Работилница за заштита од сајбер криминал

Заштитата од сајбер криминалот не е едноставна, бидејќи методите се променливи и технологиите постојано напредуваат, а со тоа се отвораат нови можности за напаѓачите да нападнат, смета професорот Александар Ристески од Факултетот за електротехника и информациски технологии од Скопје.
Во рамки на работилницата „Најдобрите практики и иновативни пристапи за развивање рамка на сигурносни политики за сајбер-безбедност“ што, според МИА, од денеска до среда ќе се одржува во Охрид, Ристоски посочи дека единствениот начин на заштита е постојана будност, следење и ревизија на постоечките алатки, за да има постојано подобрување и следење на она што е момантално присутно како закана.

- Но сепак, како луѓе што се занимаваме со оваа проблематика мора да бидеме еден чекор пред напаѓачите, со цел да ги осетиме нивните намери и навреме да може да реагираме со проактивни мерки пред да се случат нападите, рече Ристоски.

Идејата на работилницата, според него, е да се покријат теми од сајбер безбедноста, но не само од технички аспект, туку и од аспект на подготовка на политики и процедури со кои ќе треба да се справат релевантните организации во Македонија.

Филип Сусман, ко-директор од земја членка на НАТО и претседател на Институтот за применета наука при Универзитетот Норвич од САД посочи дека целта на состанокот е поставување на основите на заштитата на сајбер технологијата и развој на меѓународни рамки, за тоа како овој вид заштита да функционира, како и поставување политики за нивно регулирање. Постојат некои поставени мерки од порано, но сега сакаме да додадеме нови. Постојат неколку различни аспекти, кои нема посебно како теми да бидат разгледани, но ќе се посвети внимание на нив, рече Сусман.

На работилницата, која се одржува во организација на НАТО Алијансата, а во соработка со Факултетот за електротехника и информациски технологии од Скопје, учествуваат претставници од 20 држави, меѓу кои се Република Македонија, Соединетите Американски Држави, Босна и Херцеговина, Хрватска, Грција, Германија и Молдавија, Романија, Србија..

Мицкоски: Најголем проблем во Центар е загадениот воздух, власта целосно ја заглави гасификација и нема поевтино парно

Претседателот на ВМРО-ДПМНЕ, Христијан Мицкоски вечерва беше во посета на ОК на ВМРО-ДПМНЕ Центар,  каде оствари средба со граѓани, членови и симпатизери на партијата, се наведува во партиското соопштение.

Мицкоски потенцираше дека  Општина Центар и граѓаните заслужува подобро и повеќе.

Анкетите по изборите покажуваат дека огромното мнозинство се незадоволни поради слабиот животен стандард, недостигот на нови вработувања, слабата економија. Незадоволни се и поради слабата заштита на животната средина, уништеното Водно, гасификацијата која е заглавена од власта, која тапка во место цели 2 години, вели тој.

Нездоволство посочи Мицкоски има и поради порастот на корупцијата, непотизмот и корумпираното судство.

Најнезадоволни се центарци поради тоа што оваа општина е со најзагаден воздух во државата, а пред изборите власта ветуваше алпски чист воздух, наместо тоа добија општина која руши неславни рекорди на скалите за места кои се најзагадени во Светот, додаде лидерот на ВМРО-ДПМНЕ.

Тој истакна власта води политика на кратко памтење,  а  центарци како и сите граѓани на Република Македонија се излажани од страна на власта, посочувајќи го ветувањето за поевтинување на сметките за парното, ветување кое се покажа како уште лага на власта.

За крај Мицкоски вели дека власта е прочитана, а народот е свесен со какви измамници си има работа.

Ние ќе предложиме намалување на ддв-то од 18 на 5 проценти, но и во периодот што следува ќе предложиме нови проекти и решенија за многу области кои ќе бидат одговор на ова уништување кое го прави оваа власт, заклучи претседателот на ВМРО-ДПМНЕ.

