Министерот Џафери го предаде во употреба воениот патролен брод

Министерот за одбрана Талат Џафери, началникот на ГШ на АРМ Горанчо Котевски и сратешини на Охридскиот гарнизон денеска го посетија армискиот Центар за обука на вода во Охрид, при што беше извршено предавање во употреба на реновираниот воен брод на Охридското Езеро.
Џафери истакна дека посетата коренспондира со обврските на Министерството за одбрана и на ГШ за непосредно запознавање со состојбите во единиците, јави МИА.

- Ставањето на бродот во употреба беше добра можност на лице место да се запознаеме со условите за живот и работа на единицата, и за нашите обврски во однос на доопремување на Центарот за обука на вода, во насока на подобра обука и борбена подготвеност, рече Џафери.

Тој појасни дека слични посети се предвидени на сите едници и гарнизони, за утврдување на состојбите и преземање мерки за доопремување на армиските капацитети, согласно плановите за 2013 година и долгорочно.

Министерот Џафери додаде дека бродот што денеска беше ставен во употреба пред се ќе биде наменет за реализација на плановите на единицита, како за обука, така и за контрола на граничниот регион. Притоа тој додаде дека се разгледуваат и можностите во иднина за издавање на патролниот брод за комерцијални цели, како одредени посети на делегации во Охрид, за што секако ќе треба да се усвои посебен правилник за користење што би бил во согласност со законските прописи.

Началникот на ГШ на АРМ Горанчо Котевски рече дека денешната работна посета на Охрид ќе биде искористена и за посета на армиското одмаралиште во Свети Наум, како и на поранешната каралула во Радожда.

- Овој брод ќе се користи првенствено за обука на припадниците на АРМ, но и за поддршка на активностите на Граничната полиција доколку тоа е потребно, рече Котевски. Тој додаде дека во рамки на АРМ се планираат и активности насочени кон реновирање и на другиот армиски брод и негово ставање во употреба.

Мицевски: Лудилото на СДСМ во македонското Собрание нема крај.

Во последните две седмици во Собранието на Република Македонија се пристигнати 123 предлог закони, што претставува рекорд во законодавниот дом.

Владата предводена од СДСМ заедно со парламентарното мнозинство, штанцаат закони како никогаш до сега, со што се врши класична злоупотреба на институцијата.

Во пресрет на предвремените парламентарни избори и на крајот на Владата на Зоран Заев, СДСМ погазувајќи ја демократијата и транспарентноста, сака преку овие закони да се додворува на гласачите, свесни дека во реалноста немаат направено ама баш ништо за македонските граѓани.

Овие 123 закони парламентарното мнозинство сака да ги протне на мала врата, без никакви консултации со стручната јавност, без јавни расправи и без време пратениците од опозицијата да ги разгледаат текстовите на законите и соодветно да реагираат таму каде што има потреба.

Исто така, не изостанува и континуираната злоупотреба на скратената постапка за која што СДСМ додека беше во опозиција гласно реагираше, а сега стана рекордер во донесени закони по скратена постапка каде што бројката надминува над 55% што е погубно за една демократија и најубаво го отсликува самоволието кое што владее овие три години во македонското собрание.

Оваа бројка е уште попоразителна ако се земе фактот дека откако СДСМ се дојдени на власт па се до октомври 2019 односно за три години, донесени се 377 закони, а сега за само две недели до Собранието се стасани 123 предлог закони.

Сакаме да потенцираме дека се работи за крајно популистички закони кои што не се во интерес на граѓаните, туку закони кои што треба да ја затскријат неспособноста на власта да си ги исполни ветувањата и преку овие закони сакаат да ги манипулираат граѓаните дека нешто работат.

Пратеничката група на ВМРО-ДПМНЕ нема да дозволи на ваков низок начин да се изиграат граѓаните кои што и покрај игрите на СДСМ се свесни дека оваа власт е најнеспособната и најкорумпираната власт што некогаш ја имала оваа држава.

Оваа Влада и ова парламентарно мнозинство е пример како во иднина не треба и не смее да се води државата.

Зборуваа за демоктарија, донесоа партиски реваншизам.

Зборуваа за инклузивност, донесоа сомоволие.

Зборуваа за правна држава, донесоа невиден криминал.

Зборуваа за еднаквост на сите пред законите, донесоа корупција и злоупотреба на законите.

Како пратеници од ВМРО-ДПМНЕ апелираме до колегите од парламентарното мнозинтво наместо да се умилкуваат на Зоран Заев за нивните места на пратеничките листи, да се присетат дека тие се претставници на граѓаните, а не гласачка машинерија на погубните политики на Зоран Заев и раководството на СДСМ.

