Еди Рама ќе биде премиер, а Илир Мета прв парламентарец

Лидерите на двете најголеми политички партии, Социјалистичката и Движењето за социјалистичка интеграција (ЛСИ) од изборната коалиција „Алијанса за европска Албанија“, Еди Рама и Илир Мета на денешната прва средба се договориле само за функциите кои тие ќе ги заземат, јави дописникот на МИА од Тирана.

Како што и се очекуваше Рама ќе биде новиот албански премиер, додека Мета ќе биде прв парламентарец. Тие уште се договориле во новата влада да бидат опфатени и другите партии од коалицијата.

На 2,5 часовната средба се договориле да се формира заедничка работна група која ќе подготви план за работа за првите 300 дена. Групата ќе ја предводат Илир Беќја од СП и Едмонд Хаџинасто од ЛСИ,  а во неа ќе има и домашни и странски експерти од разни обасти.

На изборите од 23 јуни колацијата обезбеди 84 пратенички места, 66 социјалистите, 16 ЛСИ и по еден Демохристијанската партија и партијата на Грците, Партија за заштита на човековите права. Коалицијата „Алијанса за вработување, благосостојба и интеграција“ предводена од Демократите на Сали Бериша, а во која беше и единствената македонска паритја, МАЕИ, освои 56 места, од нив демократите имаат 49 пратеници, Партијата на Чамите четири и Републиканската партија три пратеници./МИА


притисни ентер