Македонија учесничка на натпревар на НАСА за иновативни решенија

Првпат во Македонија денеска и утре се одржува глобалниот настан Space App Challenge, во рамките на кој треба да бидат изнајдени решенија за глобалните потреби на животот на Земјата и вселената. Настанот се организира втор пат во историјата на НАСА. Скопје е една од 83-те локации во светот, каде што тој се одржува.

Во следните 48 часа стотина програмери, инженери, научници, студенти, експерти, професори и ентузијасти од Македонија и светот групно ќе работат на десетина различни предизвици за изнаоѓање на хардверски и софтверски корисни решенија за глобалните потреби на земјата.

Министерот за информатичко општество Иво Ивановски денеска присуствуваше на отворањето на настанот и притоа истакна дека ова е значаен натпревар за Македонија за формирање на нашите претприемачи, програмери и развивачи на програми.

- Уште еднаш ќе можеме да покажеме во светот дека не е со до факултет туку е до квалитет. Да докажеме дека Македонија е земја на информатичари и дека покрај тоа што сме мала земја, ние умествено сме силна и способна рамо до рамо со која било земја. Токму затоа и НАСА ја селектира и Македонија да биде меѓу тие градови кои денеска ќе се натпреваруваат за ИТ апликации, изјави Ивановски.

Според него, Македонија е избрана за ваков настан поради фактот што земјата има развиено информатичко општество и тоа може да се покаже со голем број примери.

Ивановски истакна дека ваквите натпреварувања се прават за да се привлече вниманието на најкреативните, со цел да им се овозможи да се едуцираат, да создадат нова апликација или ново решение кое ќе има голема додадена вредност на нашето општество.

Најдобрите решенија ќе бидат наградени, а проектите ќе бидат оценувани од реномирани стручни лица од индустријата и академијата, за подоцна да се вмрежат со победничките решенија на меѓународно ниво.

Локален партнер и организатор на настанот е една од најголемите ИТ компании во Македонија Seavus.

Лукаревска: Ја вративме слободата, вложуваме во човечкиот капитал

Колку ли работни места ќе се отвореа, колку ли ќе се зголемеа платите ако 650 илјади евра не се расфрлаа на кич, барок, стиропор и лажен сјај, излезете и гласајте за бројот три, за повисоки пензии и плати, за развој и заедништво.

Бескомпромисно се боревме да ја вратиме слободата и успеавме, вложувавме во човечкиот капитал наместо во погрешни инвестиции, се боревме да ги задржиме младите тука дома, не ги бркавме од државата, се боревме за граѓаните а не ги уценувавме, решававме проблеми а не ги создававме, ги враќавме парите кај граѓаните. Ова е нашата заложба и за вториот мандат, рече Лукаревска, носител на изборна листа во ИЕ2 на централната трибина на коалицијата МОЖЕМЕ во Скопје.

-Колку ли работни места ќе се отвореа ако 650 000 евра не отидеа за кич, барок, стиропор и лажен сјај. Колку ли платите ќе се зголемеа ако не се расврлаа пари на галии и на скапи палми, колку ли ќе се вложуваше во човечкиот капитал ако не се даваа парите за белата палата на ВМРО ДПМНЕ од која што гласно бараат обнова, а тоа значи обнова на режим. Тоа не смееме и нема да го дозволиме. Ја барам вашата поддршка на 15 јули, барам да ни дадете шанса за втор мандат, да излезете да гласате за бројот 3 затоа што бројот 3 значи повисоки пензии и плати, бројот три не носи на европскиот пат, бројот три значи напредок и развој, заедништво и благосостојба.

Центар за комуникации со јавноста на СДСМ

Мицкоски од Берово: На 15-ти јули конечно ќе ја победиме сите заедно оваа ненародна и криминална власт

Мицкоски од Берово ги повика и досегашните поддржувачи на СДСМ за да се обедини целиот народ против проектот на СДСМ и БЕСА за федерализација на Македонија и нејзино крајно уништување.

Претседателот на најголемата политичка опција во државата ВМРО-ДПМНЕ Христијан Мицкоски од Берово ги повика сите граѓани да се обединат, и оние неопределените, па и оние досегашните поддржувачи на СДСМ, против проектот на СДСМ и БЕСА за федерализација на Македонија се до нејзино крајно уништување.

-Кога човек делува навидум разочарано треба да застане цврсто на нозе и да продолжи да се бори за она во кое верува. А тоа што во кое сите ние веруваме е онаа Македонија за која што сите сонуваме. Онаа нашата Македонија. И тоа не е лесна едноставна цел. Таа е многу голема цел. И повозрасните велат, колку што целта е поголема толку се искушенијата на патот за реализација на таа цел се поголеми. И кога ќе ви речат попусто се борите се а завршено, тоа не треба да ве обесхрабрува, а ќе има и такви. Тукутоа треба дополнително да ве мотивира да продолжите да се борите во остварувањето на вашата крајна цел. Но, јас чувствувам, една чудна енергија се обединува за обновата. Народот се сплотува како многупати во историјата, и кога било и потешко. Затоа и овој пат, заедно сите на 15-ти јули ќе победиме. Тука никој не треба да има дилема, порача Мицкоски.

Мицкоски од Берово ги повика и досегашните поддржувачи на СДСМ за да се обедини целиот народ против проектот на СДСМ и БЕСА за федерализација на Македонија и нејзино крајно уништување.

-Најпрвин да си ја ослободиме државата, а после ние ќе ви помогнеме да си ја ослободите партијата од овие кои што ви ја заробија. Нас после 15-ти јули ќе ни треба конструктивна опозиција. Опозиција која заедно со владата која ќе ја предводи ВМРО-ДПМНЕ ќе работи за интересите на Македонија. Ова не е само борба на два спротивни концепта, туку и борба помеѓу различни вредности. Ние нема да владееме со народот како што правеше СДСМ, туку ние ВМРО-ДПМНЕ заедно со народот ќе си ја обновуваме Македонија нашата татковина, рече Мицкоски.

Центар за комуникации на ВМРО-ДПМНЕ

притисни ентер