Македонија

Филе:Јасна перспектива за членство само за оние што се посветени на вредностите на ЕУ

Постои јасна перспектива за европска интеграција на сите земји во регионот на Западен Балкан, но тоа бара вистинска определба и напори во работата за воведување на европски стандарди и вредности.

Ова е пораката на комесарот за проширување и европска соседска политика Штефан Филе до граѓаните на земјите од Западен Балкан и нивните европски амбиции упатена по повод Денот на Европа.

- Денес е важен ден за Европа. На Денот на Европа е време да се потсетиме што е европскиот проект и што е потребно да се биде дел од Европската унија. Пред повеќе од 60 години, Роберт Шуман ја формулираше својата визија на уште поблиска унија на европските народи. Па дури и денес, ние ја придвижуваме оваа идеја напред. Хрватска наскоро ќе стане 28-ма членка и “чекалната на Западен Балкан“ се уште е далеку од празна. Ова покажува дека визијата на Шуман продолжува да инспирира и да се зајакнува европската стабилност и напредок, порача Филе.

Според првиот човек за проширување на Унијата, влезот на Хрватска додава нова динамика за проширувањето на Европската унија. Тој вели дека ова праќа силен сигнал до целиот регион за тоа што може да се постигне кога ќе се направат потребните напори.

- Има охрабрувачки резултати и во некои други делови на Западен Балкан. Србија и Косово неодамна постигнаа историски договор и Црна Гора се движи напред во процесот на пристапување, додава еврокомесарот.

Според Филе, перспективата за европска интеграција останува отворена за сите земји во регионот, но потенцира дека “тоа не е бесплатно возење“.

- Таа бара вистинска определба и напори и бара лидерите да размислуваат и да дејствуваат на европски начин. Членството во Европската унија е реална перспектива, но само за оние кои се навистина заинтересирани за прифаќање на принципите на ЕУ. Ова е патот за напред за целиот регион. Европската интеграција е за градење на заедничка, постабилна и попросперитетна европска иднина. Тоа е она што граѓаните на земјите од Западен Балкан го заслужуваат, потенцира Филе. /Извор МИА.

Свет

Северна Кореја тестирала тестирала „супер голема“ боева глава и противвоздушна ракета

Северна Кореја денеска соопшти дека тестирала „супер голема“ боева глава за крстосувачка ракета и нов противвоздушен проектил, пренесува ДПА.

Тестот на „супер-големата“ боева глава дизајнирана за стратешката крстосувачка ракета Хвасал-1 Ра-3 и пробното лансирање на противвоздушната ракета Пјољџи-1-2 се извршени во петокот, објавија државните медиуми.

- Преку пробното лансирање беше постигната зацртаната цел, објави агенцијата КЦНА.

Се наведува дека тестовите биле дел од редовните воени активности на Северна Кореја и дека немаат „никаква врска со ситуацијата во регионот“.

Резолуциите на ОН и забрануваат на Северна Кореја да тестира балистички ракети од кој било дострел, од кои некои се способни да носат нуклеарни боеви глави.

Како одговор на севернокорејската програма за нуклеарно оружје, Соединетите Држави и Јужна Кореја ја зајакнаа воената соработка, вклучително и одржување заеднички маневри. /МИА

Фудбал

Ајакс сака да го покани Чави за главен тренер

Раководството на Ајакс го смета тренерот на Барселона Чави како главен кандидат за тренерското место на тимот од Амстердам, објави „Sport.es“.

Холандскиот фудбалски гигант смета дека 44-годишниот шпански стручњак е способен да го врати клубот на претходното ниво и е подготвен да потпише договор со него до 2026 година.

Во јануари Чави најави дека ќе ја напушти Барселона на крајот на сезоната.

По јавно објавената одлука на Чави за заминување од Барса, тимот загуби само еден натпревар - во четвртфиналето на Лигата на шампионите против ПСЖ (1:4).

Чави за шеф на стручниот штаб на каталонскиот тим беше назначен во ноември 2021 година. /МИА

Култура

Награда во Калифорнија за најдобар долгометражен филм за „Бизнисот на задоволството“

„Бизнисот на задоволството“ на Гоце Цветановски ја доби наградата за најдобар долгометражен филм на „Риверсајд Филм фестивал“ во Калифорнија, САД.

Фестивалот што се одржа од 10 до 14 април, во своето 22-годишно постоење се залага за промоција на храбри филмови кои обработуваат општествени предизвици, но и говорат за смелоста на човековиот дух.

Цветановски го радува тоа што филмот по вторпат e наградeн во САД, откако минатиот месец беше прогласен за највпечатлив филм на 30. издание на „Седона интернешнал филм фестивал“ во Аризона.

- Калифорнија е центар на американската филмска индустрија, и секако дека како автор сум горд што добивме награда овде, и тоа во конкуренција со американски филмови со многу поголеми буџети. Едвај чекам да завршиме со оваа светска фестивалска турнеја и во септември да го презентираме пред нашата публика. Очекувам филмот да отвори теми за дискусија на повеќе нивоа, но пред се‘ сакам да го продолжиме трендот од последниве години, во кој на домашните гледачи им се враќа довербата и желбата да гледаат македонски филмови, вели Цветановски.

„Бизнисот на задоволството“ досега доби осум награди на филмските фестивали низ светот, од кои пет се за најдобар долгометражен филм.

Филмот ја следи приказната на новинарка, која опседната со исчезнувањето на нејзината најдобра пријателка, подготвува тајна операција со цел да разоткрие мрежа за трговија со жени. Но, како што нејзините соучесници се приближуваат до шефот, ситуацијата излегува од контрола.

Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.

Филмот е снимен со поддршка на Агенцијата за филм. /МИА