Македонија

Голема измама во Куманово

За наводна легализација на државна парцела и за продажба на недоизградена куќа, двајца кумановци оштетиле двајца свои сограѓани за 38.500 евра.

СВР Куманово, според МВР, поднесе кривична пријава против 47-годишниот С.С. од Куманово, за сторено кривично дело „измама“ и против 37-годишниот И.М. за сторено кривично дело „помагање“ во врска со „измама“.

Првопријавениот во јануари и февруари 2011 година, во два наврати од неговиот сограѓанин, 32-годшиниот С.А. побарал и примил 4.000 евра за наводно дека ќе му средел што ја користел како стовариште. Исто така, во март 2011 година на братот на С.А., И.А. му понудил да му продаде недоизградена куќа во Куманово во износ од 30.000 евра, по што И.А. во неколку наврати во присуство на второпријавениот му дал 29.500 евра и му платил возило во вредност од 5.000 евра кое го користел и второпријавениот, односно со измамата ги оштетиле браќата во вкупен износ од 38.500 евра.

Македонија

Две жртви во сообраќајка на експресниот пат Штип-Кочани

Тешка сообраќајна несреќа се случи на експресниот пат Штип-Кочани, во близина на ТИР зоната во Штип. Според првичните информации во несреќата животите ги загубиле две лица.

Портпаролот на СВР-Штип, Гордана Панајотова потврди дека на овој експресен пат има тешка сообраќајна несреќа.

Таа за МИА изјави дека во тек е увидот и обезбедувањето на местото на несреќата од страна на полицијата.

Несреќата се случила околу 14.25 часот, помеѓу две патнички возила.

Македонија

Саем на книга во Скопје: Само преку книгите, најмладите ќе ги насочиме на правилниот пат

Родителите и училиштето се двете најважни работи кои можат да всадат љубов кај децата за книгите, во време кога тие живеат во светот на интернетот и мобилните технологии.

Само преку книгите, најмладите ќе ги насочиме на правилниот пат и вистинските вредности.

Ова е заедничкиот став на посетителите, издавачите и авторите на 36. издание на Саемот на книга, кој до 24-ти април се одржува во спортскиот центар Борис Трајковски во Скопје.

А токму најмладите беа едни од најприсутните на саемот. Преку орагнизирани училишни посети, досега над 2.000 ученици ги посетиле овој книжевен настан.

Приказната се чита, е слоганот на овогодинешниот Саем на книга. Организаторите велат дека само на тој начин, децата можат да влезат во светот на книжевноста.

Дека интернет технологијата го одзема вниманието на децата, согласни се дел од авторите и издавачите. Нивната мисија е, додаваат тие, да им ги доближат квалитетните книги на младата популација па и преку електронски форма.

Од популарна присохологија, до македонски и светски познати автори. На Саемот на книга ќе се претстават над 60 издавачи, и ќе има повеќе од 30 промоции на книги, детски работилници, настани и дискусии.

Овој книжевен настан завршува на 24 април, чии врати се затвораат во 20 часот.

Македонија

Политички профил со кандидатката за претседателка – Гордана Силјановска Давкова

Во централните вести во 18 часот денеска ќе го емитуваме профилот на Гордана Силјановска Давкова.

Во продолжение дел од профилот.