Се разбудил, открил дека е мртов и живеел како зомби!!!

Ги убедувал во болницата да не му даваат таблети бидејќи мозокот му е мртов, немал чувство за мирис и вкус, не чувствувал глад, немал што да каже, а најдобро му било кога одел на гробишта бидејќи таму бил најблиску до смртта. Британецот кој медиумите го нарекуваат греам боледувал од синдромот Котард!

Пред 9 години Греам се разбудил и открил дека е мртов. Всушност боледувал од Котард синдромот, кој прави пациентот да верува дека тој или делови од неговото тело веќе не постојат!

Оваа ретка состојба која го погодила Греам го натерала да верува дека неговиот мозок е мртов. Тој боледувал од тешка депресија и с еобидел да с есамоубие со електрична направа во неговата када. Но преживеал. 8 месеци подоцна во болница објаснувал дека е мртов, дека самиот си го убил мозокот и повеќе не е жив!

- Чувствував дека веќе немам мозок и бев убеден дека сум го „сварил“ во кадата! - вели Греам.

Оваа чудна приказна ја пренесува newscientist.com. Докторите никако не можеле да го убедат дека ако оди дише и зборува не може да е мртов. Тој само се нервирал од нивните тврдења сигурен дека не постои. Најпосле, го поврзале со двајца научници - неврологот Адам Земан од Велика Британија и Стивен Лоринс од Белгија.

- Тоа беше првиот и единствен пат кога мојата секретарка мии рече - навистина е важно да позборувате со овој човек бидејќи ми вели дека е мртов, изјави Лоринс.

- Тоа беше навистина необичен пациент. Неговото верување беше метафора за тоа како се чувствува во врска со светот, тој беше во состојба меѓу животот и смртта - вели Земан.

Синдромот Котард не е многу истражен. Истражувањтео се сведува на анализирање на ретките случаи како Греам. До сега е познато дека поради овој синдром неколкумина гладувале до смрт, убедени дека нема потреба да јадат кога не с еживи. Има и уште поужасни случаи на луѓе со Котард синдромот кои го полиле своето тело со киселина верувајќи дека на тој начин ќе се спасат и нема повеќе да бидат „живи мртовци“.

Снимките на мозокот на Греам довеле до неверојатно откритие - неговиот мозок функционирал како на човек кој спие или е под анестезија!

А како се чувствувал тој? Вели: Немав никаква друга опција освен да прифатам дека нема начин навистина да умрам. Тоа за мене беше ноќна мора.

Понекогаш одел на гробишта каде што се чувствувал добро, најблиску до смртта, но полицијата го враќала дома.

По долги години психотерапија и пиење теарпија, Греам веќе не мисли дека мозокот му е мртов.

- Уште не сум нормален но се чувствувам подобро, работам околу куќата, не мислам дека мозокот ми е мртов.... Не се плашам од смртта но среќен сум што сум жив - вели денеска Греам.


Камерон Дијаз конечно призна зошто ја прекина актерската кариера (ВИДЕО)

Поранешната холивудска ѕвезда Камерон Дијаз ги откри причините зошто се повлече од филмската индустрија, велејќи дека нашла мир кога престанала да работи.

47-годишната Дијаз беше гостинка на подкастот на Гвинет Палтроу In goop Health: The Sessions и разговара со актерката за нејзиниот бизнис со вино, за тоа како менталитетот се менува со стареењето, како и влијанието на нејзината кариера врз квалитетот на животот и врските.

„Решив дека сакам нешто поразлично од животот“, рече Дијаз, додавајќи дека работела долго и напорно на правењето филмови. „Не ми остануваше простор за личен живот“, вели таа.

За време на нејзината 20-годишна кариера (1994-2014), Дијаз беше номинирана за четири Златни глобуси. Најпозната е по нејзините улоги во филмови како „Маска“ (1994), ,,Има нешто за Мери” (1998) и ,,Небо од ванила”(2001).

Кога Палтроу ја праша како се чувствува откако ја остави успешната актерска кариера, Дијаз рече дека нашла мир во својата душа. „Конечно се грижам за себе“.

