12-годишната Ангела нема повеќе да аргати за парче леб

Семејството доби социјална помош, а сестрата на Ангела, 18-месечна Трајанка ќе добие извод на родени

На поле, во штала – каде и да е потребна помош во кумановско Винце, тука се малите вредни раце на 12 годишната Ангела што заработуваат за храна за нејзе и семејството. Денешните пеколни 38 степени не ја спречи ја „малата пчела“ да аргатува кај соседите. Одличната ученичка цврста и борбена раскажа дека не се срами, оти само така може да касне леб, а ноќе да не ја боли стомакот од глад.

„Се работам, не одбивам ништо. Ми плаќаат кога во пари, кога во храна“, раскажуваше Ангела Димитриевска.

Таа заврши со работата. На гости ги пречека министерот за труд и социјална политика, социјалните работници од Куманово, градоначалникот на општина Петровец и црвениот крст. Празниот и заборавен двор го наполнија гостите, ветија дека ќе им помогнат. По објавената сторија на Канал 5 на нозе се крена системот за социјални работи. За почеток им донесоа храна, облека, средства за хигиена, пелени за малата Трајанка, а од понеделник 18 месечното девојче до денеска без идентитет кончено ќе добие добие извод на родени.

„На мајката и децата ќе им дадеме 5 илјади денари помош, а на болната баба 3.500 помош секој месец“, изјави Диме Спасов, министер за труд и социјална политика

„Иако ова село е под Куманово, ние им помагаме децата се образуваат“, рече Борче Митевски, градоначалник на Петровец

Жештината и сиромаштијата во домот на ова семејство ја почуствуваме сите. Маката на гладните шест усти ја раскажа тажната судбина. На Јагода лицето и се насмеа.

Ангела молчеше цело време, таа од утре не ќе мора на топлото сонце да аргати. Соседите кои ја помогнаа со нивното јавување во Канал 5, ја пофалија како највредното дете во селото.

Средба на Пецаков со претставниците на УНЕСКО, О.Охрид посветена на задржување на статусот

 Градоначалникот на Општина Охрид, Кирил Пецаков со неговиот тим оствари работна средба со претставниците на реактивната мониторинг-мисија на УНЕСКО што престојува во работна посета на земјава.

Пецаков пред членови на Центарот за светско наследство, на Меѓународниот совет за споменици и локалитети и Меѓународната унија за заштита на природата, како и на Националниот координативен тим од Македонија ја истакнал силната посветеност на Општина Охрид за зачувување на природното наследство во Охридскиот регион.

„Детално ги инфомирав за сите чекори кои како Локална самоуправа ги преземаме и со временските рамки за реализација на истите. Силно сме посветени и не отстапуваме во спроведувањето на веќе пропишаните правила за зачувување на статусот од УНЕСКО“, вели Пецаков.

Мисијата на УНЕСКО во Охрид ќе биде неколку дена, а како што посочи претходно министерката за култура Бисера Костадиновска Стојчевска, претставниците на Светската организација се тука за да ја утврдат фактичката состојба околу заштитата на Охридскиот регион на терен,со средби со претставници на сите засегнати институции и субјекти. Од мисијата на УНЕСКО ќе произлезат заклучоци според кои државата е треба да постапува во насока на заштита на Охридскиот регион и неговиот статус во УНЕСКО.

МВР: 34 санкции за прекршоци на возила кои вршат јавен превоз на патници

 Во текот на вчерашниот ден во периодот од 08.00 до 12.00 часот спроведена е акциска контрола на територијата на Република Македонија за санкционирање на прекршоци на возила со кои се врши јавен превоз на патници.

При контролата санкционирани се 34 прекршоци, од кои 23 поради неисправен уред за запирање, соопшти МВР.

Упатени на вонреден технички преглед биле 181 автобус и други возила кои вршат јавен превоз на патници. За време на контролата констатирани и законски санкционирани се и 159 други видови на сообраќајни прекршоци.

Од МВР апелираат до сите учесници во сообраќајот да ги почитуваат сообраќајните правила и прописи, навремено да се проверува техничката исправност на возилата и навремено да бидат отстранети евентуалните недостатоци.

Јокиќ со нов рекорд во НБА

Српскиот кошаркар Никола Јокиќ продолжи да ги поместува границите во НБА и постави нов рекорд. 

Играчот на Денвер стана првиот играч во историјата на најсилната лига на светот кој постигнал повеќе од 8.000 поени, 4.000 скока и 3.000 асистенции во период од пет години во ова натпреварување.

Јокиќ рано утрово постигна 22 поени, десет асистенции и девет скока во поразот на неговиот тим од Феникс со резултат 104:97.

Денвер е бранител на шампионскиот трофеј во НБА-лигата.

Со биланс од 51 победа и 22 порази е лидер на табелата во Западната конференција.

притисни ентер