на личности и дела кои излегуваат од рамките на Законот, исто како што не прифаќа да биде обвинувана за нарушување на угледот и реномето на МАНУ, или за сквернавење на македонскиот идентитет, го соопшти ставот на комисијата за верификација на факти, портпаролот Предраг Димитровски.  

Најголема осуда за лустрација на Јаневски стигна од МАНУ, академијата го оцени како потегот на лустраторите како внатрешен удар против македонскиот национален идентитет, и одлука која е донесена противуставно.

Базен се излеа од висококатница за време на земјотресот во Манила (видео)

Базен, лоциран на врв од висококатница се излеа за време на вчерашниот силен земјотрес што ги погоди Филипините.

Според локалните медиуми, водата паѓала од базен, кој се наоѓа на врвот на висококатница та пентхаус во предградието на Манила.

Нема повредени во инцидентот, а во моментот на потресот во базенот немало капачи.

Во вчерашниот земјотрес од 6,3 рихтерови степени загинаа 11 луѓе

Кого ќе зафати „пролетното чистење“ во власта?

Неизвесноста со која што двајцата кандидати за претседател влегуваат во вториот круг ги „стресе“ партиските изборни штабови.

Незадоволни од неделниот резултат во СДСМ се бара одговорност, на итен состанок синоќа во партиското седиште се анализираа бројките.

Претседателот на социјалдемократите и премиерот, Зоран Заев веќе најави и кадровски промени во своите редови веднаш по изборите.

Најавата за „чистка“ доби експресна поддршка од симпатизерите, па на Заев симболично му ги обезбедија неопходните средства.

Опозицијата со реакции на најавата на Заев. Кандидатката за претседател на ВМРО ДПМНЕ на Твитер напиша „народот ќе ви ја испорача метлата на 5-ти мај“.

Лидерот на опозициската партија пак на Фејсбук коментираше „ не е до чистката, туку до тој што треба да исчисти, името му е Зоран Заев.

Бројките од неделата покажуваат дека незадоволството е големо и од власта и од опозицијата, цени политичкиот аналитичар Петар Арсовски.

Според него, власта причините за изборниот резултат и неостварување на проектираниот исход треба да ги бара не во спроведување на непопуларните одлуки, туку токму во недостигот на такви мерки.

Како дел од одговорни за освоените гласови се посочуваат и локалните власти и незадоволството на граѓаните од нивната работа.

Градоначалникот на Град Скопје вели одговорност ќе се понесе по изборите, но гласачите не треба да ја казнуваат државата поради нерешените локални проблеми.

Над 320 луѓе загинаа во експлозиите во Шри Ланка како одмазда за Крајстчрч

Првичната истрага за смртоносните напади на Шри Ланка, во кои загинаа над 320 лица, покажува дека станува збор за одмазда за Крајстчрч, изјави заменикот-министер за одбрана Руван Виџевардене.

– Првичните резултати покажуваат дека она што се случи на Шри Ланка е одговор на нападите против муслиманите во Крајстчрч, изјави пред парламентот Виџевардене.

На 15 март во Крајстчрч на Нов Зеланд во напад на две џамии беа убиени 50 муслимански верници.

Во неделата, на католички Велигден, на Шри Ланка избувнаа серија експлозии.

Првите шест експлозии беа во три цркви и три хотели, седмиот во западниот дел на островот, а осмиот во станбен комплекс во Коломбо.

Според локалните медиуми нападите ги изведоа бомбаши-самоубијци.

притисни ентер