Поранешната актерка изјави дека решила навистина да се фокусира на нејзините односи со семејството и пријателите откако многу години им ја предала контролата на одредени аспекти од нејзиниот живот на другите луѓе.

„Кога снимате филм, тоа е совршен изговор - тие ве поседуваат. Вие сте таму 12 часа на ден со месеци и немате време за ништо друго“, рече таа.

„Актерите се инфантилизирани. Ние сме ставени во позиција каде што сè друго е згрижено“.

Дијаз рече дека никогаш не се чувствувала пријатно во таков живот и дека морала да преземе одговорност по пензионирањето. Таа вели дека одлучила да стане независна и докажала дека може да се грижи за себе како возрасна личност.

Таа откри и колку е „интензивно“ да се биде во центарот на вниманието на јавноста цело време.

Дијаз има објавено две книги, ,,Книга за тело” и ,,Книга за долговечноста”. Пред пет години, таа се омажи за пејачот на рок бендот „Шарлот“, Бенџи Маден. Претходно оваа година, тие ја добија ќерката, Радикс Маден.

Експлозијата во Бејрут направила кратер од 124 метри (ВИДЕО)

Катастрофалната експлозија што се случи во пристаништето во Бејрут, во која што загинаа најмалку 135 лица, ќе ја чини државата најмалку 15 милијарди долари.

Во експлозијата починале најмалку 135 лица , околу 5.000 се повредени, а повеќе од 300.000 луѓе се раселени од нивните домови.

Стотици се исчезнати и се стравува дека бројот на загинати ќе продолжи да расте.

Властите во Бејрут прогласија двонеделна вонредна состојба.

Според Си-Ен-Ен, дијаметарот на кратерот во Бејрут што бил направен со експлозијата е голем околу 124 метри.

Си-Ен-Ен ги објави информациите засновани врз анализа на сателитски снимки.

Ова значи дека кратерот е поголем од фудбалско игралиште. Си-Ен-Ен додава дека нивната проценка може да варира на повеќе или помалку од 10 метри.


Мелбурн е град на духови , почна четвртиот степен на карантин (ВИДЕО)

Вториот по големина град во Австралија, Мелбурн влезе во првиот ден од шестнеделниот карантин и повеќето продавници и канцеларии се затворени, додека властите се борат против вториот бран на пандемијата.

Продавниците се затворени, а улиците се напуштени во овој град со пет милиони жители, главниот град на австралиската држава Викторија, каде што во последните 24 часа се евидентирани 471 случаи на инфекција со коронавирус и осум смртни случаи поврзани со инфекцијата.

Австралија сега бележи вкупно околу 20,000 заболени и 255 смртни случаи, што е сè уште многу помалку отколку во многу други развиени земји.

Но, порастот на инфекцијата во државата Викторија се заканува дека ќе се прелее во остатокот од земјата. Нов Јужен Велс вчера забележа 12 нови случаи на ковид-19, односно вкупно 483.

„Веќе еднаш ја исправивме таа крива, повторно ќе ја исправиме“, изјави министерот за здравство Грег Хант пред новинарите.

Премиерот на Викторија, Даниел Ендрјус, ги повика жителите на Мелбурн, кои со недели живеат со поблаги карантински мерки, да останат мирни и покрај зголемената побарувачка за продукти во супермаркетите.

„Нема потреба луѓето да прават резерви со храна за повеќе месеци“, им рече Ендрус на новинарите во Мелбурн.

Кланиците се меѓу ретките компании на кои што им е дозволено да останат отворени во Мелбурн, иако има намален број работна сила.

„Се обидовме да постигнеме рамнотежа помеѓу намалувањето на движењето, со што ќе се намали бројот на случаи, но без да се загрозат потребите на граѓани во супермаркетите“, додаде Ендрјус.

Националната стапка на невработеност ќе се искачи на околу 10 проценти благодарение на обновените рестриктивни мерки во државата Викторија, рече австралискиот премиер Скот Морисон.

„Овие мерки ќе имаат многу значајно негативно влијание врз нашиот пат кон закрепнување“, рече премиерот.

притисни ентер