Путин со Меркел и Макрон за Украина и Иран

Вечерва рускиот претседател Владимир Путин телефонски разговарал со канцеларката Ангела Меркел и со францускиот претседател Емануел Макрон.

Тие разговарале за кризата во Украина по изборот на Зеленски за претседател , соопшти руската агенција ТАСС. ,, Разговараа за состојбата во Украина , со оглед на пропаднатата политика на администрацијата на Петро Порошенко и смената на државното раководство во Украина.” , се наведува во соопштението на Кремљ.

Путин за време на разговорот, уште еднаш повторил дека е приротет да се спроведе законот за посебниот статус за одредени подрачја во Доњецк и Луганск.

Кремљ соопшти и дека тројцата лидери разговарале и за Иран и се согласиле дека треба да останат посветени на трговско – економската соработка со таа земја.

Се согласиле и дека треба да го зачуваат нуклеарниот договор , оценувајќи дека тоа е главен фактор за зачувување на меѓународната стабилност и безбедноста.

Заев на одбележување Светски ден на културна различност

Премиерот Зоран Заев вечерва присуствуваше на настан организиран од Комисијата за односи со верските заедници и религиозни групи, по повод одбележување  Светски ден на културната разноличност за дијалог и развој, којшто е прогласен на 21 мај.

Како што соопштуваат од владината прес-служба настанот го отвори директорот на Комисијата за односи со верските заедници и религиозни групи, Даријан Сотировски, кој им посака добредојде на присутните, и нагласи дека оваа манифестација ги заокружува активностите реализирани во рамки на „Неделата на заедничка молитва", реализирана од 13 – 21 мај со цел да се поттикне соработката и дијалогот меѓу верските заедници, за стабилен и одржлив процес на градење доверба, пријателство и општество на вистински човекови вредности, на соживот и напредок.

Премиерот Зоран Заев испрати порака дека културната разноличност е од корист за целото човештво.

– Светскиот ден на културната разноличност за дијалог и развој – не потсетува дека не треба да зборуваме за културни разлики што не делат едни со други, туку дека треба да зборуваме за културна разноличност која ни дарува сила од глобални размери, која може да биде од корист на целото човештво, истакна премиерот и додаде дека ова е ден за порака дека интеркултурниот дијалог е најдобрата гаранција за мирен, праведен и одржлив свет на културна разноличност.

Според него културната разноличност е инспирација и мотивација за креативноста како инвестиција за промени за подобри општествата,  општества со хуман, човечки лик.

-Инвестицијата и должноста на нашето општество е да ги развиваме образованието и меѓукултурните вештини кај младите луѓе за да ја одржиме разноличноста на нашата земја и да научиме да живееме заедно со разноличноста на нашите јазици, култури и религии, за да ја градиме нашата инвестиција создадена токму од разноличноста на културите и традициите на народите на нашата земја – инвестицијата Едно општество за сите, рече Заев.

Тој истакна дека Светскиот ден за културна разновидност за дијалог и развој ни дава можност да го продлабочиме нашето разбирање на вредностите на културната разноличност и да научиме да живееме заедно како едно семејство што дели заеднички вредности.

-Треба безрезервно да прифатиме дека секој од нас има шанса да направи нешто за разноличноста и инклузивноста да станат алатки за дијалог и разбирање, за мирот и безбедноста, како неопходни за одржливиот развој на нашата заедница, рече премиерот.

Истакна дека прашање на нашата иднина е да ја интегрираме културата на сите наши заедници во сите наши развојни принципи. -Особено, потенцира, оние поврзани со младинските прашања, како што се образованието, јавното здравје и животната средина, како наш придонес за развојот на хармонично општество со сите разлики, рече премиерот.

На одбележувањето присуствуваа претставници на државни институции и граѓанскиот сектор, како и сите претставници на верските заедници во РСМ.

притисни ентер