Никола Мицевски, координатор на  ВМРО-ДПМНЕ во Собранието на Република Македонија

Дескоска: Прочистувањето на корупцијата е најзначајниот процес во државата

Министерката за правда проф. д-р Рената Дескоска денеска се обрати на Осмата сесија на Конференцијата на државите потписнички на Конвенцијата на Обединетите нации против корупцијата (UNCAC).

Конференцијата се одржува на секои две години, а целта на одржувањето е проверка на напредокот на државите потписнички на конвенцијата.

Конвенцијата на Обединетите нации против корупцијата (UNCAC) е дел од македонскиот правен поредок, а нејзината имплементација е предмет на ревизија.

 “Корупцијата претставува закана за демократијата и владеењето на правото. Општествата со силни, независни и непристрасни механизми за борба против корупцијата се општества со значително подобар квалитет на живот. Прочистувањето на корупцијата во општеството е мошне предизвикувачки процес, но тоа е најзначајниот процес во една држава кој води кон подобро образование, здравство, административни услуги, подобар и поеднаков пристап до правда за нашите граѓани“ истакна Дескоска.

Во своето обраќање, министерката Дескоска ги наведе постигнувањата на Министерството за правда во насока на зајакнување на антикорупциската рамка и имплементација на препораките на Конвенцијата на ООН против корупција (UNCAC), а како најзначајно постигнување го наведе донесувањето на новиот Закон за спречување на корупцијата и судирот на интереси.

“Како резултат на дискусиите и експертските препораки добиени во рамки на спроведувањето на вториот циклус на преглед на имплементацијата на Конвенцијата, воведена е целосно транспарентна постапка за  избор и именување на претседателот и членовите на Државната комисија за спречување на корупцијата,  во која учествуваат и граѓанскиот сектор, новинарите и медиумите, а утврдени се зајакнати услови кои треба да ги исполнуваат кандидатите за претседател и член на оваа Државна комисија“ потенцираше Дескоска.

Со новиот Закон за слободен пристап до информации од јавен карактер од мај 2019 година, се зголемува пристапот до информации, а рокот за добивање одговор е значително скратен.

Како придобивка, министерката Дескоска ја наведе и зголемената транспарентност во трошењето на јавните средства, особено преку објава на интернет порталот „Отворени финансии“ со кој јавноста има увид во податоците за реализација на буџетските трансакции.

Министерката истакна дека добрите пракси и предизвици идентификувани од тековниот циклус на преглед на имплементацијата на Конвенцијата ќе ги користиме за аргументирање и предлагање на подобри решенија за превенција и борба против корупцијата, но истите и ќе ни послужат како референца за поддршка во активностите за обезбедување техничка помош.

Дескоска се заблагодари за експертската поддршка која ја обезбедува Канцеларијата на Обединетите Нации против наркотици и криминал (UNODC) и граѓанскиот сектор во унапредување на имплементацијата на одредбите на Конвенцијата.

МТСП доби признание од Црвен крст за посебен придонес и соработка во развој на социјалните услуги

Црвениот крст на Република Македонија денеска додели посебно признание за партнерска соработка на Министерството за труд и социјална политика.

Признанието и беше врачено на министерката за труд и социјална политика Мила Царовска од страна на генералниот секретар на Црвениот крст Саит Саити.

“Честитам за заедничката успешна сработена работа. Заеднички продолжуваме понатаму да создаваме услуги за најранливите и повозрасните лица. Годинава успеавме да донесеме измени и дополнување на Законот за Црвениот крст на Република Македонија со кои ги допрецизиравме одредбите кои се однесуваат на утврдувањето на висината на надоместоците. Со тоа ја зголемивме одржливоста на активностите кои ги спроведува Црвениот крст и неговите општински здруженија во поддршката и помошта кон најранливите граѓани на нашето општество”, рече Царовска.

Црвениот крст е партнер на МТСП во заштитата и поддршката на бездомните лица во Северна Македонија. Изминатите неколку години Министерството и Црвен крст отвораат пунктови во повеќе градови во државата, во периодот од годината кога се прогласува ладен бран. МТСП обезбедува финансиски средства за поддршка на бездомните лица во текот на овој период од годината.

“Црвен крст се вклучи во испорака на услугите кои се предвидени со новиот Закон за социјална заштита,  со обезбедување на услугата за лична асистенција во 9 општини, а во иднина ќе се вклучи и во испраката на услугата помош и нега во домот”, рече Царовска.

Министерствито за труд и социјална политика и Црвениот крст успешно соработуваат и во обезбедувањето поддршка за повозрасната популација во Дневните центри за стари лица, а последно е и поддршка во соработка со општина Центар и во обезбедување на дневни услуги за лица со интелектуална попреченост. 

Со години наназад МТСП има успешна соработка во спроведување на услугата летен одмор за деца од семејства во социјален ризик.

притисни ентер