„Бриколаж“ ќе се проширува и во другите градови низ Македонија

Македонија е земја со голема иднина и затоа одлучивме да инвестираме во земјава, велат за Канал 5 првите луѓе на Бриколаж, француски бренд кој веќе една година е присутен на македонскиот пазар.

„Среќни сме што сме во Македонија. Нашата волја да инвестираме овде беше мошне силна и мотивирана од постоечката балканска мрежа на нашиот ланец. Вакви продавници постоеја во Бугарија и во Србија и сметавме дека станува збор за еден регион кој има многу силен потенцијал за развој. Нашата продавница Бриколаж постои веќе една година во Македонија и станува збор за асоцијација помеѓу оваа мрежа и локалниот партнер од кој што сме навистина задоволни“ изјави Ив Пиди, директор за интернационално проширување на групацијата Бриколаж

Првите луѓе на компанијата констатират дека се задоволни од бизнис климата во земјава.

“ Постигнавме солиден успех, имаме 40 вработени што е добар резултат тоа е позитивно и за Скопје и за Македонија. Навистина сме задоволни, постигнавме задоволителен обрт на капитал, односно задоволителна заработувачка, иако не е лесно со оглед на глобалната економска криза. Сметаме дека ситуацијата со нашиот бизнис во Македонија навистина дава надеж за понатамошни позитивни резултати“ изјави Жак Бланше , заменик генерален директор на Бриколаж.

Од менаџментот размислуваат да го шират бизнисот и во останатите градови во земјава.

“ За нас како групација е многу важно соодветно да ги искористиме сите наши потенцијали најпрво во Скопје, и потоа да го прошириме нашиот бизнис во целата Македонија. Директорот на Бриколаж во Скопје ни предложи бизнис план за проширување во други градови во Македонија . Ние сметаме дека прво треба да ги искористиме сите потенцијали во Скопје за потоа да се прошириме и во останатите градови. Среќни сме во Македонија и сметаме дека е земја со голема иднина, изјави Ив Пиди, директор за интернационално проширување.

Бриколаж е француски ланец на хипермаркети. Компанијата постои од 1964 година, има вкупно 705 продавници , 11 илјади вработени.

Скудетото му носи нов договор на Инзаги

Тренерот на Интер, Симоне Инзаги наскоро би требало да потпише нов договор со клубот, пренесуваат италијанските медиуми.

Интер игра одлично сезонава, во поголемиот дел од сезоната е лидер во италијанското првенство и само прашање на време е кога математички ќе ја обезбеди титулата, па нов договор за тренерот е само логичен редослед на настаните.

Неговиот актуелен договор истекува во јуни 2025 година, клубот сака да му обезбеди подолг престој, па ќе му понуди продолжување до 2027 година.

Симоне пристигна во клубот од Милано во 2021 година по неговиот ангажман во Лацио.

Оттогаш, тој освои вкупно пет трофеи – два Купа на Италија и три италијански Суперкупа.

Минатата сезона го предводеше Интер до финалето на Лигата на шампионите каде загуби од Манчестер Сити, а оваа сезона како што стојат работите ќе го освои првото Скудето.

Италијанските сили се дел од НАТО мисијата за воздухопловно патролирање над Македонија

Министерката за одбрана Славјанка Петровска и италијанскиот министер за одбрана Гвидо Крозето денеска во Центарот за обука на пилоти во касарната „Страшо Пинџур“ во Петровец го потпишаа Техничкиот договор .

Министерката за одбрана Славјанка Петровска и италијанскиот министер за одбрана Гвидо Крозето денеска во Центарот за обука на пилоти во касарната „Страшо Пинџур“ во Петровец го потпишаа Техничкиот договор со кој Италијанските вооружени сили и официјално се вклучија во НАТО мисијата за воздухопловно патролирање над македонското небо.

Министерката Петровска по потпишувањето истакна дека со вклучувањето на Италија во оваа НАТО мисија, единството во Алијансата го гледаме на дело.

„Често споменуваме дека Алијансата е приказ на сојузништво и единство, но зборовите не можат да го отсликаат тоа што можеме да го видиме на дело – италијански и грчки воени воздухоплови, во координација со македонското воено воздухопловство гарантирајќи ја безбедноста на небото на Македонија“, рече министерката.

Со Италија изградивме вистинско сојузништво и развивме силна соработка, рече Петровска, и додаде дека фактот дека италијански воздухоплови ќе ја гарантираат безбедноста на нашиот воздушен простор е приказ за целосна меѓусебна доверба.

Италијанскиот министер Крозето порача дека со денешното потпишување на овој историски договор, Италија заедно со Грција ја презема обврската за заштита на небото на Македонија и дополни дека сојузништвото во Алијансата значи своите сили да се стават на располагање на други земји кога има потреба за такво нешто.

„Италија има чест што може да даде свој придонес во оваа насока и ѝ благодари на Северна Македонија за довербата“, рече Крозето.

Небото на Македонија со официјалниот почеток на НАТО „air policing“ мисијата во нашата земја во декември 2021 година, и официјално стана дел од колективниот систем на Алијансата за воздушно патролирање. Досега, воздухопловното патролирање беше доверено на грчкото воено воздухопловство, а отсега тоа ќе се врши со воздухоплови на грчките и на италијанските воздухопловни сили, во координација со военото воздухопловство на Армијата на Република Северна Македонија.

Мисијата за воздухопловно патролирање на нашето небо ја раководи Сојузничката воздухопловна команда на НАТО, а тактичката контрола на мисијата е под раководство на Центарот за комбинирани воздухопловни операции во Торехон, Шпанија.

Министерство за одбрана

Бундесверот испраќа 10.000 артилериски гранати во Украина

 Германија ќе испрати 10.000 артилериски гранати од сопствените резерви во Украина како дел од долгорочниот план во три фази, изјави генералот на Бундесверот, Кристијан Фројдинг.

Фројдинг во интервју за Дојче веле вели дека по првата, итна фаза, на среден рок ќе биде поддржана чешката иницијатива за испраќање уште повеќе муниција.

„Ќе преземеме над 180.000 парчиња муниција, кои се планирани да бидат испорачани од почетокот на летото до крајот на годината“, рече генералот.

На „подолг рок“, Германија, покрај чешката иницијатива, потпиша и билатерален договор со кој се предвидува испорака на уште 100.000 артилериски гранати од четвртиот квартал годинава. Фројдинг не сакаше да каже со која земја е склучен договорот за испорака.

Според Фројдинг, моменталната најитна потреба на Украина е „артилериска муниција, друга муниција и наведувани проектили за модерни системи за противвоздушна одбрана и оклопни борбени возила“.

Фројдинг во интервју за Дојче веле зборува и за обуката на украинските војници во Германија. Минатата година, 10.000 припадници на вооружените сили на Украина беа обучени на германските воени полигони, а уште 3.000 до 4.000 луѓе ќе бидат обучени во првите месеци од 2024 година.

притисни ентер