Линет требало да се породи во август. Во неделата утрото тргнала на пат за Невада со пријателка, не очекувајќи дека ќе добие породилни болки. Нејзината пријателка сакала да повика брза помош и полиција, но сфатиле дека се на сред пустина и немаат време ниту да чекаат ниту можат да стигнат во болница.
Уште додека пријателката вртела телефони, Линет го родила првото дете , но тоа не заплакало. Почнала да му дава вештачко дишење. Во меѓувреме дошле полицајците и продолжиле со напорите детето да продише, а Линет го родила вториот син.
Во моментот кога тој се раѓал, неговиот малку постар брат почнал да плаче - јавува FOX13.
Среќната мајка и двете бебиња стигнале во болница. Бидејќи се родени порано и полесни од 2 килограми, тие во болница ќе останат до август, но напредуваат добро. Храбрата мајка се избори за нивниот живот!